Gopalabhatta: Haribhaktivilasa 10

पुमांस् तस्मात् प्रयत्नेन वैष्णवान् पूजयेत् सदा । सर्वं तरति दुःखौघं महा-भागवतार्चनात्

pumāṃs tasmāt prayatnena vaiṣṇavān pūjayet sadā | sarvaṃ tarati duḥkhaughaṃ mahā-bhāgavatārcanāt

Sanskrit only: no published translation is held for this verse.

एकादशे श्री-भगवद्-वाक्यम् [भ्प् ११।११।४४, ११।१९।२१] - वैष्णवे बन्धु-सत्-कृत्या

ekādaśe śrī-bhagavad-vākyam [BhP 11.11.44, 11.19.21] - vaiṣṇave bandhu-sat-kṛtyā

Sanskrit only: no published translation is held for this verse.

मद्-भक्त-पूजाभ्यधिका

mad-bhakta-pūjābhyadhikā

Sanskrit only: no published translation is held for this verse.

किं च स्कान्दे श्री-मार्कण्डेय-भगीरथ-संवादे - कर्मणा मनसा वाचा येऽर्चयन्ति सदा हरिम् । तेषां वाक्यं नरैः कार्यं ते हि विष्णु-समा नराः

kiṃ ca skānde śrī-mārkaṇḍeya-bhagīratha-saṃvāde - karmaṇā manasā vācā ye'rcayanti sadā harim | teṣāṃ vākyaṃ naraiḥ kāryaṃ te hi viṣṇu-samā narāḥ

Sanskrit only: no published translation is held for this verse.

इत्य् आदृतो ऽनुशृणुयाद् भक्ति-शास्त्राणि तत्र च । श्री-भागवतम् अत्रापि कृष्ण-लीला-कथां मुहुः

ity ādṛto 'nuśṛṇuyād bhakti-śāstrāṇi tatra ca | śrī-bhāgavatam atrāpi kṛṣṇa-līlā-kathāṃ muhuḥ

Sanskrit only: no published translation is held for this verse.

अथ वैष्णव-शास्त्र-माहात्म्यम् । स्कान्दे श्री-ब्रह्म-नारद-संवादे - वैष्णवानि तु शास्त्राणी ये शृण्वन्ति पठन्ति च । धन्यास् ते मानवा लोके तेसां कृष्णः प्रसीदति

atha vaiṣṇava-śāstra-māhātmyam | skānde śrī-brahma-nārada-saṃvāde - vaiṣṇavāni tu śāstrāṇī ye śṛṇvanti paṭhanti ca | dhanyās te mānavā loke tesāṃ kṛṣṇaḥ prasīdati

Sanskrit only: no published translation is held for this verse.

वैष्णवानि तु शास्त्राणी ये æर्चयन्ति गृहे नराः । सर्व-पाप-विनिर्मुक्ता भवन्ति सुर-वन्दिताः

vaiṣṇavāni tu śāstrāṇī ye ærcayanti gṛhe narāḥ | sarva-pāpa-vinirmuktā bhavanti sura-vanditāḥ

Sanskrit only: no published translation is held for this verse.

सर्वस्वेनापि विप्रेन्द्र कर्तव्यः शास्त्र-सङ्ग्रहः । वैष्णवैस् तु महा-भक्त्या तुष्ट्य्-अर्थं चक्र-पाणिनः

sarvasvenāpi viprendra kartavyaḥ śāstra-saṅgrahaḥ | vaiṣṇavais tu mahā-bhaktyā tuṣṭy-arthaṃ cakra-pāṇinaḥ

Sanskrit only: no published translation is held for this verse.

तिष्ठते वैष्णवं शास्त्रं लिखितं यस्य मन्दिरे । तत्र नारायणो देवः स्वयं वसति नारद

tiṣṭhate vaiṣṇavaṃ śāstraṃ likhitaṃ yasya mandire | tatra nārāyaṇo devaḥ svayaṃ vasati nārada

Sanskrit only: no published translation is held for this verse.

पौराणं वैष्णवं श्लोकं श्लोकार्धम् अथवापि च । श्लोक-पादं पठेद् यस् तु गो-सहस्र-फलं लभेत्

paurāṇaṃ vaiṣṇavaṃ ślokaṃ ślokārdham athavāpi ca | śloka-pādaṃ paṭhed yas tu go-sahasra-phalaṃ labhet

Sanskrit only: no published translation is held for this verse.

देवतानाम् ऋषीणां च योगिनाम् अपि दुर्लभम् । विप्रेन्द्र वैष्णवं शास्त्रं मनुष्याणां च का कथा

devatānām ṛṣīṇāṃ ca yoginām api durlabham | viprendra vaiṣṇavaṃ śāstraṃ manuṣyāṇāṃ ca kā kathā

Sanskrit only: no published translation is held for this verse.

तत्रैव श्री-कृष्णार्जुन-संवादे - मम शास्त्राणि ये नित्यं पूजयन्ति पठन्ति च । ते नराः कुरु-शार्दूल ममातिथ्यं गताः सदा

tatraiva śrī-kṛṣṇārjuna-saṃvāde - mama śāstrāṇi ye nityaṃ pūjayanti paṭhanti ca | te narāḥ kuru-śārdūla mamātithyaṃ gatāḥ sadā

Sanskrit only: no published translation is held for this verse.

मम शाख्य-प्रवक्तारं मम शास्त्रानुचिन्तकम् । चिन्तयामि न सन्देहो नरं तं चात्मवत् सदा

mama śākhya-pravaktāraṃ mama śāstrānucintakam | cintayāmi na sandeho naraṃ taṃ cātmavat sadā

Sanskrit only: no published translation is held for this verse.

अथ श्रीमद्-भागवत-माहात्म्यम् तत्रैव -- जीविताद् अधिकं येषां शास्त्रं भागवतं कलौ । न तेषां भवति क्लेशो याम्यः कल्प-शतैर् अपि

atha śrīmad-bhāgavata-māhātmyam tatraiva -- jīvitād adhikaṃ yeṣāṃ śāstraṃ bhāgavataṃ kalau | na teṣāṃ bhavati kleśo yāmyaḥ kalpa-śatair api

Sanskrit only: no published translation is held for this verse.

धारयन्ति गृहे नित्यं शास्त्रं भागवतं हि ये । आस्फोटयन्ति वल्गन्ति तेषां प्रीताः पितामहाः

dhārayanti gṛhe nityaṃ śāstraṃ bhāgavataṃ hi ye | āsphoṭayanti valganti teṣāṃ prītāḥ pitāmahāḥ

Sanskrit only: no published translation is held for this verse.

यावद् दिनानि विप्रर्षे शास्त्रं भागवतं गृहे । तावत् पिबन्ति पितरः क्षीरं सर्पिर् मधूदकम्

yāvad dināni viprarṣe śāstraṃ bhāgavataṃ gṛhe | tāvat pibanti pitaraḥ kṣīraṃ sarpir madhūdakam

Sanskrit only: no published translation is held for this verse.

येऽर्चयन्ति सदा गेहे शास्त्रं भागवतं नराः । प्रीणितास् तैश् च विबुधा यावद् आहूत-सम्प्लवम्

ye'rcayanti sadā gehe śāstraṃ bhāgavataṃ narāḥ | prīṇitās taiś ca vibudhā yāvad āhūta-samplavam

Sanskrit only: no published translation is held for this verse.

यच्चन्ति वैष्णवे भक्त्या शास्त्रं भागवतं हि ये । कल्प-कोटि-सहस्राणि विष्णु-लोके वसन्ति ते

yaccanti vaiṣṇave bhaktyā śāstraṃ bhāgavataṃ hi ye | kalpa-koṭi-sahasrāṇi viṣṇu-loke vasanti te

Sanskrit only: no published translation is held for this verse.

श्लोकार्धं श्लोक-पादं वा वरं भागवतं गृहे । शतशो ऽथ सहस्रैश् च किम् अन्यैः शास्त्र-सङ्ग्रहैः

ślokārdhaṃ śloka-pādaṃ vā varaṃ bhāgavataṃ gṛhe | śataśo 'tha sahasraiś ca kim anyaiḥ śāstra-saṅgrahaiḥ

Sanskrit only: no published translation is held for this verse.

न यस्य तिष्ठते गेहे शास्त्रं भागवतं कलौ । न तस्य पुनर् आवृत्तिर् याम्यात् पाशात् कदाचन

na yasya tiṣṭhate gehe śāstraṃ bhāgavataṃ kalau | na tasya punar āvṛttir yāmyāt pāśāt kadācana

Sanskrit only: no published translation is held for this verse.

कथं स वैष्णवो ज्ञेयः शास्त्रं भागवतं कलौ । गृहे न तिष्ठते यस्य स विप्रः श्वपचाधमः

kathaṃ sa vaiṣṇavo jñeyaḥ śāstraṃ bhāgavataṃ kalau | gṛhe na tiṣṭhate yasya sa vipraḥ śvapacādhamaḥ

Sanskrit only: no published translation is held for this verse.

यत्र यत्र भवेद् विप्र शास्त्रं भागवतं कलौ । तत्र तत्र हरिर् याति त्रिदशैः सह नारद

yatra yatra bhaved vipra śāstraṃ bhāgavataṃ kalau | tatra tatra harir yāti tridaśaiḥ saha nārada

Sanskrit only: no published translation is held for this verse.

तत्र सर्वाणि तीर्थानि नदीनद-सरांसि च । यत्र भागवतं शास्त्रं तिष्ठते मुनि-सत्तम

tatra sarvāṇi tīrthāni nadīnada-sarāṃsi ca | yatra bhāgavataṃ śāstraṃ tiṣṭhate muni-sattama

Sanskrit only: no published translation is held for this verse.

तत्र सर्वाणि तीर्थानि सर्वे यज्ञाः सुदक्षिणाः । यत्र भागवतं शास्त्रं पूजितं तिष्ठते गृहे

tatra sarvāṇi tīrthāni sarve yajñāḥ sudakṣiṇāḥ | yatra bhāgavataṃ śāstraṃ pūjitaṃ tiṣṭhate gṛhe

Sanskrit only: no published translation is held for this verse.

किं च - नित्यं भागवतं यस् तु पुराणं पठते नरः । प्रत्यक्षरं भवेत् तस्य कपिला-दानजं फलम्

kiṃ ca - nityaṃ bhāgavataṃ yas tu purāṇaṃ paṭhate naraḥ | pratyakṣaraṃ bhavet tasya kapilā-dānajaṃ phalam

Sanskrit only: no published translation is held for this verse.

श्लोकार्धं श्लोक-पादं वा नित्यं भागवतोद्भवम् । पठेत् शृणोति वा भक्त्या गो-सहस्रं फलं लभेत्

ślokārdhaṃ śloka-pādaṃ vā nityaṃ bhāgavatodbhavam | paṭhet śṛṇoti vā bhaktyā go-sahasraṃ phalaṃ labhet

Sanskrit only: no published translation is held for this verse.

यः पठेत् प्रयतो नित्यं श्लोकं भागवतं मुने । अष्टादश-पुराणानां फलं प्राप्नोति मानवः

yaḥ paṭhet prayato nityaṃ ślokaṃ bhāgavataṃ mune | aṣṭādaśa-purāṇānāṃ phalaṃ prāpnoti mānavaḥ

Sanskrit only: no published translation is held for this verse.

तत्रैव मार्कण्डेय-भगीरथ-संवादे - यो हि भागवते शास्त्रे विघ्नम् आचरते पुमान् । नाभिनन्दति दुष्टात्मा कुलानां पातयेच् छतम्

tatraiva mārkaṇḍeya-bhagīratha-saṃvāde - yo hi bhāgavate śāstre vighnam ācarate pumān | nābhinandati duṣṭātmā kulānāṃ pātayec chatam

Sanskrit only: no published translation is held for this verse.

पाद्मे गौतमाम्बरीष-संवादे - अम्बरीष शुक-प्रोक्तं नित्यं भागवतं शृणु । पठस्व स्व-मुखेनापि यदीच्छसि भव-क्षयम्

pādme gautamāmbarīṣa-saṃvāde - ambarīṣa śuka-proktaṃ nityaṃ bhāgavataṃ śṛṇu | paṭhasva sva-mukhenāpi yadīcchasi bhava-kṣayam

Sanskrit only: no published translation is held for this verse.

श्लोकं भागवतं वापि श्लोकर्ध-पादम् एव वा । लिखितं तिष्ठते यस्य गृहे तस्य सदा हरिः । वसते नात्र सन्देहो देव-देवो जनार्दनः

ślokaṃ bhāgavataṃ vāpi ślokardha-pādam eva vā | likhitaṃ tiṣṭhate yasya gṛhe tasya sadā hariḥ | vasate nātra sandeho deva-devo janārdanaḥ

Sanskrit only: no published translation is held for this verse.

द्वारका-माहात्म्ये श्री-मार्कण्डेयेन्द्रद्युम्न-संवादे - श्रीमद्-भागवतं शास्त्रं पठते कृष्ण-सन्निधौ । कुल-कोटि-शतैर् युक्तः क्रीडते योगिभिः सह

dvārakā-māhātmye śrī-mārkaṇḍeyendradyumna-saṃvāde - śrīmad-bhāgavataṃ śāstraṃ paṭhate kṛṣṇa-sannidhau | kula-koṭi-śatair yuktaḥ krīḍate yogibhiḥ saha

Sanskrit only: no published translation is held for this verse.

गारुडे-- अर्थो ऽयं ब्रह्म-सूत्राणां भारतार्थ-विनिर्णयः । गायत्री-भाष्य-रूपो ऽसौ वेदार्थ-परिबृंहितः

gāruḍe-- artho 'yaṃ brahma-sūtrāṇāṃ bhāratārtha-vinirṇayaḥ | gāyatrī-bhāṣya-rūpo 'sau vedārtha-paribṛṃhitaḥ

Sanskrit only: no published translation is held for this verse.

पुराणानां साम-रूपः साक्षाद्-भगवतोदितः । द्वादश-स्कन्ध-युक्तो ऽयं शतविच्-छेद-संयुतः । ग्रन्थो ऽष्टादश-साहस्रः श्रीमद्-भागवताभिधः

purāṇānāṃ sāma-rūpaḥ sākṣād-bhagavatoditaḥ | dvādaśa-skandha-yukto 'yaṃ śatavic-cheda-saṃyutaḥ | grantho 'ṣṭādaśa-sāhasraḥ śrīmad-bhāgavatābhidhaḥ

Sanskrit only: no published translation is held for this verse.

तस्मिन्न् एव श्री-भागवते प्रथम-स्कन्धे [भ्प् १।१।२, १।३।४०-४१] धर्मः प्रोज्झित-कैतवो ऽत्र परमो निर्मत्सराणां सतां वेद्यं वास्तवम् अत्र वस्तु शिवदं ताप-त्रयोन्मूलनम् । श्रीमद्-भागवते महा-मुनि-कृते किं वा परैर् ईश्वरः सद्यो हृद्य् अवरुध्यते ऽत्र कृतिभिः शुश्रूषुभिस् तत्-क्षणात्

tasminn eva śrī-bhāgavate prathama-skandhe [BhP 1.1.2, 1.3.40-41] dharmaḥ projjhita-kaitavo 'tra paramo nirmatsarāṇāṃ satāṃ vedyaṃ vāstavam atra vastu śivadaṃ tāpa-trayonmūlanam | śrīmad-bhāgavate mahā-muni-kṛte kiṃ vā parair īśvaraḥ sadyo hṛdy avarudhyate 'tra kṛtibhiḥ śuśrūṣubhis tat-kṣaṇāt

Sanskrit only: no published translation is held for this verse.

इदं भागवतं नाम पुराणं ब्रह्म-सम्मितम् । उत्तम-श्लोक-चरितं चकार भगवान् ऋषिः

idaṃ bhāgavataṃ nāma purāṇaṃ brahma-sammitam | uttama-śloka-caritaṃ cakāra bhagavān ṛṣiḥ

Sanskrit only: no published translation is held for this verse.

निःश्रेयसाय लोकस्य धन्यं स्वस्त्य्-अयनं महत् । तद् इदं ग्राहयाम् आससुतम् आत्मवतां वरम् । सर्व-वेदेतिहासानां सारं सारं समुद्धृतम्

niḥśreyasāya lokasya dhanyaṃ svasty-ayanaṃ mahat | tad idaṃ grāhayām āsasutam ātmavatāṃ varam | sarva-vedetihāsānāṃ sāraṃ sāraṃ samuddhṛtam

Sanskrit only: no published translation is held for this verse.

किं च [भ्प् १।३।४३] - कृष्णे स्व-धामोपगते धर्म-ज्ञानादिभिः सह । कलौ नष्ट-दृशाम् एष पुराणार्को ऽधुनोदितः

kiṃ ca [BhP 1.3.43] - kṛṣṇe sva-dhāmopagate dharma-jñānādibhiḥ saha | kalau naṣṭa-dṛśām eṣa purāṇārko 'dhunoditaḥ

Sanskrit only: no published translation is held for this verse.

किं च [भ्प् १।७।६-७] अनर्थोपशमं साक्षाद् भक्ति-योगम् अधोक्षजे । लोकस्याजानतो विद्वांश् चक्रे सात्वत-संहिताम्

kiṃ ca [BhP 1.7.6-7] anarthopaśamaṃ sākṣād bhakti-yogam adhokṣaje | lokasyājānato vidvāṃś cakre sātvata-saṃhitām

Sanskrit only: no published translation is held for this verse.

यस्यां वै श्रूयमाणायां कृष्णे परम-पूरुषे । भक्तिर् उत्पद्यते पुंसः शोक-मोह-भयापहा

yasyāṃ vai śrūyamāṇāyāṃ kṛṣṇe parama-pūruṣe | bhaktir utpadyate puṃsaḥ śoka-moha-bhayāpahā

Sanskrit only: no published translation is held for this verse.

द्वितीये श्री-शुकोक्तौ [भ्प् २।१।९-१०] -- परिनिष्ठितो ऽपि नैर्गुण्य उत्तम-श्लोक-लीलया । गृहीत-चेता राजर्षे आख्यानं यद् अधीतवान्

dvitīye śrī-śukoktau [BhP 2.1.9-10] -- pariniṣṭhito 'pi nairguṇya uttama-śloka-līlayā | gṛhīta-cetā rājarṣe ākhyānaṃ yad adhītavān

Sanskrit only: no published translation is held for this verse.

राजन्ते तावद् अन्यानि पुराणानि सतां गणे । यावद् भागवतं नैव श्रूयते ऽमृत-सागरम्

rājante tāvad anyāni purāṇāni satāṃ gaṇe | yāvad bhāgavataṃ naiva śrūyate 'mṛta-sāgaram

Sanskrit only: no published translation is held for this verse.

द्वादशे च [भ्प् १२।१३।१४, १६, १८] - राजन्ते तावद् अन्यानि पुराणानि सतां गणे । यावद् भागवतं नैव श्रूयतेऽमृत-सागरः

dvādaśe ca [BhP 12.13.14, 16, 18] - rājante tāvad anyāni purāṇāni satāṃ gaṇe | yāvad bhāgavataṃ naiva śrūyate'mṛta-sāgaraḥ

Sanskrit only: no published translation is held for this verse.

सर्व-वेदान्त-सारं हि श्री-भागवतम् इष्यते । तद्-रसामृत-तृप्तस्य नान्यत्र स्याद् रतिः क्वचित्

sarva-vedānta-sāraṃ hi śrī-bhāgavatam iṣyate | tad-rasāmṛta-tṛptasya nānyatra syād ratiḥ kvacit

Sanskrit only: no published translation is held for this verse.

निम्न-गानां यथा गङ्गा देवानाम् अच्युतो यथा । वैष्णवानां यथा शम्भुः पुराणानाम् इदं तथा

nimna-gānāṃ yathā gaṅgā devānām acyuto yathā | vaiṣṇavānāṃ yathā śambhuḥ purāṇānām idaṃ tathā

Sanskrit only: no published translation is held for this verse.

श्रीमद्-भागवतं पुराणम् अमलं यद् वैष्णवानां प्रियं यस्मिन् पारमहंस्यम् एकम् अमलं ज्ञानं परं गीयते । तत्र ज्ञान-विराग-भक्ति-सहितं नैष्कर्म्यम् आविष्कृतं तच् छृण्वन् सु-पठन् विचारण-परो भक्त्या विमुच्येन् नरः

śrīmad-bhāgavataṃ purāṇam amalaṃ yad vaiṣṇavānāṃ priyaṃ yasmin pāramahaṃsyam ekam amalaṃ jñānaṃ paraṃ gīyate | tatra jñāna-virāga-bhakti-sahitaṃ naiṣkarmyam āviṣkṛtaṃ tac chṛṇvan su-paṭhan vicāraṇa-paro bhaktyā vimucyen naraḥ

Sanskrit only: no published translation is held for this verse.

अतएवोक्तं [भ्प् १।१।३] -- निगम-कल्प-तरोर् गलितं फलं शुक-मुखाद् अमृत-द्रव-संयुतम् । पिबत भागवतं रसम् आलयं मुहुर् अहो रसिका भुवि भावुकाः

ataevoktaṃ [BhP 1.1.3] -- nigama-kalpa-taror galitaṃ phalaṃ śuka-mukhād amṛta-drava-saṃyutam | pibata bhāgavataṃ rasam ālayaṃ muhur aho rasikā bhuvi bhāvukāḥ

Sanskrit only: no published translation is held for this verse.

किं च [भ्प् १।२।३] - यः स्वानुभावम् अखिल-श्रुति-सारम् एकम् अध्यात्म-दीपम् अतितितीर्षतां तमो ऽन्धम् । संसारिणां करुणयाह पुराण-गुह्यं तं व्यास-सूनुम् उपयामि गुरुं मुनीनाम्

kiṃ ca [BhP 1.2.3] - yaḥ svānubhāvam akhila-śruti-sāram ekam adhyātma-dīpam atititīrṣatāṃ tamo 'ndham | saṃsāriṇāṃ karuṇayāha purāṇa-guhyaṃ taṃ vyāsa-sūnum upayāmi guruṃ munīnām

Sanskrit only: no published translation is held for this verse.

अथ श्री-भगवच्-छास्त्र-वक्तृ-माहात्म्यम् भगवद्-धर्म-वक्तारं भगवच्-छास्त्र-वाचकम् । वैष्णवं गुरुवद् भक्त्या पूजयेज् ज्ञान-दायकम्

atha śrī-bhagavac-chāstra-vaktṛ-māhātmyam bhagavad-dharma-vaktāraṃ bhagavac-chāstra-vācakam | vaiṣṇavaṃ guruvad bhaktyā pūjayej jñāna-dāyakam

Sanskrit only: no published translation is held for this verse.

नारद-पञ्चरात्रे ऋषीन् प्रति श्री-शाण्डिल्योक्तौ -- वैष्णवं ज्ञान-वक्तारं यो विद्याद् विष्णुवद् गुरुम् । पूजयेद् वाङ्-मनः-कायैः स शास्त्रज्ञः स वैष्णवः

nārada-pañcarātre ṛṣīn prati śrī-śāṇḍilyoktau -- vaiṣṇavaṃ jñāna-vaktāraṃ yo vidyād viṣṇuvad gurum | pūjayed vāṅ-manaḥ-kāyaiḥ sa śāstrajñaḥ sa vaiṣṇavaḥ

Sanskrit only: no published translation is held for this verse.

श्लोक-पादस्य वक्तापि यः पूज्यः स सदैव हि । किं पुनर् भगवद्-विष्णोः स्वरूपं वितनोति यः

śloka-pādasya vaktāpi yaḥ pūjyaḥ sa sadaiva hi | kiṃ punar bhagavad-viṣṇoḥ svarūpaṃ vitanoti yaḥ

Sanskrit only: no published translation is held for this verse.

किं च -- नारायणः परं ब्रह्म तज्-ज्ञानेनाथ गम्यते । ज्ञानस्य साधनं शास्त्रं शास्त्रं च गुरु-वक्तृगम्

kiṃ ca -- nārāyaṇaḥ paraṃ brahma taj-jñānenātha gamyate | jñānasya sādhanaṃ śāstraṃ śāstraṃ ca guru-vaktṛgam

Sanskrit only: no published translation is held for this verse.

ब्रह्म प्राप्तिर् अतो हेतोर् गुर्व्-अधीना सदैव हि । हेतुनानेन वै विप्रा गुरुर् गुरुतरः स्मृतः

brahma prāptir ato hetor gurv-adhīnā sadaiva hi | hetunānena vai viprā gurur gurutaraḥ smṛtaḥ

Sanskrit only: no published translation is held for this verse.

यस्माद् देवो जगन्नाथः कृत्वा मर्यमयीं तनुम् । मग्नान् उद्धरते लोकान् कारुण्याच् छास्त्र-पाणिना

yasmād devo jagannāthaḥ kṛtvā maryamayīṃ tanum | magnān uddharate lokān kāruṇyāc chāstra-pāṇinā

Sanskrit only: no published translation is held for this verse.

तस्माद् भक्तिर् गुरौ कार्या संसार-भय-भीरुणा । शास्त्र-ज्ञानेन यो ऽज्ञानं तिमिरं विनिपातयेत्

tasmād bhaktir gurau kāryā saṃsāra-bhaya-bhīruṇā | śāstra-jñānena yo 'jñānaṃ timiraṃ vinipātayet

Sanskrit only: no published translation is held for this verse.

शास्त्रं पाप-हरं पुण्यं पवित्रं भोग-मोक्षदम् । शान्तिदं च महार्थं च वक्ति यः स जगद्-गुरुः

śāstraṃ pāpa-haraṃ puṇyaṃ pavitraṃ bhoga-mokṣadam | śāntidaṃ ca mahārthaṃ ca vakti yaḥ sa jagad-guruḥ

Sanskrit only: no published translation is held for this verse.

अथ श्री-कृष्ण-लीला-कथा-श्रवण-माहात्म्यम् तत्र पापादि-शोधकत्वम् स्कान्दे ब्रह्म-नारद-संवादे - तेषां क्षीणं महत् पापं वर्ष-कोटि-शतोद्भवम् । विप्रेन्द्र नास्ति सन्देहो ये शृण्वन्ति हरेः कथाम्

atha śrī-kṛṣṇa-līlā-kathā-śravaṇa-māhātmyam tatra pāpādi-śodhakatvam skānde brahma-nārada-saṃvāde - teṣāṃ kṣīṇaṃ mahat pāpaṃ varṣa-koṭi-śatodbhavam | viprendra nāsti sandeho ye śṛṇvanti hareḥ kathām

Sanskrit only: no published translation is held for this verse.

तत्रैवान्यत्र - सर्वाश्रमाभिगमनं सर्व-तीर्थावगाहनम् । न तथा पारणं नॄणां नारायण-कथा यथा

tatraivānyatra - sarvāśramābhigamanaṃ sarva-tīrthāvagāhanam | na tathā pāraṇaṃ nṝṇāṃ nārāyaṇa-kathā yathā

Sanskrit only: no published translation is held for this verse.

बृहन्-नारदीये [१।३९।२] यज्ञध्वजोपाख्यानान्ते - अहो हरि-कथा लोके पाप-घ्नी पुण्य-दायिनी । शृण्वतां वदतां चैव तद्-भक्तानां विशेषतः

bṛhan-nāradīye [1.39.2] yajñadhvajopākhyānānte - aho hari-kathā loke pāpa-ghnī puṇya-dāyinī | śṛṇvatāṃ vadatāṃ caiva tad-bhaktānāṃ viśeṣataḥ

Sanskrit only: no published translation is held for this verse.

प्रथम-स्कन्धे [भ्प् १।२।१७] -- शृण्वतां स्व-कथाः कृष्णः पुण्य-श्रवण-कीर्तनः । हृद्य् अन्तःस्थो ह्य् अभद्राणि विधुनोति सुहृत्-सताम्

prathama-skandhe [BhP 1.2.17] -- śṛṇvatāṃ sva-kathāḥ kṛṣṇaḥ puṇya-śravaṇa-kīrtanaḥ | hṛdy antaḥstho hy abhadrāṇi vidhunoti suhṛt-satām

Sanskrit only: no published translation is held for this verse.

एकादशे च देव-स्तुतौ [भ्प् ११।६।९] -- शुद्धिर् नृणां न तु तथेड्य दुराशयानां विद्या-श्रुताध्ययन-दान-तपः-क्रियाभिः । सत्त्वात्मनाम् ऋषभ ते यशसि प्रवृद्ध- सच्-छ्रद्धया श्रवण-सम्भृतया यथा स्यात्

ekādaśe ca deva-stutau [BhP 11.6.9] -- śuddhir nṛṇāṃ na tu tatheḍya durāśayānāṃ vidyā-śrutādhyayana-dāna-tapaḥ-kriyābhiḥ | sattvātmanām ṛṣabha te yaśasi pravṛddha- sac-chraddhayā śravaṇa-sambhṛtayā yathā syāt

Sanskrit only: no published translation is held for this verse.

दशमे [भ्प् १०।१।१३] श्री-बादरायणिं प्रति श्री-परीक्षिद्-उक्तौ -- नैषातिदुःसहा क्षुन् मां त्यक्तोदम् अपि बाधते । पिबन्तं त्वन्-मुखाम्भोज- च्युतं हरि-कथामृतम्

daśame [BhP 10.1.13] śrī-bādarāyaṇiṃ prati śrī-parīkṣid-uktau -- naiṣātiduḥsahā kṣun māṃ tyaktodam api bādhate | pibantaṃ tvan-mukhāmbhoja- cyutaṃ hari-kathāmṛtam

Sanskrit only: no published translation is held for this verse.

स्कान्दे च तत्रैव - श्री-प्रदं विष्णु-चरितं सर्वोपद्रव-नाशनम् । सर्व-दुःखोपशमनं दुष्ट-ग्रह-निवारणम्

skānde ca tatraiva - śrī-pradaṃ viṣṇu-caritaṃ sarvopadrava-nāśanam | sarva-duḥkhopaśamanaṃ duṣṭa-graha-nivāraṇam

Sanskrit only: no published translation is held for this verse.

अथ प्रकर्षेण सर्व-मङ्गल-कारित्वम् तत्रैव - श्रोतव्यं साधु-चरितं यशो-धर्म-जयार्थिभिः । पाप-क्षयार्थं देवर्षे स्वर्गार्थं धर्म-बुद्धिभिः

atha prakarṣeṇa sarva-maṅgala-kāritvam tatraiva - śrotavyaṃ sādhu-caritaṃ yaśo-dharma-jayārthibhiḥ | pāpa-kṣayārthaṃ devarṣe svargārthaṃ dharma-buddhibhiḥ

Sanskrit only: no published translation is held for this verse.

आयुष्यामारोग्यकरं यशस्यं पुण्य-वर्धनम् । चरितं वैष्णवं नित्यं श्रोतव्यं साधु-बुद्धिना

āyuṣyāmārogyakaraṃ yaśasyaṃ puṇya-vardhanam | caritaṃ vaiṣṇavaṃ nityaṃ śrotavyaṃ sādhu-buddhinā

Sanskrit only: no published translation is held for this verse.

कुटुम्ब-वृद्धिं विजयं शत्रु-नाशं बलम् । करोति विष्णु-चरितं सर्व-काल-फल-प्रदम्

kuṭumba-vṛddhiṃ vijayaṃ śatru-nāśaṃ balam | karoti viṣṇu-caritaṃ sarva-kāla-phala-pradam

Sanskrit only: no published translation is held for this verse.

प्रथम-स्कन्धे [भ्प् १।२।८] -- धर्मः स्वनुष्ठितः पुंसां विष्वक्सेन-कथासु यः । नोत्पादयेद् यदि रतिं श्रम एव हि केवलम्

prathama-skandhe [BhP 1.2.8] -- dharmaḥ svanuṣṭhitaḥ puṃsāṃ viṣvaksena-kathāsu yaḥ | notpādayed yadi ratiṃ śrama eva hi kevalam

Sanskrit only: no published translation is held for this verse.

तृतीये श्री-विदुर-मैत्रेय-संवादे [भ्प् ३।६।३७] -- एकान्त-लाभं वचसो नु पुंसां सुश्लोक-मौलेर् गुण-वादम् आहुः । श्रुतेश् च विद्वद्भिर् उपाकृतायां कथा-सुधायाम् उपसम्प्रयोगम्

tṛtīye śrī-vidura-maitreya-saṃvāde [BhP 3.6.37] -- ekānta-lābhaṃ vacaso nu puṃsāṃ suśloka-mauler guṇa-vādam āhuḥ | śruteś ca vidvadbhir upākṛtāyāṃ kathā-sudhāyām upasamprayogam

Sanskrit only: no published translation is held for this verse.

द्वितीये श्री-शौनकोक्तौ [भ्प् २।३।१७] आयुर् हरति वै पुंसाम् उद्यन्न् अस्तं च यन्न् असौ । तस्यर्ते यत्-क्षणो नीत उत्तम-श्लोक-वार्तया

dvitīye śrī-śaunakoktau [BhP 2.3.17] āyur harati vai puṃsām udyann astaṃ ca yann asau | tasyarte yat-kṣaṇo nīta uttama-śloka-vārtayā

Sanskrit only: no published translation is held for this verse.

तृतीये श्री-विदुरोक्तौ [भ्प् ३।५।१३] सा श्रद्दधानस्य विवर्धमाना विरक्तिम् अन्यत्र करोति पुंसः । हरेः पदानुस्मृति-निर्वृतस्य समस्त-दुःखाप्ययम् आशु धत्ते

tṛtīye śrī-viduroktau [BhP 3.5.13] sā śraddadhānasya vivardhamānā viraktim anyatra karoti puṃsaḥ | hareḥ padānusmṛti-nirvṛtasya samasta-duḥkhāpyayam āśu dhatte

Sanskrit only: no published translation is held for this verse.

चतुर्थे श्री-पृथु-चरितान्ते श्री-मैत्रेयोक्तौ [भ्प् ४।२३।१२] छिन्नान्य-धीर् अधिगतात्म-गतिर् निरीहस् तत् तत्यजे ञ्च्छिनद् इदं वयुनेन येन । तावन् न योग-गतिभिर् यतिर् अप्रमत्तो यावद् गदाग्रज-कथासु रतिं न कुर्यात्

caturthe śrī-pṛthu-caritānte śrī-maitreyoktau [BhP 4.23.12] chinnānya-dhīr adhigatātma-gatir nirīhas tat tatyaje ñcchinad idaṃ vayunena yena | tāvan na yoga-gatibhir yatir apramatto yāvad gadāgraja-kathāsu ratiṃ na kuryāt

Sanskrit only: no published translation is held for this verse.

एकादशे च श्री-भगवन्तं प्रत्य् उद्धव-वाक्ये [भ्प् ११।६।४४] -- तव विक्रीडितं कृष्ण नृणां परम-मङ्गलम् । कर्ण-पीयूषम् आसाद्य त्यजन्त्य् अन्य-स्पृहां जनाः

ekādaśe ca śrī-bhagavantaṃ praty uddhava-vākye [BhP 11.6.44] -- tava vikrīḍitaṃ kṛṣṇa nṛṇāṃ parama-maṅgalam | karṇa-pīyūṣam āsādya tyajanty anya-spṛhāṃ janāḥ

Sanskrit only: no published translation is held for this verse.

चतुर्थे प्रचेतसः प्रति श्री-भगवद्-उक्तौ [भ्प् ४।३०।१९] -- गृहेष्व् आविशतां चापि पुंसां कुशल-कर्मणाम् । मद्-वार्ता-यात-यामानां न बन्धाय गृहा मताः

caturthe pracetasaḥ prati śrī-bhagavad-uktau [BhP 4.30.19] -- gṛheṣv āviśatāṃ cāpi puṃsāṃ kuśala-karmaṇām | mad-vārtā-yāta-yāmānāṃ na bandhāya gṛhā matāḥ

Sanskrit only: no published translation is held for this verse.

स्कान्दे तत्रैव - धर्मार्थ-काम-मोक्षाणां यद् इष्टं च नॄणाम् इह । तत् सर्वं लभते वत्स कथां श्रुत्वा हरेः सदा

skānde tatraiva - dharmārtha-kāma-mokṣāṇāṃ yad iṣṭaṃ ca nṝṇām iha | tat sarvaṃ labhate vatsa kathāṃ śrutvā hareḥ sadā

Sanskrit only: no published translation is held for this verse.

द्वादशे च श्री-शुकोक्तौ [भ्प् १२।४।४०]-- संसार-सिन्धुम् अति-दुस्तरम् उत्तितीर्षोर् नान्यः प्लवो भगवतो पुरुषोत्तमस्य । लीला-कथा-रस-निषेवनम् अन्तरेण पुंसो भवेद् विविध-दुःख-दवार्दितस्य

dvādaśe ca śrī-śukoktau [BhP 12.4.40]-- saṃsāra-sindhum ati-dustaram uttitīrṣor nānyaḥ plavo bhagavato puruṣottamasya | līlā-kathā-rasa-niṣevanam antareṇa puṃso bhaved vividha-duḥkha-davārditasya

Sanskrit only: no published translation is held for this verse.

द्वारका-माहात्म्ये - नित्यं कृष्ण-कथा यस्य प्राणाद् अपि गरीयसी । न तस्य दुर्लभं किञ्चिद् इह लोके परत्र च

dvārakā-māhātmye - nityaṃ kṛṣṇa-kathā yasya prāṇād api garīyasī | na tasya durlabhaṃ kiñcid iha loke paratra ca

Sanskrit only: no published translation is held for this verse.

द्वितीय-स्कन्धे [भ्प् २।३।१२] ज्ञानं यद् आप्रतिनिवृत्त-गुणोर्मि-चक्रम् आत्म-प्रसाद उत यत्र गुणेष्व् असङ्गः । कैवल्य-सम्मत-पथस् त्व् अथ भक्ति-योगः को निर्वृतो हरि-कथासु रतिं न कुर्यात्

dvitīya-skandhe [BhP 2.3.12] jñānaṃ yad āpratinivṛtta-guṇormi-cakram ātma-prasāda uta yatra guṇeṣv asaṅgaḥ | kaivalya-sammata-pathas tv atha bhakti-yogaḥ ko nirvṛto hari-kathāsu ratiṃ na kuryāt

Sanskrit only: no published translation is held for this verse.

दशम-स्कन्धे श्रुति-स्तुतौ [भ्प् १०।८७।२१] -- दुरवगमात्म-तत्त्व-निगमाय तवात्त-तनोश् चरित-महामृताब्धि-परिवर्त-परिश्रमणाः । न परिलषन्ति केचिद् अपवर्गम् अपीश्वर ते चरण-सरोज-हंस-कुल-सङ्ग-विसृष्ट-गृहाः

daśama-skandhe śruti-stutau [BhP 10.87.21] -- duravagamātma-tattva-nigamāya tavātta-tanoś carita-mahāmṛtābdhi-parivarta-pariśramaṇāḥ | na parilaṣanti kecid apavargam apīśvara te caraṇa-saroja-haṃsa-kula-saṅga-visṛṣṭa-gṛhāḥ

Sanskrit only: no published translation is held for this verse.

तृतीय-स्कन्धे श्री-कपिल-देवहूति-संवादे [भ्प् ३।२५।३४] -- नैकात्मतां मे स्पृहयन्ति केचिन् मत्-पाद-सेवाभिरता मद्-ईहाः । ये ऽन्योन्यतो भागवताः प्रसज्य सभाजयन्ते मम पौरुषाणि

tṛtīya-skandhe śrī-kapila-devahūti-saṃvāde [BhP 3.25.34] -- naikātmatāṃ me spṛhayanti kecin mat-pāda-sevābhiratā mad-īhāḥ | ye 'nyonyato bhāgavatāḥ prasajya sabhājayante mama pauruṣāṇi

Sanskrit only: no published translation is held for this verse.

द्वितीये श्री-सूतोक्तौ [भ्प् २।२।३७] पिबन्ति ये भगवत आत्मनः सतां कथामृतं श्रवण-पुटेषु सम्भृतम् पुनन्ति ते विषय-विदूषिताशयं व्रजन्ति तच्-चरण-सरोरुहान्तिकम्

dvitīye śrī-sūtoktau [BhP 2.2.37] pibanti ye bhagavata ātmanaḥ satāṃ kathāmṛtaṃ śravaṇa-puṭeṣu sambhṛtam punanti te viṣaya-vidūṣitāśayaṃ vrajanti tac-caraṇa-saroruhāntikam

Sanskrit only: no published translation is held for this verse.

तृतीये कपिल-देव-स्तुतौ [भ्प् ३।५।४५] -- पानेन ते देव कथा-सुधायाः प्रवृद्ध-भक्त्या विशदाशया ये । वैराग्य-सारं प्रतिलभ्य बोधं यथाञ्जसान्वीयुर् अकुण्ठ-धिष्ण्यम्

tṛtīye kapila-deva-stutau [BhP 3.5.45] -- pānena te deva kathā-sudhāyāḥ pravṛddha-bhaktyā viśadāśayā ye | vairāgya-sāraṃ pratilabhya bodhaṃ yathāñjasānvīyur akuṇṭha-dhiṣṇyam

Sanskrit only: no published translation is held for this verse.

स्कान्दे अमृत-सारोद्धारे श्री-यमस्य दूतानुशासने - ये शृण्वन्ति कथां विष्णोर् ये पठन्ति हरेः कथाम् । कलायुतं नावलोक्यं गतास् ते ब्रह्म शाश्वतम्

skānde amṛta-sāroddhāre śrī-yamasya dūtānuśāsane - ye śṛṇvanti kathāṃ viṣṇor ye paṭhanti hareḥ kathām | kalāyutaṃ nāvalokyaṃ gatās te brahma śāśvatam

Sanskrit only: no published translation is held for this verse.

यस्य विष्णु-कथालापैर् नित्यं प्रमुदितं मनः । तस्य न च्यवते लक्ष्मीस् तत्-पदं च करे स्थितम्

yasya viṣṇu-kathālāpair nityaṃ pramuditaṃ manaḥ | tasya na cyavate lakṣmīs tat-padaṃ ca kare sthitam

Sanskrit only: no published translation is held for this verse.

द्वादशे [भ्प् १२।३।१५] -- यत् तूत्तमः-श्लोक-गुणानुवादः सङ्गीयते ऽभीक्ष्णम् अमङ्गल-घ्नः । तम् एव नित्यं शृणुयाद् अभीक्ष्णं कृष्णे ऽमलां भक्तिम् अभीप्समानः

dvādaśe [BhP 12.3.15] -- yat tūttamaḥ-śloka-guṇānuvādaḥ saṅgīyate 'bhīkṣṇam amaṅgala-ghnaḥ | tam eva nityaṃ śṛṇuyād abhīkṣṇaṃ kṛṣṇe 'malāṃ bhaktim abhīpsamānaḥ

Sanskrit only: no published translation is held for this verse.

स्कान्दे - यत्र यत्र मही-पाल वैष्णवी वर्तते कथा । तत्र तत्र हरिर् याति गौर् यथा सुत-वत्सला

skānde - yatra yatra mahī-pāla vaiṣṇavī vartate kathā | tatra tatra harir yāti gaur yathā suta-vatsalā

Sanskrit only: no published translation is held for this verse.

श्री-विष्णु-धर्मे श्री-भगवद्-उक्तौ, स्कान्दे च श्री-भगवद्-अर्जुन-संवादे -- मत्-कथा-वाचकं नित्यं मत्-कथा-श्रवणे रतम् । मत्-कथा-प्रीत-मनसं नाहम् त्यक्ष्यामि तं नरम्

śrī-viṣṇu-dharme śrī-bhagavad-uktau, skānde ca śrī-bhagavad-arjuna-saṃvāde -- mat-kathā-vācakaṃ nityaṃ mat-kathā-śravaṇe ratam | mat-kathā-prīta-manasaṃ nāham tyakṣyāmi taṃ naram

Sanskrit only: no published translation is held for this verse.

दशम-स्कन्धे ब्रह्म-स्तुतौ [भ्प् १०।१४।३] - ज्ञाने प्रयासम् उदपास्य नमन्त एव जीवन्ति सन्-मुखरितां भवदीय-वार्ताम् । स्थाने स्थिताः श्रुति-गतां तनु-वाङ्-मनोभिर् ये प्रायशो ञ्जित जितो ऽप्य् असि तैस् त्रि-लोक्याम्

daśama-skandhe brahma-stutau [BhP 10.14.3] - jñāne prayāsam udapāsya namanta eva jīvanti san-mukharitāṃ bhavadīya-vārtām | sthāne sthitāḥ śruti-gatāṃ tanu-vāṅ-manobhir ye prāyaśo ñjita jito 'py asi tais tri-lokyām

Sanskrit only: no published translation is held for this verse.

तृतीये श्री-सनकादि-स्तुतौ [भ्प् ३।१५।४८] - नात्यन्तिकं विगणयन्त्य् अपि ते प्रसादं किं वान्यद् अर्पित-भयं भ्रुव उन्नयैस् ते । ये ऽङ्ग त्वद्-अङ्घ्रि-शरणा भवतः कथायाः कीर्तन्य-तीर्थ-यशसः कुशला रस-ज्ञाः

tṛtīye śrī-sanakādi-stutau [BhP 3.15.48] - nātyantikaṃ vigaṇayanty api te prasādaṃ kiṃ vānyad arpita-bhayaṃ bhruva unnayais te | ye 'ṅga tvad-aṅghri-śaraṇā bhavataḥ kathāyāḥ kīrtanya-tīrtha-yaśasaḥ kuśalā rasa-jñāḥ

Sanskrit only: no published translation is held for this verse.

चतुर्थे श्री-भगवन्तं प्रति सिद्धानां स्तुतौ [भ्प् ४।७।३५] - अयं त्वत्-कथा-मृष्ट-पीयूष-नद्यां मनो-वारणः क्लेश-दावाग्नि-दग्धः । तृषार्तो ऽवगाढो न सस्मार दावं न निष्क्रामति ब्रह्म-सम्पन्नवन् नः

caturthe śrī-bhagavantaṃ prati siddhānāṃ stutau [BhP 4.7.35] - ayaṃ tvat-kathā-mṛṣṭa-pīyūṣa-nadyāṃ mano-vāraṇaḥ kleśa-dāvāgni-dagdhaḥ | tṛṣārto 'vagāḍho na sasmāra dāvaṃ na niṣkrāmati brahma-sampannavan naḥ

Sanskrit only: no published translation is held for this verse.

अतएवोक्तं प्रथम-स्कन्धे श्री-शौनकादिभिः [भ्प् १।१।१९] - वयं तु न वितृप्याम उत्तम-श्लोक-विक्रमे । यच्-छृण्वतां रस-ज्ञानां स्वादु स्वादु पदे पदे

ataevoktaṃ prathama-skandhe śrī-śaunakādibhiḥ [BhP 1.1.19] - vayaṃ tu na vitṛpyāma uttama-śloka-vikrame | yac-chṛṇvatāṃ rasa-jñānāṃ svādu svādu pade pade

Sanskrit only: no published translation is held for this verse.

किं च [भ्प् १।१८।१४] -- को नाम तृप्येद् रसवित् कथायां महत्तमैकान्त-परायणस्य । नान्तं गुणानाम् अगुणस्य जग्मुर् योगेश्वरा ये भव-पाद्म-मुख्याः

kiṃ ca [BhP 1.18.14] -- ko nāma tṛpyed rasavit kathāyāṃ mahattamaikānta-parāyaṇasya | nāntaṃ guṇānām aguṇasya jagmur yogeśvarā ye bhava-pādma-mukhyāḥ

Sanskrit only: no published translation is held for this verse.

तृतीये श्री-विदुरेण [भ्प् ३।५।७] - क्रीडन् विधत्ते द्विज-गो-सुराणां क्षेमाय कर्माण्य् अवतार-भेदैः । मनो न तृप्यत्य् अपि शृण्वतां नः सुश्लोक-मौलेश् चरितामृतानि

tṛtīye śrī-vidureṇa [BhP 3.5.7] - krīḍan vidhatte dvija-go-surāṇāṃ kṣemāya karmāṇy avatāra-bhedaiḥ | mano na tṛpyaty api śṛṇvatāṃ naḥ suśloka-mauleś caritāmṛtāni

Sanskrit only: no published translation is held for this verse.

दशम-स्कन्धे च श्री-परीक्षिता [भ्प् १०।५२।२०] -- ब्रह्मन् कृष्ण-कथाः पुण्या माध्वीर् लोक-मलापहाः । को नु तृप्येत शृण्वानः श्रुत-ज्ञो नित्य-नूतनः

daśama-skandhe ca śrī-parīkṣitā [BhP 10.52.20] -- brahman kṛṣṇa-kathāḥ puṇyā mādhvīr loka-malāpahāḥ | ko nu tṛpyeta śṛṇvānaḥ śruta-jño nitya-nūtanaḥ

Sanskrit only: no published translation is held for this verse.

अतो हि श्री-पृथु-राजेन प्रार्थितं [भ्प् ४।२०।२४] - न कामये नाथ तद् अप्य् अहं क्वचिन् न यत्र युष्मच्-चरणाम्बुजासवः । महत्तमान्तर्-हृदयान् मुख-च्युतो विधत्स्व कर्णायुतम् एष मे वरः

ato hi śrī-pṛthu-rājena prārthitaṃ [BhP 4.20.24] - na kāmaye nātha tad apy ahaṃ kvacin na yatra yuṣmac-caraṇāmbujāsavaḥ | mahattamāntar-hṛdayān mukha-cyuto vidhatsva karṇāyutam eṣa me varaḥ

Sanskrit only: no published translation is held for this verse.

अतएव निश्चयोक्तं पाद्मे वैशाख-माहात्म्ये [पद्मप् ५।८५।४१] अम्बरीषं प्रति श्री-नारदेन -- नातः परं परम-तोष-विशेष-पोषं पश्यामि पुण्यम् उचितं च परस्परेण । सन्तः प्रसह्य यद् अनन्त-गुणान् अनन्त श्रेयो-निधीन् अधिक-भाव-भुजो भजन्ति

ataeva niścayoktaṃ pādme vaiśākha-māhātmye [PadmaP 5.85.41] ambarīṣaṃ prati śrī-nāradena -- nātaḥ paraṃ parama-toṣa-viśeṣa-poṣaṃ paśyāmi puṇyam ucitaṃ ca paraspareṇa | santaḥ prasahya yad ananta-guṇān ananta śreyo-nidhīn adhika-bhāva-bhujo bhajanti

Sanskrit only: no published translation is held for this verse.

प्रथम-स्कन्धे श्री-सूतेन [भ्प् १।१८।१०] - या याः कथा भगवतः कथनीयोरु-कर्मणः । गुण-कर्माश्रयाः पुम्भिः संसेव्यास् ता बुभूषुभिः

prathama-skandhe śrī-sūtena [BhP 1.18.10] - yā yāḥ kathā bhagavataḥ kathanīyoru-karmaṇaḥ | guṇa-karmāśrayāḥ pumbhiḥ saṃsevyās tā bubhūṣubhiḥ

Sanskrit only: no published translation is held for this verse.

दशम-स्कन्ध-शेषे च श्री-बादरायणिना [भ्प् १०।९०।४९] -- इत्थं परस्य निज-वर्त्म-रिरक्षयात्त- लीला-तनोस् तद्-अनुरूप-विडम्बनानि । कर्माणि कर्म-कषणानि यदूत्तमस्य श्रूयाद् अमुष्य पदयोर् अनुवृत्तिम् इच्छन्

daśama-skandha-śeṣe ca śrī-bādarāyaṇinā [BhP 10.90.49] -- itthaṃ parasya nija-vartma-rirakṣayātta- līlā-tanos tad-anurūpa-viḍambanāni | karmāṇi karma-kaṣaṇāni yadūttamasya śrūyād amuṣya padayor anuvṛttim icchan

Sanskrit only: no published translation is held for this verse.

अथ श्री-भगवत्-कथा-त्यागादि-दोषः अतः कृष्ण-कथायां तु सत्याम् अन्य-कथा-श्रुतिम् । तद् अश्रुतिं च वैमुख्यं तस्यां तृप्तिम् अपि त्यजेत्

atha śrī-bhagavat-kathā-tyāgādi-doṣaḥ ataḥ kṛṣṇa-kathāyāṃ tu satyām anya-kathā-śrutim | tad aśrutiṃ ca vaimukhyaṃ tasyāṃ tṛptim api tyajet

Sanskrit only: no published translation is held for this verse.

तृतीय-स्कन्धे कपिल-देवहूति-संवादे [भ्प् ३।३२।१९] -- नूनं दैवेन विहता ये चाच्युत-कथा-सुधाम् । हित्वा शृण्वन्त्य् असद्-गाथाः पुरीषम् इव विड्-भुजः

tṛtīya-skandhe kapila-devahūti-saṃvāde [BhP 3.32.19] -- nūnaṃ daivena vihatā ye cācyuta-kathā-sudhām | hitvā śṛṇvanty asad-gāthāḥ purīṣam iva viḍ-bhujaḥ

Sanskrit only: no published translation is held for this verse.

तत्रैव श्री-वैकुण्ठ-वर्णने [भ्प् ३।१५।२३] -- यन् न व्रजन्त्य् अघ-भिदो रचनानुवादाच् छृण्वन्ति ये ऽन्य-विषयाः कुकथा मति-घ्नीः । यास् तु श्रुता हत-भगैर् नृभिर् आत्त-सारास् तांस् तान् क्षिपन्त्य् अशरणेषु तमःसु हन्त

tatraiva śrī-vaikuṇṭha-varṇane [BhP 3.15.23] -- yan na vrajanty agha-bhido racanānuvādāc chṛṇvanti ye 'nya-viṣayāḥ kukathā mati-ghnīḥ | yās tu śrutā hata-bhagair nṛbhir ātta-sārās tāṃs tān kṣipanty aśaraṇeṣu tamaḥsu hanta

Sanskrit only: no published translation is held for this verse.

किं च स्कान्दे ब्रह्म-नारद-संवादे - वाच्यमानं तु ये शास्त्रं वैष्णवं पुरुषाधमाः । न शृण्वन्ति मुनि-श्रेष्ठ तेषां स्वामी सदा यमः

kiṃ ca skānde brahma-nārada-saṃvāde - vācyamānaṃ tu ye śāstraṃ vaiṣṇavaṃ puruṣādhamāḥ | na śṛṇvanti muni-śreṣṭha teṣāṃ svāmī sadā yamaḥ

Sanskrit only: no published translation is held for this verse.

न शृण्वन्ति न हृष्यन्ति वैष्णवीं प्राप्य ये कथाम् । धम आयुर् यशो धर्मः सन्तानश् चैव नश्यति

na śṛṇvanti na hṛṣyanti vaiṣṇavīṃ prāpya ye kathām | dhama āyur yaśo dharmaḥ santānaś caiva naśyati

Sanskrit only: no published translation is held for this verse.

न शृणोति हरेर् यस् तु कथां पाप-प्रणाशिनीम् । अचिराद् एव देवर्षे समूलं तु विनश्यति

na śṛṇoti harer yas tu kathāṃ pāpa-praṇāśinīm | acirād eva devarṣe samūlaṃ tu vinaśyati

Sanskrit only: no published translation is held for this verse.

द्वितीय-स्कन्धे श्री-शौनकोक्तौ [भ्प् २।३।२०] -- बिले बतोरुक्रम-विक्रमान् ये न शृण्वतः कर्ण-पुटे नरस्य । जिह्वासती दार्दुरिकेव सूत न चोपगायत्य् उरुगाय-गाथाः

dvitīya-skandhe śrī-śaunakoktau [BhP 2.3.20] -- bile batorukrama-vikramān ye na śṛṇvataḥ karṇa-puṭe narasya | jihvāsatī dārdurikeva sūta na copagāyaty urugāya-gāthāḥ

Sanskrit only: no published translation is held for this verse.

तृतीये श्री-ब्रह्म-स्तुतौ [भ्प् ३।९।७] -- दैवेन ते हत-धियो भवतः प्रसङ्गात् सर्वाशुभोपशमनाद् विमुखेन्द्रिया ये । कुर्वन्ति काम-सुख-लेश-लवाय दीना लोभाभिभूत-मनसो ऽकुशलानि शश्वत्

tṛtīye śrī-brahma-stutau [BhP 3.9.7] -- daivena te hata-dhiyo bhavataḥ prasaṅgāt sarvāśubhopaśamanād vimukhendriyā ye | kurvanti kāma-sukha-leśa-lavāya dīnā lobhābhibhūta-manaso 'kuśalāni śaśvat

Sanskrit only: no published translation is held for this verse.

ताञ् छोच्य-शोच्यान् अविदो ऽनुशोचे हरेः कथायां विमुखान् अघेन । क्षिणोति देवो ऽनिमिषस् तु येषाम् आयुर् वृथा-वाद-गति-स्मृतीनाम्

tāñ chocya-śocyān avido 'nuśoce hareḥ kathāyāṃ vimukhān aghena | kṣiṇoti devo 'nimiṣas tu yeṣām āyur vṛthā-vāda-gati-smṛtīnām

Sanskrit only: no published translation is held for this verse.

श्री-मैत्रेयोक्तौ च [भ्प् ३।१३।५०] -- को नाम लोके पुरुषार्थ-सारवित् पुरा-कथानां भगवत्-कथा-सुधाम् । आपीय कर्णाञ्जलिभिर् भवापहाम् अहो विरज्येत विना नरेतरम्

śrī-maitreyoktau ca [BhP 3.13.50] -- ko nāma loke puruṣārtha-sāravit purā-kathānāṃ bhagavat-kathā-sudhām | āpīya karṇāñjalibhir bhavāpahām aho virajyeta vinā naretaram

Sanskrit only: no published translation is held for this verse.

चतुर्थे श्री-पृथु-स्तुतौ [भ्प् ४।२०।२६] यशः शिवं सुश्रव आर्य-सङ्गमे यदृच्छया चोपशृणोति ते सकृत् । कथं गुण-ज्ञो विरमेद् विना पशुं श्रीर् यत् प्रवव्रे गुण-सङ्ग्रहेच्छया

caturthe śrī-pṛthu-stutau [BhP 4.20.26] yaśaḥ śivaṃ suśrava ārya-saṅgame yadṛcchayā copaśṛṇoti te sakṛt | kathaṃ guṇa-jño viramed vinā paśuṃ śrīr yat pravavre guṇa-saṅgrahecchayā

Sanskrit only: no published translation is held for this verse.

दशमारम्भे श्री-परीक्षित्-प्रश्ने [भ्प् १०।१।४] -- निवृत्त-तर्षैर् उपगीयमानाद् भवौषधाच् छ्रोत्र-मनो-ऽभिरामात् । क उत्तमश्लोक-गुणानुवादात् पुमान् विरज्येत विना पशुघ्नात्

daśamārambhe śrī-parīkṣit-praśne [BhP 10.1.4] -- nivṛtta-tarṣair upagīyamānād bhavauṣadhāc chrotra-mano-'bhirāmāt | ka uttamaśloka-guṇānuvādāt pumān virajyeta vinā paśughnāt

Sanskrit only: no published translation is held for this verse.

अतएवोक्तं देवैः पञ्चम-स्कन्धे [भ्प् ५।१९।२३] - न यत्र वैकुण्ठ-कथा-सुधापगा न साधवो भागवतास् तदाश्रयाः । न यत्र यज्ञेश-मखा महोत्सवाः सुरेश-लोको ऽपि न वै स सेव्यताम् अथ भगवत्-कथासक्तिः अतो निषेव्यमाणां च सर्वथा भगवत्-कथाम् । मुहुस् तद्-रसिकान् पृच्छेन् मिथो मोद-विवृद्धये

ataevoktaṃ devaiḥ pañcama-skandhe [BhP 5.19.23] - na yatra vaikuṇṭha-kathā-sudhāpagā na sādhavo bhāgavatās tadāśrayāḥ | na yatra yajñeśa-makhā mahotsavāḥ sureśa-loko 'pi na vai sa sevyatām atha bhagavat-kathāsaktiḥ ato niṣevyamāṇāṃ ca sarvathā bhagavat-kathām | muhus tad-rasikān pṛcchen mitho moda-vivṛddhaye

Sanskrit only: no published translation is held for this verse.

दशम-स्कन्धे [भ्प् १०।१३।२] -- सताम् अयं सार-भृतां निसर्गो यद्-अर्थ-वाणी-श्रुति-चेतसाम् अपि । प्रति-क्षणं नव्य-वद् अच्युतस्य यत् स्त्रिया विटानाम् इव साधु वार्ता

daśama-skandhe [BhP 10.13.2] -- satām ayaṃ sāra-bhṛtāṃ nisargo yad-artha-vāṇī-śruti-cetasām api | prati-kṣaṇaṃ navya-vad acyutasya yat striyā viṭānām iva sādhu vārtā

Sanskrit only: no published translation is held for this verse.

अतएव तत्रैव [भ्प् १०।८७।११] तुल्य-श्रुत-तपः-शीलास् तुल्य-स्वीयारि-मध्यमाः । अपि चक्रुः प्रवचनम् एकं शुश्रूषवो ऽपरे ॥ ह्भ्व् १०।४७४ ॥ इति । अथ श्री-भगवद्-धर्म-प्रतिपादन-माहात्म्यम् तथा वैष्णव-धर्मांश् च क्रियमानाम् अपि स्वयम् । सम्पृच्छेत् तद्-विदः साधून् अन्योन्य-प्रीति-वृद्धये

ataeva tatraiva [BhP 10.87.11] tulya-śruta-tapaḥ-śīlās tulya-svīyāri-madhyamāḥ | api cakruḥ pravacanam ekaṃ śuśrūṣavo 'pare // Hbhv 10.474 // iti | atha śrī-bhagavad-dharma-pratipādana-māhātmyam tathā vaiṣṇava-dharmāṃś ca kriyamānām api svayam | sampṛcchet tad-vidaḥ sādhūn anyonya-prīti-vṛddhaye

Sanskrit only: no published translation is held for this verse.

श्रद्धया भगवद्-धर्मान् वैष्णवायानुपृच्छते । अवश्यं कथयेद् विद्वान् अन्यथा दोष-भाग् भवेत्

śraddhayā bhagavad-dharmān vaiṣṇavāyānupṛcchate | avaśyaṃ kathayed vidvān anyathā doṣa-bhāg bhavet

Sanskrit only: no published translation is held for this verse.

तद् उक्तम्- नाख्याति वैष्णवं धर्मं विष्णु-भक्तस्य पृच्छतः । कलौ भागवतो भूत्वा पुण्यं याति शताब्दिकम्

tad uktam- nākhyāti vaiṣṇavaṃ dharmaṃ viṣṇu-bhaktasya pṛcchataḥ | kalau bhāgavato bhūtvā puṇyaṃ yāti śatābdikam

Sanskrit only: no published translation is held for this verse.

स्कान्दे ब्रह्म-नारद-संवादे- वैष्णवे वैष्णवं धर्मं यो ददाति द्विजोत्तमः । स-सागर-मही-दाने यत् फलं लभतेऽधिकम्

skānde brahma-nārada-saṃvāde- vaiṣṇave vaiṣṇavaṃ dharmaṃ yo dadāti dvijottamaḥ | sa-sāgara-mahī-dāne yat phalaṃ labhate'dhikam

Sanskrit only: no published translation is held for this verse.

किं च तत्रैव -- अज्ञानाय च यो ज्ञानं दद्याद् धर्मोपदेशनम् । कृत्स्नां वा पृथिवीं दद्यात् तेन तुल्यं हि तत् स्मृतम्

kiṃ ca tatraiva -- ajñānāya ca yo jñānaṃ dadyād dharmopadeśanam | kṛtsnāṃ vā pṛthivīṃ dadyāt tena tulyaṃ hi tat smṛtam

Sanskrit only: no published translation is held for this verse.

विष्णु-धर्मोत्तरे [३।३४१।५०] -- तत् कथां श्रावयेद् यस् तु तद्-भक्तान् मानवोत्तमः । गो-दान-फलम् आप्नोति स नरस् तेन कर्मणा

viṣṇu-dharmottare [3.341.50] -- tat kathāṃ śrāvayed yas tu tad-bhaktān mānavottamaḥ | go-dāna-phalam āpnoti sa naras tena karmaṇā

Sanskrit only: no published translation is held for this verse.

पाद्मे देव-दूत-विकुण्डल-संवादे [पद्मप् ३।३१।९७] - ज्ञानम् अज्ञाय यो दद्याद् वेद-शास्त्र-समुद्भवम् । अपि देवास् तम् अर्चन्ति भव-बन्ध-विदारकम्

pādme deva-dūta-vikuṇḍala-saṃvāde [PadmaP 3.31.97] - jñānam ajñāya yo dadyād veda-śāstra-samudbhavam | api devās tam arcanti bhava-bandha-vidārakam

Sanskrit only: no published translation is held for this verse.

बृहन्-नारदीये [नार्प् १।१।६३] सत्-सङ्ग-देवार्चन-सत्-कथासु हितोपदेशे निरतो मनुष्यः । प्रयाति विष्णोः परमं पदं यद् देहावसानेऽच्युत-तुल्य-तेजाः

bṛhan-nāradīye [NārP 1.1.63] sat-saṅga-devārcana-sat-kathāsu hitopadeśe nirato manuṣyaḥ | prayāti viṣṇoḥ paramaṃ padaṃ yad dehāvasāne'cyuta-tulya-tejāḥ

Sanskrit only: no published translation is held for this verse.

अथ भगवद्-धर्माः ते च श्री-भगवद्-धर्मा भगवद्-भक्त-लक्षणैः । व्यञ्जिताः कतिचिन् मुख्या लिख्यन्तेऽत्र परेऽपि ते

atha bhagavad-dharmāḥ te ca śrī-bhagavad-dharmā bhagavad-bhakta-lakṣaṇaiḥ | vyañjitāḥ katicin mukhyā likhyante'tra pare'pi te

Sanskrit only: no published translation is held for this verse.

ते तु यद्यपि विख्याताः श्रीमद्-भागवतादिषु । तथापि यत्नाद् एकत्र सङ्गृह्यन्ते समाधनाः

te tu yadyapi vikhyātāḥ śrīmad-bhāgavatādiṣu | tathāpi yatnād ekatra saṅgṛhyante samādhanāḥ

Sanskrit only: no published translation is held for this verse.