बार्हस्पत्यं चरुं निर् वपति ब्रह्मणो गृहे शितिपृष्ठो दक्षिणा । ऐन्द्रम् एकादशकपालꣳ राजन्यस्य गृह ऋषभो दक्षिणा । आदित्यं चरुम् महिष्यै गृहे धेनुर् दक्षिणा नैर्ऋतं चरुम् परिवृक्त्य्àइ गृहे कृष्णानां व्रीहीणां नखनिर्भिन्नं कृष्णा कूटाँ दक्षिणा । आग्नेयम् अष्टाकपालꣳ सेनान्यो गृहे हिरण्यं दक्षिणा वारुणं दशकपालꣳ सूतस्य गृहे महानिरष्टो दक्षिणा मारुतꣳ सप्तकपालं ग्रामण्यो गृहे पृश्निर् दक्षिणा सावित्रं द्वादशकपालम् क्षत्तुर् गृह उपध्वस्तो दक्षिणा । आश्विनं द्विकपालꣳ सम्ग्रहीतुर् गृहे सवात्यौ दक्षिणा पौष्णं चरुम् भागदुघस्य गृहे श्यामो दक्षिणा रौद्रं गावीधुकं चरुम् अक्षावापस्य गृहे शबल उद्वारो दक्षिणा । इन्द्राय सुत्राम्णे पुरोडाशम् एकादशकपालम् प्रति निर् वपतीन्द्रायाꣳहोमुचे ऽयं नो राजा वृत्रहा राजा भूत्वा वृत्रं वध्यात् । मैत्राबार्हस्पत्यम् भवति श्वेतायै श्वेतवत्सायै दुग्धे स्वयम्मूर्ते स्वयम्मथित आज्य आश्वत्थे पात्रे चतुःस्रक्तौ स्वयमवपन्नायै शाखायै कर्णाꣳश् चाकर्णाꣳश् च तण्डुलान् वि चिनुयाद् ये कर्णाः स पयसि बार्हस्पत्यो ये ऽकर्णाः स आज्ये मैत्रः स्वयंकृता वेदिर् भवति स्वयंदिनम् बर्हिः स्वयंकृत इध्मः सैव श्वेता श्वेतवत्सा दक्षिणा ॥
bārhaspatyaṃ caruṃ nir vapati brahmaṇo gṛhe śitipṛṣṭho dakṣiṇā | aindram ekādaśakapālam̐ rājanyasya gṛha ṛṣabho dakṣiṇā | ādityaṃ carum mahiṣyai gṛhe dhenur dakṣiṇā nairṛtaṃ carum parivṛktyài gṛhe kṛṣṇānāṃ vrīhīṇāṃ nakhanirbhinnaṃ kṛṣṇā kūṭā~ dakṣiṇā | āgneyam aṣṭākapālam̐ senānyo gṛhe hiraṇyaṃ dakṣiṇā vāruṇaṃ daśakapālam̐ sūtasya gṛhe mahāniraṣṭo dakṣiṇā mārutam̐ saptakapālaṃ grāmaṇyo gṛhe pṛśnir dakṣiṇā sāvitraṃ dvādaśakapālam kṣattur gṛha upadhvasto dakṣiṇā | āśvinaṃ dvikapālam̐ samgrahītur gṛhe savātyau dakṣiṇā pauṣṇaṃ carum bhāgadughasya gṛhe śyāmo dakṣiṇā raudraṃ gāvīdhukaṃ carum akṣāvāpasya gṛhe śabala udvāro dakṣiṇā | indrāya sutrāmṇe puroḍāśam ekādaśakapālam prati nir vapatīndrāyām̐homuce 'yaṃ no rājā vṛtrahā rājā bhūtvā vṛtraṃ vadhyāt | maitrābārhaspatyam bhavati śvetāyai śvetavatsāyai dugdhe svayammūrte svayammathita ājya āśvatthe pātre catuḥsraktau svayamavapannāyai śākhāyai karṇām̐ś cākarṇām̐ś ca taṇḍulān vi cinuyād ye karṇāḥ sa payasi bārhaspatyo ye 'karṇāḥ sa ājye maitraḥ svayaṃkṛtā vedir bhavati svayaṃdinam barhiḥ svayaṃkṛta idhmaḥ saiva śvetā śvetavatsā dakṣiṇā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.