वाक् त आ प्यायताम् प्राणस् त आ प्यायतां चक्षुस् त आ प्यायताम् श्रोत्रं त आ प्यायताम् या ते प्राणाञ् छुग् जगाम या चक्षुर् या श्रोत्रं यत् ते क्रूरं यद् आस्थितम् तत् त आ प्यायतां तत् त एतेन शुन्धताम् । नाभिस् त आ प्यायताम् पायुस् त आ प्यायताम् । शुद्धाश् चरित्राः शम् अद्भ्यः ॥ शम् ओषधीभ्यः शम् पृथिव्यै शम् अहोभ्याम् ओषधे त्रायस्वैनम् । स्वधिते मैनꣳ हिꣳसी रक्षसाम् भागो ऽसि । इदम् अहꣳ रक्षो ऽधमम् तमो नयामि यो ऽस्मान् द्वेष्टि यं च वयं द्विष्म इदम् एनम् अधमं तमो नयामि । इषे त्वा घृतेन द्यावापृथिवी प्रोर्ण्वाथाम् अछिन्नो रायः सुवीर उर्व् अन्तरिक्षम् अन्विहि 1वायो वीहि स्तोकानाम् । स्वाहोर्ध्वनभसं मारुतं गच्छतम् ॥
vāk ta ā pyāyatām prāṇas ta ā pyāyatāṃ cakṣus ta ā pyāyatām śrotraṃ ta ā pyāyatām yā te prāṇāñ chug jagāma yā cakṣur yā śrotraṃ yat te krūraṃ yad āsthitam tat ta ā pyāyatāṃ tat ta etena śundhatām | nābhis ta ā pyāyatām pāyus ta ā pyāyatām | śuddhāś caritrāḥ śam adbhyaḥ || śam oṣadhībhyaḥ śam pṛthivyai śam ahobhyām oṣadhe trāyasvainam | svadhite mainam̐ him̐sī rakṣasām bhāgo 'si | idam aham̐ rakṣo 'dhamam tamo nayāmi yo 'smān dveṣṭi yaṃ ca vayaṃ dviṣma idam enam adhamaṃ tamo nayāmi | iṣe tvā ghṛtena dyāvāpṛthivī prorṇvāthām achinno rāyaḥ suvīra urv antarikṣam anvihi 1vāyo vīhi stokānām | svāhordhvanabhasaṃ mārutaṃ gacchatam ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.