प्रजापतिर् मनसा । अन्धो ऽच्छेतः । धाता दीक्षायाम् । सविता भृत्याम् पूषा सोमक्रयण्याम् । वरुण उपनद्धः । असुरः क्रीयमाणः । मित्रः क्रीतः शिपिविष्ट आसादितः । नरंधिषः प्रोह्यमाणः । अधिपतिर् आगतः प्रजापतिः प्रणीयमानः । अग्निर् आग्नीध्रे बृहस्पतिर् आग्नीध्रात् प्रणीयमानः । इन्द्रो हविर्धाने । अदितिर् आसादितः । विष्णुर् उपावह्रियमाणः । अथर्वोपोत्तः । यमो ऽभिषुतः । अपूतपा आधूयमानः । वायुः पूयमानः । मित्रः क्षीरश्रीः । मन्थी सक्तुश्रीः । वैश्वदेव उन्नीतः । रुद्र आहुतः । वायुर् आवृत्तः । नृचक्षाः प्रतिख्यातः । भक्ष आगतः पितृणां नाराशꣳसः । असुर् आत्तः सिन्धुर् अवभृथम् अवप्रयन् । समुद्रो ऽवगतः सलिलः प्रप्लुतः सुवर् उदृचं गतः ॥
prajāpatir manasā | andho 'cchetaḥ | dhātā dīkṣāyām | savitā bhṛtyām pūṣā somakrayaṇyām | varuṇa upanaddhaḥ | asuraḥ krīyamāṇaḥ | mitraḥ krītaḥ śipiviṣṭa āsāditaḥ | naraṃdhiṣaḥ prohyamāṇaḥ | adhipatir āgataḥ prajāpatiḥ praṇīyamānaḥ | agnir āgnīdhre bṛhaspatir āgnīdhrāt praṇīyamānaḥ | indro havirdhāne | aditir āsāditaḥ | viṣṇur upāvahriyamāṇaḥ | atharvopottaḥ | yamo 'bhiṣutaḥ | apūtapā ādhūyamānaḥ | vāyuḥ pūyamānaḥ | mitraḥ kṣīraśrīḥ | manthī saktuśrīḥ | vaiśvadeva unnītaḥ | rudra āhutaḥ | vāyur āvṛttaḥ | nṛcakṣāḥ pratikhyātaḥ | bhakṣa āgataḥ pitṛṇāṃ nārāśam̐saḥ | asur āttaḥ sindhur avabhṛtham avaprayan | samudro 'vagataḥ salilaḥ praplutaḥ suvar udṛcaṃ gataḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.