अत्य् अन्यान् अगां नान्यान् उपागाम् अर्वाक् त्वा परैर् अविदम् परोऽवरैस् तं त्वा जुषे वैष्णवं देवयज्यायै देवस् त्वा सविता मध्वानक्तु । ओषधे त्रायस्वैनम् । स्वधिते मैनꣳ हिꣳसीः । दिवम् अग्रेण मा लेखीर् अन्तरिक्षम् मध्येन मा हिꣳसीः पृथिव्या सम् भव वनस्पते शतवल्शो वि रोह सहस्रवल्शा वि वयꣳ रुहेम यं त्वायꣳ स्वधितिस् तेतिजानः प्रणिनाय महते सौभगायाछिन्नो रायः सुवीरः ॥
aty anyān agāṃ nānyān upāgām arvāk tvā parair avidam paro'varais taṃ tvā juṣe vaiṣṇavaṃ devayajyāyai devas tvā savitā madhvānaktu | oṣadhe trāyasvainam | svadhite mainam̐ him̐sīḥ | divam agreṇa mā lekhīr antarikṣam madhyena mā him̐sīḥ pṛthivyā sam bhava vanaspate śatavalśo vi roha sahasravalśā vi vayam̐ ruhema yaṃ tvāyam̐ svadhitis tetijānaḥ praṇināya mahate saubhagāyāchinno rāyaḥ suvīraḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.