गायत्री त्रिष्टुब् जगत्य् अनुष्टुक् पङ्क्त्या सह । बृहत्य् उष्णिहा ककुत् सूचीभिः शिम्यन्तु त्वा ॥ द्विपदा या चतुष्पदा त्रिपदा या च षट्पदा । सच्छन्दा या च विच्छन्दाः सूचीभिः शिम्यन्तु त्वा ॥ महानाम्नी रेवतयो विश्वा आशाः प्रसूवरीः । मेध्या विद्युतो वाचः सूचीभिः शिम्यन्तु त्वा ॥ रजता हरिणीः सीसा युजो युज्यन्ते कर्मभिः । अश्वस्य वाजिनस् त्वचि सूचीभिः शिम्यन्तु त्वा ॥ नारीः ॥ ते पत्नयो लोम वि चिन्वन्तु मनीषया । देवानाम् पत्नीर् दिशः सूचीभिः शिम्यन्तु त्वा ॥ कुविद् अङ्ग यवमन्तो यवं चिद् यथा दान्त्य् अनुपूर्वं वियूय । इहेहैषां कृणुत भोजनानि ये बर्हिषो नमोवृक्तिं न जग्मुः ॥
gāyatrī triṣṭub jagaty anuṣṭuk paṅktyā saha | bṛhaty uṣṇihā kakut sūcībhiḥ śimyantu tvā || dvipadā yā catuṣpadā tripadā yā ca ṣaṭpadā | sacchandā yā ca vicchandāḥ sūcībhiḥ śimyantu tvā || mahānāmnī revatayo viśvā āśāḥ prasūvarīḥ | medhyā vidyuto vācaḥ sūcībhiḥ śimyantu tvā || rajatā hariṇīḥ sīsā yujo yujyante karmabhiḥ | aśvasya vājinas tvaci sūcībhiḥ śimyantu tvā || nārīḥ || te patnayo loma vi cinvantu manīṣayā | devānām patnīr diśaḥ sūcībhiḥ śimyantu tvā || kuvid aṅga yavamanto yavaṃ cid yathā dānty anupūrvaṃ viyūya | ihehaiṣāṃ kṛṇuta bhojanāni ye barhiṣo namovṛktiṃ na jagmuḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.