आग्नेयम् अष्टाकपालं निर् वपति हिरण्यं दक्षिणा । ऐन्द्रम् एकादशकपालम् ऋषभो दक्षिणा वैश्वदेवं चरुम् पिशंगी पष्ठौही दक्षिणा मैत्रावरुणीम् आमिक्षां वशा दक्षिणा बार्हस्पत्यं चरुꣳ शितिपृष्ठो दक्षिणा । आदित्याम् मल्हां गर्भिणीम् आ लभते मारुतीम् पृश्निम् पष्ठौहीम् अश्विभ्याम् पूष्णे पुरोडाशं द्वादशकपालं निर् वपति सरस्वते सत्यवाचे चरुꣳ सवित्रे सत्यप्रसवाय पुरोडाशं द्वादशकपालम् । तिसृधन्वꣳ शुष्कदृतिर् दक्षिणा ॥
āgneyam aṣṭākapālaṃ nir vapati hiraṇyaṃ dakṣiṇā | aindram ekādaśakapālam ṛṣabho dakṣiṇā vaiśvadevaṃ carum piśaṃgī paṣṭhauhī dakṣiṇā maitrāvaruṇīm āmikṣāṃ vaśā dakṣiṇā bārhaspatyaṃ carum̐ śitipṛṣṭho dakṣiṇā | ādityām malhāṃ garbhiṇīm ā labhate mārutīm pṛśnim paṣṭhauhīm aśvibhyām pūṣṇe puroḍāśaṃ dvādaśakapālaṃ nir vapati sarasvate satyavāce carum̐ savitre satyaprasavāya puroḍāśaṃ dvādaśakapālam | tisṛdhanvam̐ śuṣkadṛtir dakṣiṇā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.