अग्निना विश्वाषाट् सूर्येण स्वराट् क्रत्वा शचीपतिः । ऋषभेण त्वष्टा यज्ञेन मघवान् दक्षिणया सुवर्गः । मन्युना वृत्रहा सौहार्द्येन तनूधा । अन्नेन गयः पृथिव्याऽसनोत् । ऋग्भिर् अन्नादः । वषट्कारेण ऋद्धः साम्ना तनूपाः । विराजा ज्योतिष्मान् ब्रह्मणा सोमपाः । गोभिर् यज्ञं दाधार क्षत्रेण मनुष्यान् अश्वेन च रथेन च वज्री । ऋतुभिः प्रभुः संवत्सरेण परिभूस् तपसाऽनाधृष्टः सूर्यः सन् तनूभिः ॥
agninā viśvāṣāṭ sūryeṇa svarāṭ kratvā śacīpatiḥ | ṛṣabheṇa tvaṣṭā yajñena maghavān dakṣiṇayā suvargaḥ | manyunā vṛtrahā sauhārdyena tanūdhā | annena gayaḥ pṛthivyā'sanot | ṛgbhir annādaḥ | vaṣaṭkāreṇa ṛddhaḥ sāmnā tanūpāḥ | virājā jyotiṣmān brahmaṇā somapāḥ | gobhir yajñaṃ dādhāra kṣatreṇa manuṣyān aśvena ca rathena ca vajrī | ṛtubhiḥ prabhuḥ saṃvatsareṇa paribhūs tapasā'nādhṛṣṭaḥ sūryaḥ san tanūbhiḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.