Vidyakara: Subhasitaratnakosa 24

दृष्टिं हे प्रतिवेशिनि क्षणम् इहाप्य् अस्मिन् गृहे दास्यसि प्रायो नैव शिशोः पिताद्य विरसाः कौपीरपः पास्यति । एकाकिन्य् अपि यामि तद् वरम् इतः स्रोतस् तमालाकुलं नीरन्ध्रास् तनुम् आलिखन्तु जठर-च्छेदानल-ग्रन्थयः

dṛṣṭiṃ he prativeśini kṣaṇam ihāpy asmin gṛhe dāsyasi prāyo naiva śiśoḥ pitādya virasāḥ kaupīrapaḥ pāsyati / ekākiny api yāmi tad varam itaḥ srotas tamālākulaṃ nīrandhrās tanum ālikhantu jaṭhara-cchedānala-granthayaḥ

Sanskrit only: no published translation is held for this verse.

विद्यायाः । (द्र्दरू। २।२१अ, स्प्द्शाप। ३७६९, स्म्व्सूमु। ८७।७, स्क्म्सौक। ५४१) तेषां गोप-वधू-विलास-सुहृदां राध-रहः-साक्षिणां क्षेमं भद्र कलिन्द-राज-तनया-तीरे लता-वेश्मनाम् । विच्छिन्ने स्मर-तल्प-कल्पन-विधि-च्छेदोपयोगे ऽधुना ते जाने जरठी-भवन्ति विगलन् नील-त्विषः पल्लवाः

vidyāyāḥ | (Drda.rū. 2.21a, Spdśā.pa. 3769, Smvsū.mu. 87.7, Skmsa.u.ka. 541) teṣāṃ gopa-vadhū-vilāsa-suhṛdāṃ rādha-rahaḥ-sākṣiṇāṃ kṣemaṃ bhadra kalinda-rāja-tanayā-tīre latā-veśmanām / vicchinne smara-talpa-kalpana-vidhi-cchedopayoge 'dhunā te jāne jaraṭhī-bhavanti vigalan nīla-tviṣaḥ pallavāḥ

Sanskrit only: no published translation is held for this verse.

विद्यायाः -- सिक-तिल-तलाः सान्द्र-च्छायास् तटान्त-विलम्बिनः शिशिर-मरुतां लीला-वासाः क्वणज्-जल-रङ्कवः । अविनयवती-निर्विच्छेद-स्मर-व्यय-दायिनः कथय मुरले केनामी ते कृता निचुल-द्रुमाः

vidyāyāḥ -- sika-tila-talāḥ sāndra-cchāyās taṭānta-vilambinaḥ śiśira-marutāṃ līlā-vāsāḥ kvaṇaj-jala-raṅkavaḥ / avinayavatī-nirviccheda-smara-vyaya-dāyinaḥ kathaya murale kenāmī te kṛtā nicula-drumāḥ

Sanskrit only: no published translation is held for this verse.

विद्यायाः । (स्क्म्सौक। ५३१) पान्थ स्वैर-गतिं विहाय झटिति प्रस्थानम् आरभ्यताम् अत्यन्तं करि-शूकराहित्-गवयिर् भीमं पुरः काननम् । चण्डांशोर् अपि रश्मयः प्रतिदिशं म्लानास् त्वम् एको युवा स्थानं नास्ति गृहे ममापि भवतो बालाहम् एकाकिनी

vidyāyāḥ | (Skmsa.u.ka. 531) pāntha svaira-gatiṃ vihāya jhaṭiti prasthānam ārabhyatām atyantaṃ kari-śūkarāhit-gavayir bhīmaṃ puraḥ kānanam / caṇḍāṃśor api raśmayaḥ pratidiśaṃ mlānās tvam eko yuvā sthānaṃ nāsti gṛhe mamāpi bhavato bālāham ekākinī

Sanskrit only: no published translation is held for this verse.

विटपिनि शिशिरच्छाये क्षणम् इह विश्रम्य गम्यतां पथिकाः । अतरुवारिर् अतः परम् असमशिलादुर्गमो मार्गः

viṭapini śiśiracchāye kṣaṇam iha viśramya gamyatāṃ pathikāḥ / ataruvārir ataḥ param asamaśilādurgamo mārgaḥ

Sanskrit only: no published translation is held for this verse.

विटपिनि शिशिर-च्छाये क्षणम् इह विश्रम्य गम्यतां पथिकाः ।* अतरु-रवारिर् अतः परम् असम-शिला-दुर्गमो मार्गः ॥ विद्स्र्क् २४।५ *(८११) ॥* अम्बा शेते ऽत्र वृद्धा परिणत-वयसाम् अग्रणीर् अत्र तातो निःशेषागार-कर्म-श्रम-शिथिल-तनुर् कुब्म्ह-दासी तथेह । अस्मिन् पापाहम् एका कतिपय-दिवस-प्रोषित-प्राण-नाथा पान्थायेत्थं युवत्या कथितम् अभिमतं व्याहृति-व्याज-पूर्वम्

viṭapini śiśira-cchāye kṣaṇam iha viśramya gamyatāṃ pathikāḥ /* ataru-ravārir ataḥ param asama-śilā-durgamo mārgaḥ // VidSrk 24.5 *(811) //* ambā śete 'tra vṛddhā pariṇata-vayasām agraṇīr atra tāto niḥśeṣāgāra-karma-śrama-śithila-tanur kubmha-dāsī tatheha / asmin pāpāham ekā katipaya-divasa-proṣita-prāṇa-nāthā pānthāyetthaṃ yuvatyā kathitam abhimataṃ vyāhṛti-vyāja-pūrvam

Sanskrit only: no published translation is held for this verse.

स्मर-विवशया किंचिन् मिथ्या-निषेध-मनोज्ञया दिशि दिशि भयाद् भूयो भूयः प्रवर्तित-नेत्रया । कुवलय-दृशा शून्ये दैवाद् अतर्कित-लब्धया निभृत-निभृतं ये चुम्ब्यन्ते त एव विदुः सुखम्

smara-vivaśayā kiṃcin mithyā-niṣedha-manojñayā diśi diśi bhayād bhūyo bhūyaḥ pravartita-netrayā / kuvalaya-dṛśā śūnye daivād atarkita-labdhayā nibhṛta-nibhṛtaṃ ye cumbyante ta eva viduḥ sukham

Sanskrit only: no published translation is held for this verse.

व्यपेत-व्याहारं गत-विविध-शिल्प-व्यतिकरं कर-स्पर्शारम्भ-प्रगलित-दुकूलान्त-शयनम् । मुहुर् बद्धोत्कम्पं दिशि दिशि मुहुः-प्रेषित-दृशोर् अहल्या-सुत्राम्णोः क्षणिकम् इव तत्-संगतम् अभूत्

vyapeta-vyāhāraṃ gata-vividha-śilpa-vyatikaraṃ kara-sparśārambha-pragalita-dukūlānta-śayanam / muhur baddhotkampaṃ diśi diśi muhuḥ-preṣita-dṛśor ahalyā-sutrāmṇoḥ kṣaṇikam iva tat-saṃgatam abhūt

Sanskrit only: no published translation is held for this verse.

योगेश्वरस्य । (स्म्व्सूमु। ८७।१०, स्क्सकआब् ५।२७६अ, शृङ्गार-प्रकाश ३।१७८, ३।२३५, ३।३०८, ४।४५३, ४।५१४) यः कौमार-हरः स एव हि वरस् ता एव चैत्र-क्षपास् ते चोन्मीलित-मालती-सुरभयः प्रौढाः कदम्बानिलाः । सा चैवास्मि तथापि तत्र सुरत-व्यापार-लीला-विधौ रेवा-रोधसि वेतसी-तरु-तले चेतः समुत्कण्ठते

yogeśvarasya | (Smvsū.mu. 87.10, Sksa.ka.ā.b 5.276a, Śṛṅgāra-prakāśa 3.178, 3.235, 3.308, 4.453, 4.514) yaḥ kaumāra-haraḥ sa eva hi varas tā eva caitra-kṣapās te conmīlita-mālatī-surabhayaḥ prauḍhāḥ kadambānilāḥ / sā caivāsmi tathāpi tatra surata-vyāpāra-līlā-vidhau revā-rodhasi vetasī-taru-tale cetaḥ samutkaṇṭhate

Sanskrit only: no published translation is held for this verse.

क्व प्रस्थितासि करभोरु घने निशीथे प्राणाधिको वसति यत्र जनः प्रियो मे । एकाकिनी वद कथं न बिभेषि बाले नन्व् अस्ति पुङ्खित-शरो मदनः सहायः

kva prasthitāsi karabhoru ghane niśīthe prāṇādhiko vasati yatra janaḥ priyo me / ekākinī vada kathaṃ na bibheṣi bāle nanv asti puṅkhita-śaro madanaḥ sahāyaḥ

Sanskrit only: no published translation is held for this verse.

उदेति यस्यां न निशाकरो रिपुस् तिथिर् नु का पुण्यवतीभिर् आप्यते । इतीव दुष्ट्या परिदेविते मुहुः कुहू कुहूर् इत्य् अलम् आह कोकिलः

udeti yasyāṃ na niśākaro ripus tithir nu kā puṇyavatībhir āpyate / itīva duṣṭyā paridevite muhuḥ kuhū kuhūr ity alam āha kokilaḥ

Sanskrit only: no published translation is held for this verse.

मातर् गेहिनि यद्य् अयं हत-शुकः संवर्धनीयस् मया लौहं पञ्जरम् अस्य दुर्णयवतो गाढां तदा कारय । अद्यैनं वदरी-निकुञ्ज-कुहरे लीनम् प्रचण्डोरगे कर्षन्त्या मम तावद् अङ्ग-लिखनैर् एवापद् एषा गता

mātar gehini yady ayaṃ hata-śukaḥ saṃvardhanīyas mayā lauhaṃ pañjaram asya durṇayavato gāḍhāṃ tadā kāraya / adyainaṃ vadarī-nikuñja-kuhare līnam pracaṇḍorage karṣantyā mama tāvad aṅga-likhanair evāpad eṣā gatā

Sanskrit only: no published translation is held for this verse.

ध्वस्तं केन विलेपनं कुच-युगे केनाञ्जनं नेत्रयो रागः केन तवाधरे प्रमथितः केशेषु केन स्रजः । तेनाशेष-जनौघ-कल्मषम् उषा नीलाब्ज-भासा सखि किं कृष्णेन न यामुनेन पयसा कृष्णानुरागस् तव

dhvastaṃ kena vilepanaṃ kuca-yuge kenāñjanaṃ netrayo rāgaḥ kena tavādhare pramathitaḥ keśeṣu kena srajaḥ / tenāśeṣa-janaugha-kalmaṣam uṣā nīlābja-bhāsā sakhi kiṃ kṛṣṇena na yāmunena payasā kṛṣṇānurāgas tava

Sanskrit only: no published translation is held for this verse.

आकृष्यादाव् अमन्द-ग्रहमलकचयं वक्त्रम् आसज्य वक्त्रे कण्ठे लग्नः सुकण्ठः पुनर् अपि कुचयोर् दत्त-गाढाङ्ग-सङ्गः । बद्धासक्तिर् नितम्बे पतति चरणयोर् यः स तादृक् प्रियो मे बाले लज्जा प्रणष्टा न हि न हि कुटिले चोलकः किं त्रपा-कृत्

ākṛṣyādāv amanda-grahamalakacayaṃ vaktram āsajya vaktre kaṇṭhe lagnaḥ sukaṇṭhaḥ punar api kucayor datta-gāḍhāṅga-saṅgaḥ / baddhāsaktir nitambe patati caraṇayor yaḥ sa tādṛk priyo me bāle lajjā praṇaṣṭā na hi na hi kuṭile colakaḥ kiṃ trapā-kṛt

Sanskrit only: no published translation is held for this verse.

आमोदिना समधुना परिधूसरेण सव्याकुल-भ्रमवता पतता पुरस्तात् । आयासितास्मि सखि तेन दिवावसाने मत्तेन किं प्रणयिना न हि केसरेण

āmodinā samadhunā paridhūsareṇa savyākula-bhramavatā patatā purastāt / āyāsitāsmi sakhi tena divāvasāne mattena kiṃ praṇayinā na hi kesareṇa

Sanskrit only: no published translation is held for this verse.

पान्थे पद्मसरो ऽन्तशाद्वल-भुवि न्यस्याञ्चलं शायिनि त्वं श्रान्तास्यवहं च वर्त्म वसति-ग्रामो न वेलाप्य् अगात् । उत्तान-द्विगुणासमञ्जस-मिलज्-जानूदरास्तांशुक- स्तोकोन्मीलद्-असञ्जितोरु वयम् अप्य् एकाकिनः किं त्व् इदम्

pānthe padmasaro 'ntaśādvala-bhuvi nyasyāñcalaṃ śāyini tvaṃ śrāntāsyavahaṃ ca vartma vasati-grāmo na velāpy agāt / uttāna-dviguṇāsamañjasa-milaj-jānūdarāstāṃśuka- stokonmīlad-asañjitoru vayam apy ekākinaḥ kiṃ tv idam

Sanskrit only: no published translation is held for this verse.

वल्लणस्य -- इन्दुर् यत्र न निन्द्यते न मधुरं दूती-वचः श्रूयते नालापा निपतन्ति बाष्प-कलुषा नोपैति कार्श्यं तनुः । स्वाधीनामनुकूलिनीं स्व-गृहिणीम् आलिङ्ग्य यत् सुप्यते तत् किं प्रेम गृहाश्रम-व्रतम् इदं कष्टं समाचर्यते

vallaṇasya -- indur yatra na nindyate na madhuraṃ dūtī-vacaḥ śrūyate nālāpā nipatanti bāṣpa-kaluṣā nopaiti kārśyaṃ tanuḥ / svādhīnāmanukūlinīṃ sva-gṛhiṇīm āliṅgya yat supyate tat kiṃ prema gṛhāśrama-vratam idaṃ kaṣṭaṃ samācaryate

Sanskrit only: no published translation is held for this verse.

लक्ष्मीधरस्य । (स्भ्सुआ। २३९८, श्प् ३७८२, स्म्व्सूमु। ७५।४, स्र्ब् ३५३।४९, स्क्सकआब् ५।१९२, श्ब् ३।३९७, सब् ४।१४८, स्क्सकआ। ५।२९८, स्स्म् ९३७) प्रणय-विशदां वक्त्रे दृष्टिं ददाति विशङ्किता घटयति घनं कण्ठाश्लेषं सकम्प-पयोधरा । वदति बहुशो गच्छामीति प्रयत्न-धृताप्य् अहो रमयतितरां संकेतस्था तथापि हि कामिनी

lakṣmīdharasya | (Sbhsu.ā. 2398, Śp 3782, Smvsū.mu. 75.4, Srb 353.49, Sksa.ka.ā.b 5.192, Śb 3.397, Sab 4.148, Sksa.ka.ā. 5.298, Ssm 937) praṇaya-viśadāṃ vaktre dṛṣṭiṃ dadāti viśaṅkitā ghaṭayati ghanaṃ kaṇṭhāśleṣaṃ sakampa-payodharā / vadati bahuśo gacchāmīti prayatna-dhṛtāpy aho ramayatitarāṃ saṃketasthā tathāpi hi kāminī

Sanskrit only: no published translation is held for this verse.

श्रीहर्षस्य दुर्दिननिशीथपवने निःसंचारासु नगरवीथीषु । पत्यौ विदेशयाते परं सुखं जघनचपलायाः

śrīharṣasya durdinaniśīthapavane niḥsaṃcārāsu nagaravīthīṣu / patyau videśayāte paraṃ sukhaṃ jaghanacapalāyāḥ

Sanskrit only: no published translation is held for this verse.

मार्गे पङ्किनि तोयदान्ध-तमसे निःशब्द-संचारकं गन्तव्या दयितस्य मे ऽद्य वसतिर् मुग्धेति कृत्वा मतिम् । आजानुऊद्धृत-नूपुरा करतलेनाच्छाद्य नेत्रे भृशं कृच्छ्राल् लब्ध-परिस्थितिः स्व-भवने पन्थानम् अभ्यस्यति

mārge paṅkini toyadāndha-tamase niḥśabda-saṃcārakaṃ gantavyā dayitasya me 'dya vasatir mugdheti kṛtvā matim / ājānuūddhṛta-nūpurā karatalenācchādya netre bhṛśaṃ kṛcchrāl labdha-paristhitiḥ sva-bhavane panthānam abhyasyati

Sanskrit only: no published translation is held for this verse.

बिभ्राणार्द्र-नख-क्षतानि जघने नान्यत्र गात्रे भयान् नेत्रे चुम्बन-पाटले च दधती निद्रालसे निव्रणे । स्वं संकेतम् अदूरम् एव कमितुर् भ्रू-संज्ञया शंसती सिद्धिं याति विटैक-कल्प-लतिका रण्डा न पुण्यैर् विना

bibhrāṇārdra-nakha-kṣatāni jaghane nānyatra gātre bhayān netre cumbana-pāṭale ca dadhatī nidrālase nivraṇe / svaṃ saṃketam adūram eva kamitur bhrū-saṃjñayā śaṃsatī siddhiṃ yāti viṭaika-kalpa-latikā raṇḍā na puṇyair vinā

Sanskrit only: no published translation is held for this verse.

अद्य स्वां जननीम् अकारण-रुषा प्रातः सुदूरं गतां प्रत्यानेक्तुम् इतो गतो गृह-पतिः श्रुत्वैव मध्यं-दिने । पङ्गुत्वेन शरीर-जर्जरतया प्रायः स लक्ष्याकृतिर् दृष्टो ऽसौ भवता न किं पथिक हे स्थित्वा क्षणं कथ्यताम्

adya svāṃ jananīm akāraṇa-ruṣā prātaḥ sudūraṃ gatāṃ pratyānektum ito gato gṛha-patiḥ śrutvaiva madhyaṃ-dine / paṅgutvena śarīra-jarjaratayā prāyaḥ sa lakṣyākṛtir dṛṣṭo 'sau bhavatā na kiṃ pathika he sthitvā kṣaṇaṃ kathyatām

Sanskrit only: no published translation is held for this verse.

वस्त्र-प्रोत-दुरन्त-तनू पुर्मुखाः संयम्य नीवी-मणीन् उद्गाढांशुक-पल्लवेन निभृतं दत्ताभिसार-क्रमाः । एताः कुन्तल-मल्लिका-परिमल-व्यालोल-भृङ्गावली- झङ्कारैर् विकलीकृताः पथि बत व्यक्तं कुरङ्गी-दृशः

vastra-prota-duranta-tanū purmukhāḥ saṃyamya nīvī-maṇīn udgāḍhāṃśuka-pallavena nibhṛtaṃ dattābhisāra-kramāḥ / etāḥ kuntala-mallikā-parimala-vyālola-bhṛṅgāvalī- jhaṅkārair vikalīkṛtāḥ pathi bata vyaktaṃ kuraṅgī-dṛśaḥ

Sanskrit only: no published translation is held for this verse.

पतिर् दुर्वञ्चो ऽयं विधुरमलिनो वर्त्म विषमं जनश् छिद्रान्वेषी प्रणयि-वचनं दुष्परिहरम् । अतः काचित् तन्वी रति-विदित-संकेत-गतये गृहाद् वारं वारं निरसरद् अथ प्राविशद् अथ

patir durvañco 'yaṃ vidhuramalino vartma viṣamaṃ janaś chidrānveṣī praṇayi-vacanaṃ duṣpariharam / ataḥ kācit tanvī rati-vidita-saṃketa-gataye gṛhād vāraṃ vāraṃ nirasarad atha prāviśad atha

Sanskrit only: no published translation is held for this verse.

उदेष्यत्-पीयूष-द्युति-रुचि-कणार्द्राः शशि-मणि- स्थलीनां पन्थानो घन-चरण-लाक्षा-लिपि-भृतः । चकोरैर् उड्डीनैर् झटिति कृत-शङ्काः प्रतिपदं पराञ्चः संचारान-विनयवतीनां विवृणुते

udeṣyat-pīyūṣa-dyuti-ruci-kaṇārdrāḥ śaśi-maṇi- sthalīnāṃ panthāno ghana-caraṇa-lākṣā-lipi-bhṛtaḥ / cakorair uḍḍīnair jhaṭiti kṛta-śaṅkāḥ pratipadaṃ parāñcaḥ saṃcārāna-vinayavatīnāṃ vivṛṇute

Sanskrit only: no published translation is held for this verse.

मलयज-पङ्क-लिप्त-तनवो नव-हार-लता-विभूषिताः सिततर-दन्त-पत्र-कृत-वक्त्र-रुचो रुचिरामलांशुकाः । शशभृति वितत-धाम्नि धवलयति धराम् अविभाव्यतां गताः प्रिय-वसतिं व्रजन्ति सुखम् एव मिथो निरस्त-भियो ऽभिसारिकाः

malayaja-paṅka-lipta-tanavo nava-hāra-latā-vibhūṣitāḥ sitatara-danta-patra-kṛta-vaktra-ruco rucirāmalāṃśukāḥ / śaśabhṛti vitata-dhāmni dhavalayati dharām avibhāvyatāṃ gatāḥ priya-vasatiṃ vrajanti sukham eva mitho nirasta-bhiyo 'bhisārikāḥ

Sanskrit only: no published translation is held for this verse.

बाणस्य निशान्धकारे विहिताभिसाराः सखीः शपन्ती७ह नितान्तमुग्धा । पथि स्खलन्ती बत वारिधाराम् आलिङ्गितुं वाञ्छति वारिदानाम्

bāṇasya niśāndhakāre vihitābhisārāḥ sakhīḥ śapantī7ha nitāntamugdhā / pathi skhalantī bata vāridhārām āliṅgituṃ vāñchati vāridānām

Sanskrit only: no published translation is held for this verse.

बाणस्य । (स्क्म्सौक। ७९७; वाम् अद् ४।३१०, अक् प्।३९६, अस्। अद् ७१, स्र्ब् २९९।२३, क्प्द् अद्। १०।४८) निशान्धकारे विहिताभिसाराः सखीः शपन्तीह नितान्त-मुग्धा ।* पथि स्खलन्ती बत वारिधाराम् आलिङ्गितुं वाञ्छन्ति वारि-दानाम् ॥ विद्स्र्क् २४।२७ *(८३३) ॥* पुरुषोत्तमस्य -- कृत्वा नूपुर-मूकतां चरणयोः संयम्य नीवी-मणीन् उद्दाम-ध्वनि-पिण्डितान् परिजने किंचिच् च निद्रायिते । कस्मै कुप्यसि यावद् अस्मि चलिता तावद् विधि-प्रेरितः काश्मीरी-कुच-कुम्भ-संभ्रम-हरः शीतांशुर् अभ्युद्यतः

bāṇasya | (Skmsa.u.ka. 797; Vām ad 4.310, Ak p.396, As. ad 71, Srb 299.23, Kpd ad. 10.48) niśāndhakāre vihitābhisārāḥ sakhīḥ śapantīha nitānta-mugdhā /* pathi skhalantī bata vāridhārām āliṅgituṃ vāñchanti vāri-dānām // VidSrk 24.27 *(833) //* puruṣottamasya -- kṛtvā nūpura-mūkatāṃ caraṇayoḥ saṃyamya nīvī-maṇīn uddāma-dhvani-piṇḍitān parijane kiṃcic ca nidrāyite / kasmai kupyasi yāvad asmi calitā tāvad vidhi-preritaḥ kāśmīrī-kuca-kumbha-saṃbhrama-haraḥ śītāṃśur abhyudyataḥ

Sanskrit only: no published translation is held for this verse.

कस्यचित् । (स्क्म्सौक। ८९९; स्म्व्सूमु। ७०।१३, काश्मीर-बिल्हणस्य) उरसि निहितस् तारो हारः कृता जघने घने कलकलवती काञ्ची पादौ क्वणन्मणिनूपुरौ । प्रियमभिसरस्येवं मुग्धे समाहतडिण्डिमा यदि किमधिकत्रासोत्कम्पं दिशः समुदीक्षसे

kasyacit | (Skmsa.u.ka. 899; Smvsū.mu. 70.13, kāśmīra-bilhaṇasya) urasi nihitas tāro hāraḥ kṛtā jaghane ghane kalakalavatī kāñcī pādau kvaṇanmaṇinūpurau / priyamabhisarasyevaṃ mugdhe samāhataḍiṇḍimā yadi kimadhikatrāsotkampaṃ diśaḥ samudīkṣase

Sanskrit only: no published translation is held for this verse.

देवगुप्तस्य (अमरु २८, द्र्दरू। २।२७ब्, स्व्सुआ। १९४७, स्प्द्शाप। ३६१३, स्क्म्सौक। ७८३) अनुमतम् इवानेतुं जोषं तमी-तमसां कुलं दिशि दिशि दृशो विन्यस्यन्त्यः शिर्याङ्कुरिताञ्जनाः । मदन-हुत-भुग्-धूम-च्छायैः पटैर् असितैर् वृताः प्रययुर् अरसद्-भूषैर् अङ्गैः प्रियानभिसारिकाः

devaguptasya (Amaru 28, Drda.rū. 2.27b, Svsu.ā. 1947, Spdśā.pa. 3613, Skmsa.u.ka. 783) anumatam ivānetuṃ joṣaṃ tamī-tamasāṃ kulaṃ diśi diśi dṛśo vinyasyantyaḥ śiryāṅkuritāñjanāḥ / madana-huta-bhug-dhūma-cchāyaiḥ paṭair asitair vṛtāḥ prayayur arasad-bhūṣair aṅgaiḥ priyānabhisārikāḥ

Sanskrit only: no published translation is held for this verse.