सर्वाभ्यो वै देवताभ्यो ऽग्निश् चीयते यत् सयुजो नोपदध्याद् देवता अस्याग्निं वृञ्जीरन् यत् सयुज उपदधात्य् आत्मनैवैनꣳ सयुजं चिनुते नाग्निना व्यृध्यते । अथो यथा पुरुषः स्नावभिः संतत एवम् एवैताभिर् अग्निः संततः। अग्निना वै देवाः सुवर्गं लोकम् आयन् ता अमूः कृत्तिका अभवन् यस्यैता उपधीयन्ते सुवर्गम् एव लोकम् एति गच्छति प्रकाशं चित्रम् एव भवति ॥ मण्डलेष्टका उप दधाति । इमे वै लोका मण्डलेष्टका इमे खलु वै लोका देवपुरा देवपुरा एव प्र विशति नार्तिम् आर्छत्य् अग्निं चिक्यानः॥ विश्वज्योतिष उप दधाति । इमान् एवैताभिर् लोकाञ् ज्योतिष्मतः कुरुते । अथो प्राणान् एवैता यजमानस्य दाध्रति । एता वै देवताः सुवर्ग्यास् ता एवान्वारभ्य सुवर्गं लोकम् एति ॥
sarvābhyo vai devatābhyo 'gniś cīyate yat sayujo nopadadhyād devatā asyāgniṃ vṛñjīran yat sayuja upadadhāty ātmanaivainam̐ sayujaṃ cinute nāgninā vyṛdhyate | atho yathā puruṣaḥ snāvabhiḥ saṃtata evam evaitābhir agniḥ saṃtataḥ| agninā vai devāḥ suvargaṃ lokam āyan tā amūḥ kṛttikā abhavan yasyaitā upadhīyante suvargam eva lokam eti gacchati prakāśaṃ citram eva bhavati || maṇḍaleṣṭakā upa dadhāti | ime vai lokā maṇḍaleṣṭakā ime khalu vai lokā devapurā devapurā eva pra viśati nārtim ārchaty agniṃ cikyānaḥ|| viśvajyotiṣa upa dadhāti | imān evaitābhir lokāñ jyotiṣmataḥ kurute | atho prāṇān evaitā yajamānasya dādhrati | etā vai devatāḥ suvargyās tā evānvārabhya suvargaṃ lokam eti ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.