क्षत्रस्य योनिर् असि क्षत्रस्य नाभिर् असि । मा त्वा हिꣳसीन् मा मा हिꣳसीः ॥
kṣatrasya yonir asi kṣatrasya nābhir asi | mā tvā him̐sīn mā mā him̐sīḥ ||
Sanskrit only: no published translation is held for this verse.
Library·Vājasaneyi Saṃhitā (Śukla Yajurveda, as given on Wikisource)·20
Vājasaneyi Saṃhitā (Śukla Yajurveda, as given on Wikisource) 20
नि षसाद घृतव्रतो वरुणः पस्त्यास्व् आ । साम्राज्याय सुक्रतुः । मृत्योः पाहि । विद्योत् पाहि ॥
ni ṣasāda ghṛtavrato varuṇaḥ pastyāsv ā | sāmrājyāya sukratuḥ | mṛtyoḥ pāhi | vidyot pāhi ||
Sanskrit only: no published translation is held for this verse.
देवस्य त्वा सवितुः प्रसवेऽश्विनोर् बाहुभ्यां पूष्णो हस्ताभ्याम् । अश्विनोर् भैषज्येन तेजसे ब्रह्मवर्चसायाभि षिञ्चामि । सरस्वत्यै भैषज्येन वीर्यायान्नाद्यायाभि षिञ्चामि । इन्द्रस्येन्द्रियेण बलाय श्रियै यशसेऽभि षिञ्चामि ॥
devasya tvā savituḥ prasave'śvinor bāhubhyāṃ pūṣṇo hastābhyām | aśvinor bhaiṣajyena tejase brahmavarcasāyābhi ṣiñcāmi | sarasvatyai bhaiṣajyena vīryāyānnādyāyābhi ṣiñcāmi | indrasyendriyeṇa balāya śriyai yaśase'bhi ṣiñcāmi ||
Sanskrit only: no published translation is held for this verse.
को ऽसि कतमो ऽसि कस्मै त्वा काय त्वा । सुश्लोक सुमङ्गल सत्यराजन् ॥
ko 'si katamo 'si kasmai tvā kāya tvā | suśloka sumaṅgala satyarājan ||
Sanskrit only: no published translation is held for this verse.
शिरो मे श्रीर् यशो मुखं त्विषिः केशाश् च श्मश्रूणि । राजा मे प्राणो ऽ अमृतꣳ सम्राट् चक्षुर् विराट् श्रोत्रम् ॥
śiro me śrīr yaśo mukhaṃ tviṣiḥ keśāś ca śmaśrūṇi | rājā me prāṇo ' amṛtam̐ samrāṭ cakṣur virāṭ śrotram ||
Sanskrit only: no published translation is held for this verse.
जिह्वा मे भद्रं वाङ् महो मनो मन्युः स्वराड् भामः । मोदाः प्रमोदा ऽ अङ्गुलीर् अङ्गानि मित्रं मे सहः ॥
jihvā me bhadraṃ vāṅ maho mano manyuḥ svarāḍ bhāmaḥ | modāḥ pramodā ' aṅgulīr aṅgāni mitraṃ me sahaḥ ||
Sanskrit only: no published translation is held for this verse.
बाहू मे बलम् इन्द्रियꣳ हस्तौ मे कर्म वीर्यम् । आत्मा क्षत्रम् उरो मम ॥
bāhū me balam indriyam̐ hastau me karma vīryam | ātmā kṣatram uro mama ||
Sanskrit only: no published translation is held for this verse.
पृष्टीर् मे राष्ट्रम् उदरम् अꣳसौ ग्रीवाश् च श्रोणी । ऊरू ऽ अरत्नी जानुनी विशो मे ऽङ्गानि सर्वतः ॥
pṛṣṭīr me rāṣṭram udaram am̐sau grīvāś ca śroṇī | ūrū ' aratnī jānunī viśo me 'ṅgāni sarvataḥ ||
Sanskrit only: no published translation is held for this verse.
नाभिर् मे चित्तं विज्ञानं पायुर् मे ऽपचितिर् भसत् । आनन्दनन्दाव् आण्डौ मे भगः सौभाग्यं पसः । जङ्घाभ्यां पद्भ्यां धर्मो ऽस्मि विशि राजा प्रतिष्ठितः ॥
nābhir me cittaṃ vijñānaṃ pāyur me 'pacitir bhasat | ānandanandāv āṇḍau me bhagaḥ saubhāgyaṃ pasaḥ | jaṅghābhyāṃ padbhyāṃ dharmo 'smi viśi rājā pratiṣṭhitaḥ ||
Sanskrit only: no published translation is held for this verse.
प्रति क्षत्रे प्रति तिष्ठामि राष्ट्रे प्रत्य् अश्वेषु प्रति तिष्ठामि गोषु । प्रत्य् अङ्गेषु प्रति तिष्ठाम्य् आत्मन् प्रति प्राणेषु क्षत्रे प्रति तिष्ठामि पुष्टे प्रति द्यावापृथिव्योः प्रति तिष्ठामि ॥
prati kṣatre prati tiṣṭhāmi rāṣṭre praty aśveṣu prati tiṣṭhāmi goṣu | praty aṅgeṣu prati tiṣṭhāmy ātman prati prāṇeṣu kṣatre prati tiṣṭhāmi puṣṭe prati dyāvāpṛthivyoḥ prati tiṣṭhāmi ||
Sanskrit only: no published translation is held for this verse.
त्रया देवा ऽ एकादश त्रयस्त्रिꣳशाः सुराधसः । बृहस्पतिपुरोहिता देवस्य सवितुः सवे । देवा देवैर् अवन्तु मा ॥
trayā devā ' ekādaśa trayastrim̐śāḥ surādhasaḥ | bṛhaspatipurohitā devasya savituḥ save | devā devair avantu mā ||
Sanskrit only: no published translation is held for this verse.
प्रथमा द्वितीयैर् द्वितीयास् तृतीयैस् तृतीयाः सत्येन सत्यं यज्ञेन यज्ञो यजुर्भिर् यजूꣳषि सामभिः सामान्य् ऋग्भिर् ऋचः पुरोनुऽवाक्याभिः पुरोऽनुवाक्या याज्याभिर् याज्या वषट्कारैर् वषट्कारा ऽ आहुतिभिर् आहुतयो मे कामान्त् सम् अर्धयन्तु भूः स्वाहा ॥
prathamā dvitīyair dvitīyās tṛtīyais tṛtīyāḥ satyena satyaṃ yajñena yajño yajurbhir yajūm̐ṣi sāmabhiḥ sāmāny ṛgbhir ṛcaḥ puronu'vākyābhiḥ puro'nuvākyā yājyābhir yājyā vaṣaṭkārair vaṣaṭkārā ' āhutibhir āhutayo me kāmānt sam ardhayantu bhūḥ svāhā ||
Sanskrit only: no published translation is held for this verse.
लोमानि प्रयतिर् मम त्वङ् म ऽ आनतिर् आगतिः । माꣳसं म ऽ उपनतिर् वस्व् अस्थि मज्जा म ऽ आनतिः ॥
lomāni prayatir mama tvaṅ ma ' ānatir āgatiḥ | mām̐saṃ ma ' upanatir vasv asthi majjā ma ' ānatiḥ ||
Sanskrit only: no published translation is held for this verse.
यद् देवा देवहेडनं देवासश् चकृमा वयम् । अग्निर् मा तस्माद् एनसो विश्वान् मुञ्चत्व् अꣳहसः ॥
yad devā devaheḍanaṃ devāsaś cakṛmā vayam | agnir mā tasmād enaso viśvān muñcatv am̐hasaḥ ||
Sanskrit only: no published translation is held for this verse.
यदि दिवा यदि नक्तम् एनाꣳसि चकृमा वयम् । वायुर् मा तस्माद् एनसो विश्वान् मुञ्चत्व् अꣳहसः ॥
yadi divā yadi naktam enām̐si cakṛmā vayam | vāyur mā tasmād enaso viśvān muñcatv am̐hasaḥ ||
Sanskrit only: no published translation is held for this verse.
यदि जाग्रद् यदि स्वप्न ऽ एनाꣳसि चकृमा वयम् । सूर्यो मा तस्माद् एनसो विश्वान् मुञ्चत्व् अꣳहसः ॥
yadi jāgrad yadi svapna ' enām̐si cakṛmā vayam | sūryo mā tasmād enaso viśvān muñcatv am̐hasaḥ ||
Sanskrit only: no published translation is held for this verse.
यद् ग्रामे यद् अरण्ये यत् सभायां यद् इन्द्रिये । यच्छूद्रे यद् अर्ये यद् एनश् चकृमा वयं यद् एकस्याधि धर्मणि तस्यावयजनम् असि ॥
yad grāme yad araṇye yat sabhāyāṃ yad indriye | yacchūdre yad arye yad enaś cakṛmā vayaṃ yad ekasyādhi dharmaṇi tasyāvayajanam asi ||
Sanskrit only: no published translation is held for this verse.
यद् आपो ऽ अघ्न्या ऽ इति वरुणेति शपामहे ततो वरुण नो मुञ्च । अवभृथ निचुम्पुण निचेरुर् असि निचुम्पुणः । अव देवैर् देवकृतम् एनो ऽयक्ष्य् अव मर्त्यैर् मर्त्यकृतम् । पुरुराव्णो देव रिषस् पाहि ॥
yad āpo ' aghnyā ' iti varuṇeti śapāmahe tato varuṇa no muñca | avabhṛtha nicumpuṇa nicerur asi nicumpuṇaḥ | ava devair devakṛtam eno 'yakṣy ava martyair martyakṛtam | pururāvṇo deva riṣas pāhi ||
Sanskrit only: no published translation is held for this verse.
समुद्रे ते हृदयम् अप्स्व् अन्तः सं त्वा विशन्त्व् ओषधीर् उतापः । सुमित्रिया न ऽ आप ऽ ओषधयः सन्तु दुर्मित्रियास् तस्मै सन्तु यो ऽस्मान् द्वेष्टि यं च वयं द्विष्मः ॥
samudre te hṛdayam apsv antaḥ saṃ tvā viśantv oṣadhīr utāpaḥ | sumitriyā na ' āpa ' oṣadhayaḥ santu durmitriyās tasmai santu yo 'smān dveṣṭi yaṃ ca vayaṃ dviṣmaḥ ||
Sanskrit only: no published translation is held for this verse.
द्रुपदाद् इव मुमुचानः स्विन्नः स्नातो मलाद् इव । पूतं पवित्रेणेवाज्यम् आपः शुन्धन्तु मैनसः ॥
drupadād iva mumucānaḥ svinnaḥ snāto malād iva | pūtaṃ pavitreṇevājyam āpaḥ śundhantu mainasaḥ ||
Sanskrit only: no published translation is held for this verse.
उद् वयं तमसस् परि स्वः पश्यन्त ऽ उत्तरम् । देवं देवत्रा सूर्यम् अगन्म ज्योतिर् उत्तमम् ॥
ud vayaṃ tamasas pari svaḥ paśyanta ' uttaram | devaṃ devatrā sūryam aganma jyotir uttamam ||
Looking upon the loftier light above the darkness we have come To Surya, God among the Gods, the light that is most excellent.
Translated by Ralph T. H. Griffith (1896)This is the translator's rendering of the same verse where it occurs at RV 1.50.10; the wording of this text may differ in places.
अपो ऽ अद्यान्व् अचारिषꣳ रसेन सम् असृक्ष्महि । पयस्वान् अग्न ऽ आगमं तं मा सꣳ सृज वर्चसा प्रजया च धनेन च ॥
apo ' adyānv acāriṣam̐ rasena sam asṛkṣmahi | payasvān agna ' āgamaṃ taṃ mā sam̐ sṛja varcasā prajayā ca dhanena ca ||
Sanskrit only: no published translation is held for this verse.
एधोऽस्य् एधिषीमहि । समिद् असि तेजो ऽसि तेजो मयि धेहि । समाववर्ति पृथिवी सम् उषाः सम् उ सूर्यः । सम् उ विश्वम् इदं जगत् । वैश्वानरज्योतिर् भूयासं विभून् कामान् व्यश्नवै भूः स्वाहा ॥
edho'sy edhiṣīmahi | samid asi tejo 'si tejo mayi dhehi | samāvavarti pṛthivī sam uṣāḥ sam u sūryaḥ | sam u viśvam idaṃ jagat | vaiśvānarajyotir bhūyāsaṃ vibhūn kāmān vyaśnavai bhūḥ svāhā ||
Sanskrit only: no published translation is held for this verse.
अभ्यादधामि समिधम् अग्ने व्रतपते त्वयि । व्रतं च श्रद्धां चोपैमीन्धे त्वा दीक्षितोऽअहम् ॥
abhyādadhāmi samidham agne vratapate tvayi | vrataṃ ca śraddhāṃ copaimīndhe tvā dīkṣito'aham ||
Sanskrit only: no published translation is held for this verse.
यत्र ब्रह्म च क्षत्रं च सम्यञ्चो चरतः सह । तं लोकं पुण्यं प्रज्ञेषं यत्र देवाः सहाग्निना ॥
yatra brahma ca kṣatraṃ ca samyañco carataḥ saha | taṃ lokaṃ puṇyaṃ prajñeṣaṃ yatra devāḥ sahāgninā ||
Sanskrit only: no published translation is held for this verse.
यत्रेन्द्रश् च वायुश् च सम्यञ्चो चरतः सह । तं लोकं पुण्यं प्रज्ञेषं यत्र सेदिर् न विद्यते ॥
yatrendraś ca vāyuś ca samyañco carataḥ saha | taṃ lokaṃ puṇyaṃ prajñeṣaṃ yatra sedir na vidyate ||
Sanskrit only: no published translation is held for this verse.
अꣳशुना ते अꣳशुः पृच्यतां परुषा परुः । गन्धस् ते सोमम् अवतु मदाय रसोऽअच्युतः ॥
am̐śunā te am̐śuḥ pṛcyatāṃ paruṣā paruḥ | gandhas te somam avatu madāya raso'acyutaḥ ||
Sanskrit only: no published translation is held for this verse.
सिञ्चन्ति परि षिञ्चन्त्य् उत् सिञ्चन्ति पुनन्ति च । सुरायै बभ्र्वै मदे किंत्वो वदति किंत्वः ॥
siñcanti pari ṣiñcanty ut siñcanti punanti ca | surāyai babhrvai made kiṃtvo vadati kiṃtvaḥ ||
Sanskrit only: no published translation is held for this verse.
धानावन्तं करम्भिणम् अपूपवन्तम् उक्थिनम् । इन्द्र प्रातर् जुषस्व नः ॥
dhānāvantaṃ karambhiṇam apūpavantam ukthinam | indra prātar juṣasva naḥ ||
Indra, accept at break of day our Soma mixt with roasted corn, With groats with cake, with eulogies.
Translated by Ralph T. H. Griffith (1896)This is the translator's rendering of the same verse where it occurs at RV 3.52.1; the wording of this text may differ in places.
बृहद् इन्द्राय गायत मरुतो वृत्रहन्तमम् । येन ज्योतिर् अजनयन्न् ऋतावृधो देवं देवाय जागृवि ॥
bṛhad indrāya gāyata maruto vṛtrahantamam | yena jyotir ajanayann ṛtāvṛdho devaṃ devāya jāgṛvi ||
Sanskrit only: no published translation is held for this verse.
अध्वर्यो ऽ अद्रिभिः सुतꣳ सोमं पवित्र ऽ आ नय । पुनीहीन्द्राय पातवे ॥
adhvaryo ' adribhiḥ sutam̐ somaṃ pavitra ' ā naya | punīhīndrāya pātave ||
Adhvaryu, on the filter pour the Soma juice expressed with stones, And make it pure for Indra's drink.
Translated by Ralph T. H. Griffith (1896)This is the translator's rendering of the same verse where it occurs at RV 9.51.1; the wording of this text may differ in places.
यो भूतानाम् अधिपतिर् यस्मिंल्लोका ऽ अधि श्रिताः । य ऽ ईशे महतो महाꣳस् तेन गृह्णामि त्वाम् अहं मयि गृह्णामि त्वाम् अहम् ॥
yo bhūtānām adhipatir yasmiṃllokā ' adhi śritāḥ | ya ' īśe mahato mahām̐s tena gṛhṇāmi tvām ahaṃ mayi gṛhṇāmi tvām aham ||
Sanskrit only: no published translation is held for this verse.
उपयामगृहीतो ऽस्य् अश्विभ्यां त्वा सरस्वत्यै त्वेन्द्राय त्वा सुत्राम्णेऽ । एष ते योनिर् अश्विभ्यां त्वा सरस्वत्यै त्वेन्द्राय त्वा सुत्राम्णे ॥
upayāmagṛhīto 'sy aśvibhyāṃ tvā sarasvatyai tvendrāya tvā sutrāmṇe' | eṣa te yonir aśvibhyāṃ tvā sarasvatyai tvendrāya tvā sutrāmṇe ||
Sanskrit only: no published translation is held for this verse.
प्राणपा मे ऽअपानपाश् चक्षुष्पाः श्रोत्रपाश् च मे । वाचो मे विश्वभेषजो मनसो ऽसि विलायकः ॥
prāṇapā me 'apānapāś cakṣuṣpāḥ śrotrapāś ca me | vāco me viśvabheṣajo manaso 'si vilāyakaḥ ||
Sanskrit only: no published translation is held for this verse.
अश्विनकृतस्य ते सरस्वतिकृतस्येन्द्रेण सुत्राम्णा कृतस्य । उपहूत ऽउपहूतस्य भक्षयामि ॥
aśvinakṛtasya te sarasvatikṛtasyendreṇa sutrāmṇā kṛtasya | upahūta 'upahūtasya bhakṣayāmi ||
Sanskrit only: no published translation is held for this verse.
समिद्ध ऽ इन्द्र ऽ उषसाम् अनीके पुरोरुचा पूर्वकृद् वावृधानः । त्रिभिर् देवैस् त्रिꣳशता वज्रबाहुर् जघान वृत्रं वि दुरो ववार ॥
samiddha ' indra ' uṣasām anīke purorucā pūrvakṛd vāvṛdhānaḥ | tribhir devais trim̐śatā vajrabāhur jaghāna vṛtraṃ vi duro vavāra ||
Sanskrit only: no published translation is held for this verse.
नराशꣳसः प्रति शूरो मिमानस् तनूनपात् प्रति यज्ञस्य धाम । गोभिर् वपावान् मधुना समञ्जन् हिरण्यैश् चन्द्री यजति प्रचेताः ॥
narāśam̐saḥ prati śūro mimānas tanūnapāt prati yajñasya dhāma | gobhir vapāvān madhunā samañjan hiraṇyaiś candrī yajati pracetāḥ ||
Sanskrit only: no published translation is held for this verse.
ईडितो देवैर् हरिवाꣳ२ऽ अभिष्टिर् आजुह्वानो हविषा शर्धमानः । पुरंदरो गोत्रभिद् वज्रबाहुर् आ यातु यज्ञम् उप नो जुषाणः ॥
īḍito devair harivām̐2' abhiṣṭir ājuhvāno haviṣā śardhamānaḥ | puraṃdaro gotrabhid vajrabāhur ā yātu yajñam upa no juṣāṇaḥ ||
Sanskrit only: no published translation is held for this verse.
जुषाणो बर्हिर् हरिवान् न ऽ इन्द्रः प्राचीनꣳ सीदत् प्रदिशा पृथिव्याः । उरुप्रथाः प्रथमानꣳ स्योनम् आदित्यैर् अक्तं वसुभिः सजोषाः ॥
juṣāṇo barhir harivān na ' indraḥ prācīnam̐ sīdat pradiśā pṛthivyāḥ | uruprathāḥ prathamānam̐ syonam ādityair aktaṃ vasubhiḥ sajoṣāḥ ||
Sanskrit only: no published translation is held for this verse.
इन्द्रं दुरः कवष्यो धावमाना वृषाणं यन्तु जनयः सुपत्नीः । द्वारो देवीर् अभितो वि श्रयन्ताꣳ सुवीरा वीरं प्रथमाना महोभिः ॥
indraṃ duraḥ kavaṣyo dhāvamānā vṛṣāṇaṃ yantu janayaḥ supatnīḥ | dvāro devīr abhito vi śrayantām̐ suvīrā vīraṃ prathamānā mahobhiḥ ||
Sanskrit only: no published translation is held for this verse.
उषासानक्ता बृहती बृहन्तं पयस्वती सुदुघे शूरम् इन्द्रम् । तन्तुं ततं पेशसा संवयन्ती देवानां देवं यजतः सुरुक्मे ॥
uṣāsānaktā bṛhatī bṛhantaṃ payasvatī sudughe śūram indram | tantuṃ tataṃ peśasā saṃvayantī devānāṃ devaṃ yajataḥ surukme ||
Sanskrit only: no published translation is held for this verse.
दैव्या मिमाना मनुषः पुरुत्रा होताराव् इन्द्रं प्रथमा सुवाचा । मूर्द्धन् यज्ञस्य मधुना दधाना प्राचीनं ज्योतिर् हविषा वृधातः ॥
daivyā mimānā manuṣaḥ purutrā hotārāv indraṃ prathamā suvācā | mūrddhan yajñasya madhunā dadhānā prācīnaṃ jyotir haviṣā vṛdhātaḥ ||
Sanskrit only: no published translation is held for this verse.
तिस्रो देवीर् हविषा वर्धमाना ऽ इन्द्रं जुषाणा जनयो न पत्नीः । अच्छिन्नं तन्तुं पयसा सरस्वतीडा देवी भारती विश्वतूर्तिः ॥
tisro devīr haviṣā vardhamānā ' indraṃ juṣāṇā janayo na patnīḥ | acchinnaṃ tantuṃ payasā sarasvatīḍā devī bhāratī viśvatūrtiḥ ||
Sanskrit only: no published translation is held for this verse.
त्वष्टा दधच्छुष्मम् इन्द्राय वृष्णे ऽपाको ऽचिष्टुर् यशसे पुरूणि । वृषा यजन् वृषणं भूरिरेता मूर्धन् यज्ञस्य सम् अनक्तु देवान् ॥
tvaṣṭā dadhacchuṣmam indrāya vṛṣṇe 'pāko 'ciṣṭur yaśase purūṇi | vṛṣā yajan vṛṣaṇaṃ bhūriretā mūrdhan yajñasya sam anaktu devān ||
Sanskrit only: no published translation is held for this verse.
वनस्पतिर् अवसृष्टो न पाशैस् त्मन्या समञ्जञ्छमिता न देवः । इन्द्रस्य हव्यैर् जठरं पृणानः स्वदाति यज्ञं मधुना घृतेन ॥
vanaspatir avasṛṣṭo na pāśais tmanyā samañjañchamitā na devaḥ | indrasya havyair jaṭharaṃ pṛṇānaḥ svadāti yajñaṃ madhunā ghṛtena ||
Sanskrit only: no published translation is held for this verse.
स्तोकानां इन्दुं प्रति शूर ऽ इन्द्रो वृषायमाणो वृषभस् तुराषाट् । घृतप्रुषा मनसा मोदमानाः स्वाहा देवा ऽ अमृता मादयन्ताम् ॥
stokānāṃ induṃ prati śūra ' indro vṛṣāyamāṇo vṛṣabhas turāṣāṭ | ghṛtapruṣā manasā modamānāḥ svāhā devā ' amṛtā mādayantām ||
Sanskrit only: no published translation is held for this verse.
आ यात्व् इन्द्रो ऽवस ऽ उप न ऽ इह स्तुतः सधमादस्तु शूरः । वावृधानस् तविषीर् यस्य पूर्वीर् द्यौर् न क्षत्रम् अभिभूति पुष्यात् ॥
ā yātv indro 'vasa ' upa na ' iha stutaḥ sadhamādastu śūraḥ | vāvṛdhānas taviṣīr yasya pūrvīr dyaur na kṣatram abhibhūti puṣyāt ||
May Indra come to us for our protection; here be the Hero, praised, our feast-companion. May he whose powers are many, waxen mighty, cherish, like Dyaus, his own supreme dominion.
Translated by Ralph T. H. Griffith (1896)This is the translator's rendering of the same verse where it occurs at RV 4.21.1; the wording of this text may differ in places.
आ न ऽ इन्द्रो दूराद् आ न ऽ आसाद् अभिष्टिकृद् अवसे यासद् उग्रः । ओजिष्ठेभिर् नृपतिर् वज्रबाहुः संगे समत्सु तुर्वणिः पृतन्यून् ॥
ā na ' indro dūrād ā na ' āsād abhiṣṭikṛd avase yāsad ugraḥ | ojiṣṭhebhir nṛpatir vajrabāhuḥ saṃge samatsu turvaṇiḥ pṛtanyūn ||
From near or far away may mighty Indra giver of succour, come for our protection Lord of men, armed with thunder, with the Strongest, slaying his foes in conflict, in the battles.
Translated by Ralph T. H. Griffith (1896)This is the translator's rendering of the same verse where it occurs at RV 4.20.1; the wording of this text may differ in places.
आ न इन्द्रो हरिभिर् यात्व् अच्छार्वाचीनो ऽवसे राधसे च । तिष्ठाति वज्री मघवा विरप्शीमं यज्ञम् अनु नो वाजसातौ ॥
ā na indro haribhir yātv acchārvācīno 'vase rādhase ca | tiṣṭhāti vajrī maghavā virapśīmaṃ yajñam anu no vājasātau ||
May Indra come to us with Tawny Coursers, inclined to us, to favour and enrich us. May Maghavan, loud-voiced and wielding thunder, stand by us at this sacrifice, in combat.
Translated by Ralph T. H. Griffith (1896)This is the translator's rendering of the same verse where it occurs at RV 4.20.2; the wording of this text may differ in places.
त्रातारम् इन्द्रम् अवितारम् इन्द्रꣳ हवे-हवे सुहवꣳ शूरम् इन्द्रम् । ह्वयामि शक्रं पुरुहूतम् इन्द्रꣳ स्वस्ति नो मघवा धात्व् इन्द्रः ॥
trātāram indram avitāram indram̐ have-have suhavam̐ śūram indram | hvayāmi śakraṃ puruhūtam indram̐ svasti no maghavā dhātv indraḥ ||
Indra the Rescuer, Indra the Helper, Hero who listens at each invocation, Sakra I call, Indra invoked of many. May Indra Maghavan prosper and bless us.
Translated by Ralph T. H. Griffith (1896)This is the translator's rendering of the same verse where it occurs at RV 6.47.11; the wording of this text may differ in places.
इन्द्रः सुत्रामा स्ववाꣳ२ऽ अवोभिः सुमृडीको भवतु विश्ववेदाः । बाधतां द्वेषो ऽ अभयं कृणोतु सुवीर्यस्य पतयः स्याम ॥
indraḥ sutrāmā svavām̐2' avobhiḥ sumṛḍīko bhavatu viśvavedāḥ | bādhatāṃ dveṣo ' abhayaṃ kṛṇotu suvīryasya patayaḥ syāma ||
May helpful Indra as our good Protector, Lord of all treasures, favour us with succour, Baffle our foes, and give us rest and safety, and may we be the lords of hero vigour.
Translated by Ralph T. H. Griffith (1896)This is the translator's rendering of the same verse where it occurs at RV 6.47.12; the wording of this text may differ in places.
तस्य वयꣳ सुमतौ यज्ञियस्यापि भद्रे सौमनसे स्याम । स सुत्रामा स्ववाꣳ२ऽ इन्द्रो ऽ अस्मे आराच्चिद् द्वेषः सनुतर् युयोतु ॥
tasya vayam̐ sumatau yajñiyasyāpi bhadre saumanase syāma | sa sutrāmā svavām̐2' indro ' asme ārāccid dveṣaḥ sanutar yuyotu ||
May we enjoy the grace of him the Holy, yea, may we dwell in his auspicious favour. May helpful Indra as our good Preserver drive from us, even from afar, our foemen.
Translated by Ralph T. H. Griffith (1896)This is the translator's rendering of the same verse where it occurs at RV 6.47.13; the wording of this text may differ in places.
आ मन्द्रैर् इन्द्र हरिभिर् याहि मयूररोमभिः । मा त्वा के चिन् नि यमन् विं ना पाशिनो ऽति धन्वेव ताꣳ२ऽ इहि ॥
ā mandrair indra haribhir yāhi mayūraromabhiḥ | mā tvā ke cin ni yaman viṃ nā pāśino 'ti dhanveva tām̐2' ihi ||
Come hither, Indra, with Bay Steeds, joyous, with tails like peacocks' plumes. Let no men cheek thy course as fowlers stay the bird: pass o'er them as o'er desert lands.
Translated by Ralph T. H. Griffith (1896)This is the translator's rendering of the same verse where it occurs at RV 3.45.1; the wording of this text may differ in places.
एवेद् इन्द्रं वृषणं वज्रबाहुं वसिष्ठासो ऽ अभ्य् अर्चन्त्य् अर्कैः । स न स्तुतो वीरवद् धातु गोमद् यूयं पात स्वस्तिभिः सदा नः ॥
eved indraṃ vṛṣaṇaṃ vajrabāhuṃ vasiṣṭhāso ' abhy arcanty arkaiḥ | sa na stuto vīravad dhātu gomad yūyaṃ pāta svastibhiḥ sadā naḥ ||
Thus the Vasisthas glorify with praises Indra, the Powerful whose arm wields thunder. Praised, may he guard our wealth in kine and heroes. Ye Gods, preserve us evermore with blessings.
Translated by Ralph T. H. Griffith (1896)This is the translator's rendering of the same verse where it occurs at RV 7.23.6; the wording of this text may differ in places.
समिद्धो ऽ अग्निर् अश्विना तप्तो घर्मो विराट् सुतः । दुहे धेनुः सरस्वती सोमꣳ शुक्रम् इहेन्द्रियम् ॥
samiddho ' agnir aśvinā tapto gharmo virāṭ sutaḥ | duhe dhenuḥ sarasvatī somam̐ śukram ihendriyam ||
Sanskrit only: no published translation is held for this verse.
तनूपा भिषजा सुते ऽश्विनोभा सरस्वती । अध्वा रजाꣳसीन्द्रियम् इन्द्राय पथिभिर् वहान् ॥
tanūpā bhiṣajā sute 'śvinobhā sarasvatī | adhvā rajām̐sīndriyam indrāya pathibhir vahān ||
Sanskrit only: no published translation is held for this verse.
इन्द्रायेन्दुꣳ सरस्वती नराशꣳसेन नग्नहुम् । अधाताम् अश्विना मधु भेषजं भिषजा सुते ॥
indrāyendum̐ sarasvatī narāśam̐sena nagnahum | adhātām aśvinā madhu bheṣajaṃ bhiṣajā sute ||
Sanskrit only: no published translation is held for this verse.
आजुह्वाना सरस्वतीन्द्रायेन्द्रियाणि वीर्यम् । इडाभिर् अश्विनाव् इषꣳ समूर्जꣳ सꣳ रयिं दधुः ॥
ājuhvānā sarasvatīndrāyendriyāṇi vīryam | iḍābhir aśvināv iṣam̐ samūrjam̐ sam̐ rayiṃ dadhuḥ ||
Sanskrit only: no published translation is held for this verse.
अश्विना नमुचेः सुतꣳ सोमꣳ शुक्रं परिस्रुता । सरस्वती ताम् आभरद् बर्हिषेन्द्राय पातवे ॥
aśvinā namuceḥ sutam̐ somam̐ śukraṃ parisrutā | sarasvatī tām ābharad barhiṣendrāya pātave ||
Sanskrit only: no published translation is held for this verse.
कवष्यो न व्यचस्वतीर् अश्विभ्यां न दुरो दिशः । इन्द्रो न रोदसी ऽ उभे दुहे कामान्त् सरस्वती ॥
kavaṣyo na vyacasvatīr aśvibhyāṃ na duro diśaḥ | indro na rodasī ' ubhe duhe kāmānt sarasvatī ||
Sanskrit only: no published translation is held for this verse.
उषासानक्ताश्विना दिवेन्द्रꣳ सायम् इन्द्रियैः । संजानाने सुपेशसा सम् अञ्जाते सरस्वत्या ॥
uṣāsānaktāśvinā divendram̐ sāyam indriyaiḥ | saṃjānāne supeśasā sam añjāte sarasvatyā ||
Sanskrit only: no published translation is held for this verse.
पातं नो ऽ अश्विना दिवा पाहि नक्तꣳ सरस्वति । दैव्या होतारा भिषजा पाताम् इन्द्रꣳ सचा सुते ॥
pātaṃ no ' aśvinā divā pāhi naktam̐ sarasvati | daivyā hotārā bhiṣajā pātām indram̐ sacā sute ||
Sanskrit only: no published translation is held for this verse.
तिस्रस् त्रेधा सरस्वत्य् अश्विना भारतीडा । तीव्रं परिस्रुता सोमम् इन्द्राय सुषुवुर् मदम् ॥
tisras tredhā sarasvaty aśvinā bhāratīḍā | tīvraṃ parisrutā somam indrāya suṣuvur madam ||
Sanskrit only: no published translation is held for this verse.
अश्विना भेषजं मधु भेषजं नः सरस्वती । इन्द्रे त्वष्टा यशः श्रियꣳ रूपꣳ-रूपम् अधुः सुते ॥
aśvinā bheṣajaṃ madhu bheṣajaṃ naḥ sarasvatī | indre tvaṣṭā yaśaḥ śriyam̐ rūpam̐-rūpam adhuḥ sute ||
Sanskrit only: no published translation is held for this verse.
ऋतुथेन्द्रो वनस्पतिः शशमानः परिस्रुता । कीलालम् अश्विभ्यां मधु दुहे धेनुः सरस्वती ॥
ṛtuthendro vanaspatiḥ śaśamānaḥ parisrutā | kīlālam aśvibhyāṃ madhu duhe dhenuḥ sarasvatī ||
Sanskrit only: no published translation is held for this verse.
गोभिर् न सोमम् अश्विना मासरेण परिस्रुता । सम् अधातꣳ सरस्वत्या स्वाहेन्द्रे सुतं मधु ॥
gobhir na somam aśvinā māsareṇa parisrutā | sam adhātam̐ sarasvatyā svāhendre sutaṃ madhu ||
Sanskrit only: no published translation is held for this verse.
अश्विना हविर् इन्द्रियं नमुचेर् धिया सरस्वती । आ शुक्रम् आसुराद् वसु मघम् इन्द्राय जभ्रिरे ॥
aśvinā havir indriyaṃ namucer dhiyā sarasvatī | ā śukram āsurād vasu magham indrāya jabhrire ||
Sanskrit only: no published translation is held for this verse.
यम् अश्विना सरस्वती हविषेन्द्रम् अवर्धयन् । स बिभेद वलं मघं नमुचाव् आसुरे सचा ॥
yam aśvinā sarasvatī haviṣendram avardhayan | sa bibheda valaṃ maghaṃ namucāv āsure sacā ||
Sanskrit only: no published translation is held for this verse.
तम् इन्द्रꣳ सचाश्विनोभा सरस्वती । दधाना ऽ अभ्य् अनूषत हविषा यज्ञ ऽ इन्द्रियैः ॥
tam indram̐ sacāśvinobhā sarasvatī | dadhānā ' abhy anūṣata haviṣā yajña ' indriyaiḥ ||
Sanskrit only: no published translation is held for this verse.
य ऽ इन्द्र ऽ इन्द्रियं दधुः सविता वरुणो भगः । स सुत्रामा हविष्पतिर् यजमानाय सश्चत ॥
ya ' indra ' indriyaṃ dadhuḥ savitā varuṇo bhagaḥ | sa sutrāmā haviṣpatir yajamānāya saścata ||
Sanskrit only: no published translation is held for this verse.
सविता वरुणो दधद् यजमानाय दाशुषे । आदत्त नमुचेर् वसु सुत्रामा बलम् इन्द्रियम् ॥
savitā varuṇo dadhad yajamānāya dāśuṣe | ādatta namucer vasu sutrāmā balam indriyam ||
Sanskrit only: no published translation is held for this verse.
वरुणः क्षत्रम् इन्द्रियं भगेन सविता श्रियम् । सुत्रामा यशसा बलं दधाना यज्ञम् आशत ॥
varuṇaḥ kṣatram indriyaṃ bhagena savitā śriyam | sutrāmā yaśasā balaṃ dadhānā yajñam āśata ||
Sanskrit only: no published translation is held for this verse.
अश्विना गोभिर् इन्द्रियम् अश्वेभिर् वीर्यं बलम् । हविषेन्द्रꣳ सरस्वती यजमानम् अवर्द्धयन् ॥
aśvinā gobhir indriyam aśvebhir vīryaṃ balam | haviṣendram̐ sarasvatī yajamānam avarddhayan ||
Sanskrit only: no published translation is held for this verse.
ता नासत्या सुपेशसा हिरण्यवर्तनी नरा । सरस्वती हविष्मतीन्द्र कर्मसु नो ऽवत ॥
tā nāsatyā supeśasā hiraṇyavartanī narā | sarasvatī haviṣmatīndra karmasu no 'vata ||
Sanskrit only: no published translation is held for this verse.
ता भिषजा सुकर्मणा सा सुदुघा सरस्वती । स वृत्रहा शतक्रतुर् इन्द्राय दधुर् इन्द्रियम् ॥
tā bhiṣajā sukarmaṇā sā sudughā sarasvatī | sa vṛtrahā śatakratur indrāya dadhur indriyam ||
Sanskrit only: no published translation is held for this verse.
युवꣳ सुरामम् अश्विना नमुचाव् आसुरे सचा । विपिपानाः सरस्वतीन्द्रं कर्मस्व् आवत ॥
yuvam̐ surāmam aśvinā namucāv āsure sacā | vipipānāḥ sarasvatīndraṃ karmasv āvata ||
Sanskrit only: no published translation is held for this verse.
पुत्रम् इव पितराव् अश्विनोभेन्द्रावथुः काव्यैर् दꣳसनाभिः । यत् सुरामं व्यपिबः शचीभिः सरस्वती त्वा मघवन्न् अभिष्णक् ॥
putram iva pitarāv aśvinobhendrāvathuḥ kāvyair dam̐sanābhiḥ | yat surāmaṃ vyapibaḥ śacībhiḥ sarasvatī tvā maghavann abhiṣṇak ||
As parents aid a son, both Asvins, Indra, aided thee with their wondrous Powers and wisdom. When thou, with might. hadst drunk the draught that gladdens, Sarasvati, O Maghavan, refreshed thee.
Translated by Ralph T. H. Griffith (1896)This is the translator's rendering of the same verse where it occurs at RV 10.131.5; the wording of this text may differ in places.
यस्मिन्न् अश्वास ऽ ऋषभास ऽ उक्षणो वशा मेषा ऽ अवसृष्टास ऽ आहुताः । कीलालपे सोमपृष्ठाय वेधसे हृदा मतिं जनये चारुम् अग्नये ॥
yasminn aśvāsa ' ṛṣabhāsa ' ukṣaṇo vaśā meṣā ' avasṛṣṭāsa ' āhutāḥ | kīlālape somapṛṣṭhāya vedhase hṛdā matiṃ janaye cārum agnaye ||
He in whom horses, bulls, oxen, and barren cows, and rams, when duly set apart, are offered up,- To Agni, Soma-sprinkled, drinker of sweet juice, Disposer, with my heart I bring a fair hymn forth.
Translated by Ralph T. H. Griffith (1896)This is the translator's rendering of the same verse where it occurs at RV 10.91.14; the wording of this text may differ in places.
अहाव्य् अग्ने हविर् आस्ये ते स्रुचीव घृतं चम्वीव सोमः । वाजसनिꣳ रयिम् अस्मे सुवीरं प्रशस्तं धेहि यशसं बृहन्तम् ॥
ahāvy agne havir āsye te srucīva ghṛtaṃ camvīva somaḥ | vājasanim̐ rayim asme suvīraṃ praśastaṃ dhehi yaśasaṃ bṛhantam ||
Into thy mouth is poured the offering, Agni, as Soma into cup, oil into ladle. Vouchsafe us wealth. strength-winning, blest with heroes, wealth lofty, praised by men, and full of splendour.
Translated by Ralph T. H. Griffith (1896)This is the translator's rendering of the same verse where it occurs at RV 10.91.15; the wording of this text may differ in places.
अश्विना तेजसा चक्षुः प्राणेन सरस्वती वीर्यम् । वाचेन्द्रो बलेनेन्द्राय दधुर् इन्द्रियम् ॥
aśvinā tejasā cakṣuḥ prāṇena sarasvatī vīryam | vācendro balenendrāya dadhur indriyam ||
Sanskrit only: no published translation is held for this verse.
गोमद् ऊ षु णासत्या अश्वावद् यातम् अश्विना । वर्ती रुद्रा नृपाय्यम् ॥
gomad ū ṣu ṇāsatyā aśvāvad yātam aśvinā | vartī rudrā nṛpāyyam ||
Sanskrit only: no published translation is held for this verse.
न यत् परो नान्तरऽ आदधर्षद् वृषण्वसू । दुःशꣳसो मर्त्यो रिपुः ॥
na yat paro nāntara' ādadharṣad vṛṣaṇvasū | duḥśam̐so martyo ripuḥ ||
Such, wealthy Gods! as none afar nor standing nigh to us may harm, Yea, no malicious mortal foe.
Translated by Ralph T. H. Griffith (1896)This is the translator's rendering of the same verse where it occurs at RV 2.41.8; the wording of this text may differ in places.
ता न ऽ आ वोढम् अश्विना रयिं पिशङ्गसंदृशम् । धिष्ण्या वरिवोविदम् ॥
tā na ' ā voḍham aśvinā rayiṃ piśaṅgasaṃdṛśam | dhiṣṇyā varivovidam ||
As such, O longed-far Asvins, lead us on to wealth of varied sort, Wealth that shall bring us room and rest.
Translated by Ralph T. H. Griffith (1896)This is the translator's rendering of the same verse where it occurs at RV 2.41.9; the wording of this text may differ in places.
पावका नः सरस्वती वाजेभिर् वाजिनीवती । यज्ञं वष्टु धियावसुः ॥
pāvakā naḥ sarasvatī vājebhir vājinīvatī | yajñaṃ vaṣṭu dhiyāvasuḥ ||
Wealthy in spoil, enriched with hymns, may bright Sarasvati desire, With eager love, our sacrifice.
Translated by Ralph T. H. Griffith (1896)This is the translator's rendering of the same verse where it occurs at RV 1.3.10; the wording of this text may differ in places.
चोदयित्री सूनृतानां चेतन्ती सुमतीनाम् । यज्ञं दधे सरस्वती ॥
codayitrī sūnṛtānāṃ cetantī sumatīnām | yajñaṃ dadhe sarasvatī ||
Inciter of all pleasant songs, inspirer o all gracious thought, Sarasvati accept our rite
Translated by Ralph T. H. Griffith (1896)This is the translator's rendering of the same verse where it occurs at RV 1.3.11; the wording of this text may differ in places.
महो ऽ अर्णः सरस्वती प्र चेतयति केतुना । धियो विश्वा वि राजति ॥
maho ' arṇaḥ sarasvatī pra cetayati ketunā | dhiyo viśvā vi rājati ||
Sarasvati, the mighty flood,--she with be light illuminates, She brightens every pious thought.
Translated by Ralph T. H. Griffith (1896)This is the translator's rendering of the same verse where it occurs at RV 1.3.12; the wording of this text may differ in places.
इन्द्रा याहि चित्रभानो सुता ऽ इमे त्वायवः । अण्वीभिस् तना पूतासः ॥
indrā yāhi citrabhāno sutā ' ime tvāyavaḥ | aṇvībhis tanā pūtāsaḥ ||
O Indra marvellously bright, come, these libations long for thee, Thus by fine fingers purified.
Translated by Ralph T. H. Griffith (1896)This is the translator's rendering of the same verse where it occurs at RV 1.3.4; the wording of this text may differ in places.
इन्द्रा याहि धियेषितो विप्रजूतः सुतावतः । उप ब्रह्माणि वाघतः ॥
indrā yāhi dhiyeṣito viprajūtaḥ sutāvataḥ | upa brahmāṇi vāghataḥ ||
Urged by the holy singer, sped by song, come, Indra, to the prayers, Of the libation-pouring priest.
Translated by Ralph T. H. Griffith (1896)This is the translator's rendering of the same verse where it occurs at RV 1.3.5; the wording of this text may differ in places.
इन्द्रा याहि तूतुजान ऽ उप ब्रह्माणि हरिवः । सुते दधिष्व नश् चनः ॥
indrā yāhi tūtujāna ' upa brahmāṇi harivaḥ | sute dadhiṣva naś canaḥ ||
Approach, O Indra, hasting thee, Lord of Bay Horses, to the prayers. In our libation take delight.
Translated by Ralph T. H. Griffith (1896)This is the translator's rendering of the same verse where it occurs at RV 1.3.6; the wording of this text may differ in places.
अश्विना पिबतां मधु सरस्वत्या सजोषसा । इन्द्रः सुत्रामा वृत्रहा जुषन्ताꣳ सोम्यं मधु ॥
aśvinā pibatāṃ madhu sarasvatyā sajoṣasā | indraḥ sutrāmā vṛtrahā juṣantām̐ somyaṃ madhu ||
Sanskrit only: no published translation is held for this verse.