प्रसिद्धेश् च इतश्च परमेश्वर एव ऽदहरो ऽस्मिन्नन्तराकाशःऽ इत्युच्यते । यत्कारणमाकाशशब्दः परमेश्वरे प्रसिद्धः । ऽआकाशो वै नाम नामरूपयोर्निर्वहिताऽ (छा। ८।१।४), ऽसर्वाणि ह वा इमानि भूतान्याकाशादेव समुत्पद्यन्तेऽ (छा। १।९।१) इत्यादिप्रयोगदर्शनात् । जीवे तु न क्वचिदाकाशशब्दः प्रयुज्यमानो दृश्यते । भूताकाशस्तु सत्यामप्याकाशशब्दप्रसिद्धावुपमानोपमेयभावाद्यसंभवान्न ग्रहीतव्य इत्युक्तम् ॥ १७ ॥ ---------------------- फ़्न्: आ समान्तात्काशते दीप्यत इत्याकाशः स्वयञ्ज्योतिरीश्वरः ।
prasiddheś ca itaśca parameśvara eva 'daharo 'sminnantarākāśaḥ' ityucyate / yatkāraṇamākāśaśabdaḥ parameśvare prasiddhaḥ / 'ākāśo vai nāma nāmarūpayornirvahitā' (chā. 8.1.4), 'sarvāṇi ha vā imāni bhūtānyākāśādeva samutpadyante' (chā. 1.9.1) ityādiprayogadarśanāt / jīve tu na kvacidākāśaśabdaḥ prayujyamāno dṛśyate / bhūtākāśastu satyāmapyākāśaśabdaprasiddhāvupamānopameyabhāvādyasaṃbhavānna grahītavya ityuktam // 17 // ---------------------- FN: ā samāntātkāśate dīpyata ityākāśaḥ svayañjyotirīśvaraḥ /
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.