Jayadeva: Gitagovinda-kavya (in pausa) 3

कंसारिः अपि संसार-वासना-बन्ध-शृङ्खलाम् । राधाम् आधाय हृदये तत्याज व्रज-सुन्दरीः ॥

kaṃsāriḥ api saṃsāra-vāsanā-bandha-śṛṅkhalām / rādhām ādhāya hṛdaye tatyāja vraja-sundarīḥ //

Sanskrit only: no published translation is held for this verse.

इतः ततः ताम् अनुसृत्य राधिकाम् अनङ्ग-बाण-व्रण-खिन्न-मानसः । कृत-आनुतापः स कलिन्द-नन्दिनी-तट-अन्त-कुञ्जे विषसाद माधवः ॥

itaḥ tataḥ tām anusṛtya rādhikām anaṅga-bāṇa-vraṇa-khinna-mānasaḥ / kṛta-ānutāpaḥ sa kalinda-nandinī-taṭa-anta-kuñje viṣasāda mādhavaḥ //

Sanskrit only: no published translation is held for this verse.

माम् इयम् चलिता विलोक्य वृतम् वधू-निचयेन । स-अपराधतया माम् अपि न वारित-अतिभयेन ॥ हरिहरि हत-आदरतया गता सा कुपिता इव ॥

mām iyam calitā vilokya vṛtam vadhū-nicayena / sa-aparādhatayā mām api na vārita-atibhayena // harihari hata-ādaratayā gatā sā kupitā iva //

Sanskrit only: no published translation is held for this verse.

किम् करिष्यति किम् वदिष्यति सा चिरम् विरहेण । किम् धनेन जनेन किम् मम जीवितेन गृहेण ॥ हरिहरि हत-आदरतया गता सा कुपिता इव ॥

kim kariṣyati kim vadiṣyati sā ciram viraheṇa / kim dhanena janena kim mama jīvitena gṛheṇa // harihari hata-ādaratayā gatā sā kupitā iva //

Sanskrit only: no published translation is held for this verse.

चिन्तयामि तत्-आननम् कुटिल-भ्रु कोप-भरेण । शोण-पद्मम् इव उपरि भ्रमता आकुलम् भ्रमरेण ॥ हरिहरि हत-आदरतया गता सा कुपिता इव ॥

cintayāmi tat-ānanam kuṭila-bhru kopa-bhareṇa / śoṇa-padmam iva upari bhramatā ākulam bhramareṇa // harihari hata-ādaratayā gatā sā kupitā iva //

Sanskrit only: no published translation is held for this verse.

ताम् अहम् हृदि संगताम् अनिशम् भृशम् रमयामि । किम् वने अनुसरामि ताम् इह किम् वृथा विलपामि ॥ हरिहरि हत-आदरतया गता सा कुपिता इव ॥

tām aham hṛdi saṃgatām aniśam bhṛśam ramayāmi / kim vane anusarāmi tām iha kim vṛthā vilapāmi // harihari hata-ādaratayā gatā sā kupitā iva //

Sanskrit only: no published translation is held for this verse.

तन्वि खिन्नम् असूयया हृदयम् तव आकलयामि । तत् न वेद्मि कुतः गता असि न तेन ते अनुनयामि ॥ हरिहरि हत-आदरतया गता सा कुपिता इव ॥

tanvi khinnam asūyayā hṛdayam tava ākalayāmi / tat na vedmi kutaḥ gatā asi na tena te anunayāmi // harihari hata-ādaratayā gatā sā kupitā iva //

Sanskrit only: no published translation is held for this verse.

दृश्यसे पुरतः गत-आगतम् एव मे विदधासि । किम् पुरा इव ससंभ्रमं परिरम्भणम् न ददासि ॥ हरिहरि हत-आदरतया गता सा कुपिता इव ॥

dṛśyase purataḥ gata-āgatam eva me vidadhāsi / kim purā iva sasaṃbhramaṃ parirambhaṇam na dadāsi // harihari hata-ādaratayā gatā sā kupitā iva //

Sanskrit only: no published translation is held for this verse.

क्षम्यताम् अपरम् कदापि तव ईदृशम् न करोमि । देहि सुन्दरि दर्शनम् मम मन्मथेन दुनोमि ॥ हरिहरि हत-आदरतया गता सा कुपिता इव ॥

kṣamyatām aparam kadāpi tava īdṛśam na karomi / dehi sundari darśanam mama manmathena dunomi // harihari hata-ādaratayā gatā sā kupitā iva //

Sanskrit only: no published translation is held for this verse.

वर्णितम् जयदेवकेन हरेः इदम् प्रवणेन । किन्दुबिल्व-समुद्र-सम्भव-रोहिणी-रमणेन ॥ हरिहरि हत-आदरतया गता सा कुपिता इव ॥

varṇitam jayadevakena hareḥ idam pravaṇena / kindubilva-samudra-sambhava-rohiṇī-ramaṇena // harihari hata-ādaratayā gatā sā kupitā iva //

Sanskrit only: no published translation is held for this verse.

हृदि बिस-लता-हारः न अयम् भुजङ्गम-नायकः कुवलय-दल-श्रेणी कण्ठे न सा गरल-द्युतिः । मलयज-रजः न इदम् भस्म प्रिहार-हिते मयि प्रहर न हर-भ्रान्त्या अनङ्ग क्रुधा किम् उ धावसि ॥

hṛdi bisa-latā-hāraḥ na ayam bhujaṅgama-nāyakaḥ kuvalaya-dala-śreṇī kaṇṭhe na sā garala-dyutiḥ / malayaja-rajaḥ na idam bhasma prihāra-hite mayi prahara na hara-bhrāntyā anaṅga krudhā kim u dhāvasi //

Sanskrit only: no published translation is held for this verse.

पाणौ मा कुरु चूत-सायकम् अमुम् मा चापम् आरोपय क्रीडा-निर्जित-विश्व मूर्च्छित-जन-आघातेन किम् पौरुषम् । तस्याः एव मृगी-दृशः मनसिज-प्रेङ्खत्-कटाक्ष-आशुग- श्रेणी-जर्जरितम् मनाक् अपि मनः न अद्य अपि संधुक्षते ॥

pāṇau mā kuru cūta-sāyakam amum mā cāpam āropaya krīḍā-nirjita-viśva mūrcchita-jana-āghātena kim pauruṣam / tasyāḥ eva mṛgī-dṛśaḥ manasija-preṅkhat-kaṭākṣa-āśuga- śreṇī-jarjaritam manāk api manaḥ na adya api saṃdhukṣate //

Sanskrit only: no published translation is held for this verse.

भ्रू-चापे निहितः कटाक्ष-विशिखः निर्मातु मर्म-व्यथाम् श्याम-आत्मा कुटिलः करोतु कबरी-भारः अपि मार-उद्यमम् । मोहम् तावत् अयम् च तन्वि तनुताम् बिम्ब-अधरः रागवान् सत्-वृत्त-स्तन-मण्डलः तव कथम् प्राणैः मम क्रीडति ॥

bhrū-cāpe nihitaḥ kaṭākṣa-viśikhaḥ nirmātu marma-vyathām śyāma-ātmā kuṭilaḥ karotu kabarī-bhāraḥ api māra-udyamam / moham tāvat ayam ca tanvi tanutām bimba-adharaḥ rāgavān sat-vṛtta-stana-maṇḍalaḥ tava katham prāṇaiḥ mama krīḍati //

Sanskrit only: no published translation is held for this verse.

तानि स्पर्श-सुखानि ते च तरलाः स्निग्धाः दृशोः विभ्रमाः तत्-वक्त्र-अम्बुज-सौरभम् सः च सुधा-स्यन्दी गिराम् वक्रिमा । सा बिम्ब-अधर-माधुरी इति विषय-आसङ्गे अपि चेत् मानसम् तस्याम् लग्न-समाधि हन्त विरह-व्याधिः कथम् वर्धते ॥

tāni sparśa-sukhāni te ca taralāḥ snigdhāḥ dṛśoḥ vibhramāḥ tat-vaktra-ambuja-saurabham saḥ ca sudhā-syandī girām vakrimā / sā bimba-adhara-mādhurī iti viṣaya-āsaṅge api cet mānasam tasyām lagna-samādhi hanta viraha-vyādhiḥ katham vardhate //

Sanskrit only: no published translation is held for this verse.

भ्रू-पल्लवम् धनुः अपाङ्ग-तरङ्गितानि बाणाः गुणः श्रवण-पालिः इति स्मरेण । तस्याम् अनङ्ग-जय-जङ्गम-देवतायाम् अस्त्राणि निर्जित-जगन्ति किम् अर्पितानि ॥

bhrū-pallavam dhanuḥ apāṅga-taraṅgitāni bāṇāḥ guṇaḥ śravaṇa-pāliḥ iti smareṇa / tasyām anaṅga-jaya-jaṅgama-devatāyām astrāṇi nirjita-jaganti kim arpitāni //

Sanskrit only: no published translation is held for this verse.

संमुग्धे मधुसूदनस्य मधुरे राधा-मुखेन्दौ सुधा-सारे कन्दलिताश् चिरं ददतु वः क्षेमं कटाक्षोर्मयः

saṃmugdhe madhusūdanasya madhure rādhā-mukhendau sudhā-sāre kandalitāś ciraṃ dadatu vaḥ kṣemaṃ kaṭākṣormayaḥ

Sanskrit only: no published translation is held for this verse.