भूयस्कृद् असि वरिवस्कृद् असि प्राच्य् अस्य् ऊर्ध्वास्य् अन्तरिक्षसद् अस्य् अन्तरिक्षे सीद । अप्सुषद् असि श्येनसद् असि गृध्रसद् असि सुपर्णसद् असि नाकसद् असि पृथिव्यास् त्वा द्रविणे सादयाम्य् अन्तरिक्षस्य त्वा द्रविणे सादयामि दिवस् त्वा द्रविणे सादयामि दिशां त्वा द्रविणे सादयामि द्रविणोदां त्वा द्रविणे सादयामि प्राणम् मे पाह्य् अपानम् मे पाहि व्यानम् मे पाह्य् आयुर् मे पाहि विश्वायुर् मे पाहि सर्वायुर् मे पाहि । अग्ने यत् ते परꣳ हृन् नाम ताव् एहि सꣳ रभावहै पाञ्चजन्येष्व् अप्य् एध्य् अग्ने यावा अयावा एवा ऊमाः सब्दः सगरः सुमेकः ॥
bhūyaskṛd asi varivaskṛd asi prācy asy ūrdhvāsy antarikṣasad asy antarikṣe sīda | apsuṣad asi śyenasad asi gṛdhrasad asi suparṇasad asi nākasad asi pṛthivyās tvā draviṇe sādayāmy antarikṣasya tvā draviṇe sādayāmi divas tvā draviṇe sādayāmi diśāṃ tvā draviṇe sādayāmi draviṇodāṃ tvā draviṇe sādayāmi prāṇam me pāhy apānam me pāhi vyānam me pāhy āyur me pāhi viśvāyur me pāhi sarvāyur me pāhi | agne yat te param̐ hṛn nāma tāv ehi sam̐ rabhāvahai pāñcajanyeṣv apy edhy agne yāvā ayāvā evā ūmāḥ sabdaḥ sagaraḥ sumekaḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.