अथ जलकेलिम् आह-ताभिर् इति । तासाम् अङ्गसङ्गेन घृष्टा संमर्दिता या स्रक् तस्याः अत एव तासां कुचकुङ्कुमेन रञ्जितायाः संबन्धिभिर् गन्धर्वपालिभिर् गन्धर्वपा गन्धर्वपतय इव गायन्तो यो ऽलयस् तैर् अनुद्रुतो ऽनुगतः स कृष्णो वाः उदकम् आविशत् । भिन्नसेतुर् विदारित वप्रः स्वयं चातिक्रान्तलोकवेदमर्यादः
atha jalakelim āha-tābhir iti | tāsām aṅgasaṅgena ghṛṣṭā saṃmarditā yā srak tasyāḥ ata eva tāsāṃ kucakuṅkumena rañjitāyāḥ saṃbandhibhir gandharvapālibhir gandharvapā gandharvapataya iva gāyanto yo 'layas tair anudruto 'nugataḥ sa kṛṣṇo vāḥ udakam āviśat | bhinnasetur vidārita vapraḥ svayaṃ cātikrāntalokavedamaryādaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.