DhvK 4.2
ध्वनेर्यः सगुणीभूतव्यङ्ग्यस्याध्वा प्रदर्शितः । अनेनानन्त्यमायाति कवीनां प्रतिभागुणः ॥ १ ॥ य एष ध्वनेर्गुणभूतव्यङ्ग्यस्य च मार्गः प्रकाशितस्तस्य फलान्तरं कविप्रतिभानन्त्यम् । कथमिति चेत्--- अतो ह्य् अन्यतमेनापि प्रकारेण विभूषिता । वाणी नवत्वम् आयाति पूर्वार्थान्वयवत्य् अपि
dhvaneryaḥ saguṇībhūtavyaṅgyasyādhvā pradarśitaḥ / anenānantyamāyāti kavīnāṃ pratibhāguṇaḥ // 1 // ya eṣa dhvanerguṇabhūtavyaṅgyasya ca mārgaḥ prakāśitastasya phalāntaraṃ kavipratibhānantyam / kathamiti cet--- ato hy anyatamenāpi prakāreṇa vibhūṣitā / vāṇī navatvam āyāti pūrvārthānvayavaty api
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.