प्राची दिशां वसन्त ऋतूनाम् अग्निर् देवता ब्रह्म द्रविणं त्रिवृत् स्तोमः स उ पञ्चदशवर्तनिस् त्र्यविर् वयः कृतम् अयानाम् पुरोवातो वातः सानग ऋषिः । दक्षिणा दिशां ग्रीष्म र्तूनाम् इन्द्रो देवता क्षत्रं द्रविणम् पञ्चदश स्तोमः स उ सप्तदशवर्तनिर् दित्यवाड् वयस् त्रेतायानां दक्षिणाद्वातो वातः सनातन ऋषिः प्रतीची दिशां वर्षा ऋतूनां विश्वे देवा देवता विट् द्रविणꣳ सप्तदश स्तोमः स उवेकविꣳशवर्तनिस् त्रिवत्सो वयो द्वापरो ऽयानाम् पश्चाद्वातो वातो ऽहभून ऋषिः । उदीची दिशाꣳ शरद् ऋतूनाम् मित्रावरुणौ देवता पुष्टं द्रविणम् एकविꣳश स्तोमः स उ त्रिणववर्तनिस् तुर्यवाड् वय आस्कन्दो ऽयानाम् उत्तराद्वातो वातः प्रत्न ऋषिः । ऊर्ध्वा दिशाꣳ हेमन्तशिशिराव् ऋतूनाम् बृहस्पतिर् देवता वर्चो द्रविणं त्रिणव स्तोमः स उ त्रयस्त्रिꣳशवर्तनिः पष्ठवाद् वयो ऽभिभूर् अयानां विष्वग्वातो वातः सुपर्ण ऋषिः पितरः पितामहाः परे ऽवरे ते नः पान्तु ते नो ऽवन्त्व् अस्मिन् ब्रह्मन्न् अस्मिन् क्षत्रे ऽस्याम् आशिष्य् अस्याम् पुरोधायाम् अस्मिन् कर्मन्न् अस्यां देवहूत्याम् ॥
prācī diśāṃ vasanta ṛtūnām agnir devatā brahma draviṇaṃ trivṛt stomaḥ sa u pañcadaśavartanis tryavir vayaḥ kṛtam ayānām purovāto vātaḥ sānaga ṛṣiḥ | dakṣiṇā diśāṃ grīṣma rtūnām indro devatā kṣatraṃ draviṇam pañcadaśa stomaḥ sa u saptadaśavartanir dityavāḍ vayas tretāyānāṃ dakṣiṇādvāto vātaḥ sanātana ṛṣiḥ pratīcī diśāṃ varṣā ṛtūnāṃ viśve devā devatā viṭ draviṇam̐ saptadaśa stomaḥ sa uvekavim̐śavartanis trivatso vayo dvāparo 'yānām paścādvāto vāto 'habhūna ṛṣiḥ | udīcī diśām̐ śarad ṛtūnām mitrāvaruṇau devatā puṣṭaṃ draviṇam ekavim̐śa stomaḥ sa u triṇavavartanis turyavāḍ vaya āskando 'yānām uttarādvāto vātaḥ pratna ṛṣiḥ | ūrdhvā diśām̐ hemantaśiśirāv ṛtūnām bṛhaspatir devatā varco draviṇaṃ triṇava stomaḥ sa u trayastrim̐śavartaniḥ paṣṭhavād vayo 'bhibhūr ayānāṃ viṣvagvāto vātaḥ suparṇa ṛṣiḥ pitaraḥ pitāmahāḥ pare 'vare te naḥ pāntu te no 'vantv asmin brahmann asmin kṣatre 'syām āśiṣy asyām purodhāyām asmin karmann asyāṃ devahūtyām ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.