सद्यो दीक्षयन्ति सद्यः सोमं क्रीणन्ति पुण्डरिस्रजाम् प्र यच्छति दशभिर् वत्सतरैः सोमं क्रीणाति दशपेयो भवति शतम् ब्राह्मणाः पिबन्ति सप्तदशꣳ स्तोत्रम् भवति प्राकाशाव् अध्वर्यवे ददाति स्रजम् उद्गात्रे रुक्मꣳ होत्रे । अश्वम् प्रस्तोतृप्रतिहर्तृभ्याम् । द्वादश पष्ठौहीर् ब्रह्मणे वशाम् मैत्रावरुणाय । ऋषभम् ब्राह्मणाच्छꣳसिने वाससी नेष्टापोतृभ्याम् । स्थूरि यवाचितम् अच्छावाकाय । अनड्वाहम् अग्नीधे भार्गवो होता भवति श्रायन्तीयम् ब्रह्मसामम् भवति वारवन्तीयम् अग्निष्टोमसामम् । सारस्वतीर् अपो गृह्णाति ॥
sadyo dīkṣayanti sadyaḥ somaṃ krīṇanti puṇḍarisrajām pra yacchati daśabhir vatsataraiḥ somaṃ krīṇāti daśapeyo bhavati śatam brāhmaṇāḥ pibanti saptadaśam̐ stotram bhavati prākāśāv adhvaryave dadāti srajam udgātre rukmam̐ hotre | aśvam prastotṛpratihartṛbhyām | dvādaśa paṣṭhauhīr brahmaṇe vaśām maitrāvaruṇāya | ṛṣabham brāhmaṇāccham̐sine vāsasī neṣṭāpotṛbhyām | sthūri yavācitam acchāvākāya | anaḍvāham agnīdhe bhārgavo hotā bhavati śrāyantīyam brahmasāmam bhavati vāravantīyam agniṣṭomasāmam | sārasvatīr apo gṛhṇāti ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.