कृत्तिका नक्षत्रम् अग्निर् देवताऽग्ने रुचः स्थ प्रजापतेर् धातुः सोमस्यर्चे त्वा रुचे त्वा द्युते त्वा भासे त्वा ज्योतिषे त्वा रोहिणी नक्षत्रम् प्रजापतिर् देवता मृगशीर्षं नक्षत्रꣳ सोमो देवताऽऽर्द्रा नक्षत्रꣳ रुद्रो देवता पुनर्वसू नक्षत्रम् अदितिर् देवता तिष्यो नक्षत्रम् बृहस्पतिर् देवताऽऽश्रेषा नक्षत्रꣳ सर्पा देवता मघा नक्षत्रम् पितरो देवता फल्गुनी नक्षत्रम् अर्यमा देवता फल्गुनी नक्षत्रम् भगो देवता हस्तो नक्षत्रꣳ सविता देवता चित्रा नक्षत्रम् इन्द्रो देवता स्वाती नक्षत्रं वायुर् देवता विशाखे नक्षत्रम् इन्द्राग्नी देवता अनूराधा नक्षत्रम् मित्रो देवता रोहिणी नक्षत्रम् इन्द्रो देवता विचृतौ नक्षत्रम् पितरो देवताऽषाढा नक्षत्रम् आपो देवताऽषाढा नक्षत्रं विश्वे देवा देवता श्रोणा नक्षत्त्रं विष्णुर् देवता श्रविष्ठा नक्षत्रं वसवः देवता शतभिषङ् नक्षत्रम् इन्द्रो देवता प्रोष्ठपदा नक्षत्रम् अज एकपाद् देवता प्रोष्ठपदा नक्षत्रम् अहिर् बुध्नियो देवता रेवती नक्षत्रम् पूषा देवताऽश्वयुजौ नक्षत्रम् अश्विनौ देवताऽपभरणीर् नक्षत्रं यमो देवता पूर्णा पश्चाद् यत् ते देवा अदधुः ॥
kṛttikā nakṣatram agnir devatā'gne rucaḥ stha prajāpater dhātuḥ somasyarce tvā ruce tvā dyute tvā bhāse tvā jyotiṣe tvā rohiṇī nakṣatram prajāpatir devatā mṛgaśīrṣaṃ nakṣatram̐ somo devatā''rdrā nakṣatram̐ rudro devatā punarvasū nakṣatram aditir devatā tiṣyo nakṣatram bṛhaspatir devatā''śreṣā nakṣatram̐ sarpā devatā maghā nakṣatram pitaro devatā phalgunī nakṣatram aryamā devatā phalgunī nakṣatram bhago devatā hasto nakṣatram̐ savitā devatā citrā nakṣatram indro devatā svātī nakṣatraṃ vāyur devatā viśākhe nakṣatram indrāgnī devatā anūrādhā nakṣatram mitro devatā rohiṇī nakṣatram indro devatā vicṛtau nakṣatram pitaro devatā'ṣāḍhā nakṣatram āpo devatā'ṣāḍhā nakṣatraṃ viśve devā devatā śroṇā nakṣattraṃ viṣṇur devatā śraviṣṭhā nakṣatraṃ vasavaḥ devatā śatabhiṣaṅ nakṣatram indro devatā proṣṭhapadā nakṣatram aja ekapād devatā proṣṭhapadā nakṣatram ahir budhniyo devatā revatī nakṣatram pūṣā devatā'śvayujau nakṣatram aśvinau devatā'pabharaṇīr nakṣatraṃ yamo devatā pūrṇā paścād yat te devā adadhuḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.