सुवर्गं वा एते लोकं यन्ति ये सत्त्रम् उपयन्ति । अभीन्धत एव दीक्षाभिर् आत्मानꣳ श्रपयन्त उपसद्भिः । द्वाभ्यां लोमावद्यन्ति द्वाभ्यां त्वचम् । द्वाभ्याम् असृत् । द्वाभ्याम् माꣳसम् । द्वाभ्याम् अस्थि द्वाभ्याम् मज्जानम् आत्मदक्षिणं वै सत्त्रम् आत्मानम् एव दक्षिणां नीत्वा सुवर्गं लोकं यन्ति शिखाम् अनु प्र वपन्ते । ऋद्ध्यै । अथो रघीयाꣳसः सुवर्गं लोकम् अयामेति ॥
suvargaṃ vā ete lokaṃ yanti ye sattram upayanti | abhīndhata eva dīkṣābhir ātmānam̐ śrapayanta upasadbhiḥ | dvābhyāṃ lomāvadyanti dvābhyāṃ tvacam | dvābhyām asṛt | dvābhyām mām̐sam | dvābhyām asthi dvābhyām majjānam ātmadakṣiṇaṃ vai sattram ātmānam eva dakṣiṇāṃ nītvā suvargaṃ lokaṃ yanti śikhām anu pra vapante | ṛddhyai | atho raghīyām̐saḥ suvargaṃ lokam ayāmeti ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.