अग्निर् एकाक्षरेण वाचम् उद् अजयत् । अश्विनौ द्व्यक्षरेण प्राणापानाव् उद् अजयताम् । विष्णुस् त्र्यक्षरेण त्रीन् लोकान् उद् अजयत् सोमश् चतुरक्षरेण चतुष्पदः पशून् उद् अजयत् पूषा पञ्चाक्षरेण पङ्क्तिम् उद् अजयत् । धाता षडक्षरेण षड् ऋतून् उद् अजयत् । मरुतः सप्ताक्षरेण सप्तपदाꣳ शक्वरीम् उद् अजयन् बृहस्पतिर् अष्टाक्षरेण गायत्रीम् उद् अजयत् । मित्रो नवाक्षरेण त्रिवृतꣳ स्तोमम् उद् अजयत् ॥ वरुणो दशाक्षरेण विराजम् उद् अजयत् । इन्द्र एकादशाक्षरेण त्रिष्टुभम् उद् अजयत् । विश्वे देवा द्वादशाक्षरेण जगतीम् उद् अजयन् वसवस् त्रयोदशाक्षरेण त्रयोदशꣳ स्तोमम् उद् अजयन् । रुद्राश् चतुर्दशाक्षरेण चतुर्दशꣳ स्तोमम् उद् अजयन् । आदित्याः पञ्चदशाक्षरेण पञ्चदशꣳ स्तोमम् उद् अजयन् प्रजापतिः सप्तदशाक्षरेण सप्तदशꣳ स्तोमम् उद् अजयत् ॥
agnir ekākṣareṇa vācam ud ajayat | aśvinau dvyakṣareṇa prāṇāpānāv ud ajayatām | viṣṇus tryakṣareṇa trīn lokān ud ajayat somaś caturakṣareṇa catuṣpadaḥ paśūn ud ajayat pūṣā pañcākṣareṇa paṅktim ud ajayat | dhātā ṣaḍakṣareṇa ṣaḍ ṛtūn ud ajayat | marutaḥ saptākṣareṇa saptapadām̐ śakvarīm ud ajayan bṛhaspatir aṣṭākṣareṇa gāyatrīm ud ajayat | mitro navākṣareṇa trivṛtam̐ stomam ud ajayat || varuṇo daśākṣareṇa virājam ud ajayat | indra ekādaśākṣareṇa triṣṭubham ud ajayat | viśve devā dvādaśākṣareṇa jagatīm ud ajayan vasavas trayodaśākṣareṇa trayodaśam̐ stomam ud ajayan | rudrāś caturdaśākṣareṇa caturdaśam̐ stomam ud ajayan | ādityāḥ pañcadaśākṣareṇa pañcadaśam̐ stomam ud ajayan prajāpatiḥ saptadaśākṣareṇa saptadaśam̐ stomam ud ajayat ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.