कस् त्वा छ्यति कस् त्वा वि शास्ति कस् ते गात्राणि शिम्यति । क उ ते शमिता कविः ॥ ऋतवस् त ऋतुधा परुः शमितारो वि शासतु । संवत्सरस्य धायसा शिमीभिः शिम्यन्तु त्वा ॥ दैव्या अध्वर्यवस् त्वा छ्यन्तु वि च शासतु । गात्राणि पर्वशस् ते शिमाः कृण्वन्तु शिम्यन्तः ॥ अर्धमासाः परूꣳषि ते मासाश् छ्यन्तु शिम्यन्तः । अहोरात्राणि मरुतो विलिष्टं सूदयन्तु ते ॥ पृथिवी ते ऽन्तरिक्षेण वायुश् छिद्रम् भिषज्यतु । द्यौस् ते नक्षत्रैः सह रूपं कृणोतु साधुया ॥ शं ते परेभ्यो गात्रेभ्यः शम् अस्त्व् अवरेभ्यः । शम् अस्थभ्यो मज्जभ्यः शम् उ ते तनुवे भुवत् ॥ काण्ड 5 5.2 प्रपाठक: 2
kas tvā chyati kas tvā vi śāsti kas te gātrāṇi śimyati | ka u te śamitā kaviḥ || ṛtavas ta ṛtudhā paruḥ śamitāro vi śāsatu | saṃvatsarasya dhāyasā śimībhiḥ śimyantu tvā || daivyā adhvaryavas tvā chyantu vi ca śāsatu | gātrāṇi parvaśas te śimāḥ kṛṇvantu śimyantaḥ || ardhamāsāḥ parūm̐ṣi te māsāś chyantu śimyantaḥ | ahorātrāṇi maruto viliṣṭaṃ sūdayantu te || pṛthivī te 'ntarikṣeṇa vāyuś chidram bhiṣajyatu | dyaus te nakṣatraiḥ saha rūpaṃ kṛṇotu sādhuyā || śaṃ te parebhyo gātrebhyaḥ śam astv avarebhyaḥ | śam asthabhyo majjabhyaḥ śam u te tanuve bhuvat || kāṇḍa 5 5.2 prapāṭhaka: 2
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.