ऐन्द्राग्नं द्वादशकपालं वैश्वदेवं चरुम् इन्द्राय शुनासीराय पुरोडाशं द्वादशकपालं वायव्यम् पयः सौर्यम् एककपालं द्वादशगवꣳ सीरं दक्षिणा । आग्नेयम् अष्टाकपालं निर्वपति रौद्रं गावीधुकं चरुम् ऐन्द्रं दधि वारुणं यवमयं चरुं वहिनी धेनुर् दक्षिणा ये देवाः पुरःसदो ऽग्निनेत्रा दक्षिणसदो यमनेत्राः पश्चात्सदः सवितृनेत्रा उत्तरसदो वरुणनेत्रा उपरिषदो बृहस्पतिनेत्रा रक्षोहणस् ते नः पान्तु ते नो ऽवन्तु तेभ्यः नमस् तेभ्यः स्वाहा समूढꣳ रक्षः संदग्धꣳ रक्ष इदम् अहꣳ रक्षो ऽभि सं दहामि । अग्नये रक्षोघ्ने स्वाहा यमाय सवित्रे वरुणाय बृहस्पतये दुवस्वते रक्षोघ्ने स्वाहा प्रष्टिवाही रथो दक्षिणा देवस्य त्वा सवितुः प्रसवे ऽश्विनोर् बाहुभ्याम् पूष्णो हस्ताभ्याꣳ रक्षसो वधं जुहोमि हतꣳ रक्षो ऽवधिष्म रक्षः । यद् वस्ते तद् दक्षिणा ॥
aindrāgnaṃ dvādaśakapālaṃ vaiśvadevaṃ carum indrāya śunāsīrāya puroḍāśaṃ dvādaśakapālaṃ vāyavyam payaḥ sauryam ekakapālaṃ dvādaśagavam̐ sīraṃ dakṣiṇā | āgneyam aṣṭākapālaṃ nirvapati raudraṃ gāvīdhukaṃ carum aindraṃ dadhi vāruṇaṃ yavamayaṃ caruṃ vahinī dhenur dakṣiṇā ye devāḥ puraḥsado 'gninetrā dakṣiṇasado yamanetrāḥ paścātsadaḥ savitṛnetrā uttarasado varuṇanetrā upariṣado bṛhaspatinetrā rakṣohaṇas te naḥ pāntu te no 'vantu tebhyaḥ namas tebhyaḥ svāhā samūḍham̐ rakṣaḥ saṃdagdham̐ rakṣa idam aham̐ rakṣo 'bhi saṃ dahāmi | agnaye rakṣoghne svāhā yamāya savitre varuṇāya bṛhaspataye duvasvate rakṣoghne svāhā praṣṭivāhī ratho dakṣiṇā devasya tvā savituḥ prasave 'śvinor bāhubhyām pūṣṇo hastābhyām̐ rakṣaso vadhaṃ juhomi hatam̐ rakṣo 'vadhiṣma rakṣaḥ | yad vaste tad dakṣiṇā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.