Gopalabhatta: Haribhaktivilasa 11

पाद्मे देवहुति-स्तुतौ- मोहनलोल्लसज्-ज्वाल-ज्वलल्-लोकेषु सर्वदा । यन्-नामाम्भोधर-च्छायां प्रविष्टो नैव दह्यते

pādme devahuti-stutau- mohanalollasaj-jvāla-jvalal-lokeṣu sarvadā | yan-nāmāmbhodhara-cchāyāṃ praviṣṭo naiva dahyate

Sanskrit only: no published translation is held for this verse.

कलि-बधपहरित्वम् स्कान्दे- कलि-कल-कु-सर्पस्य तीक्ष्ण-दंष्ट्रस्य मा भयम् । गोविन्द-नाम-दावेन दग्धो यास्यति भस्मताम्

kali-badhapaharitvam skānde- kali-kala-ku-sarpasya tīkṣṇa-daṃṣṭrasya mā bhayam | govinda-nāma-dāvena dagdho yāsyati bhasmatām

Sanskrit only: no published translation is held for this verse.

बृहन्-नारदीये कलि-धर्म-प्रसङ्गे- हरि-नाम-परा ये च घोरे कलि-युगे नराः । त एव कृत-कृत्याश् च न कलिर् बाधते हि तान्

bṛhan-nāradīye kali-dharma-prasaṅge- hari-nāma-parā ye ca ghore kali-yuge narāḥ | ta eva kṛta-kṛtyāś ca na kalir bādhate hi tān

Sanskrit only: no published translation is held for this verse.

हरे केशव गोविन्द वासुदेव जगन्-मय । इतीरयन्ति ते नित्यं न हि तान् बाधते कलिः

hare keśava govinda vāsudeva jagan-maya | itīrayanti te nityaṃ na hi tān bādhate kaliḥ

Sanskrit only: no published translation is held for this verse.

विष्णु-धर्मोत्तरे- येऽहर्-निशं जगद्-धातुर् वासुदेवस्य कीर्तनम् । कुर्वन्ति तान् नर-व्याघ्र न कलिर् बाधते नरान्

viṣṇu-dharmottare- ye'har-niśaṃ jagad-dhātur vāsudevasya kīrtanam | kurvanti tān nara-vyāghra na kalir bādhate narān

Sanskrit only: no published translation is held for this verse.

नारक्य्-उद्धारकत्वम् नारसिंहे- यथा यथा हरेर् नाम कीर्तयन्ति स्म नारकाः । तथा तथा हरौ भक्तिम् उद्वहन्तो दिवं ययुः

nāraky-uddhārakatvam nārasiṃhe- yathā yathā harer nāma kīrtayanti sma nārakāḥ | tathā tathā harau bhaktim udvahanto divaṃ yayuḥ

Sanskrit only: no published translation is held for this verse.

इतिहासोत्तमे- नरके पच्यमानानां नराणां पाप-कर्मणाम् । मुक्तिः सञ्जायते तस्मान् नाम-सङ्कीर्तनाद् धरेः

itihāsottame- narake pacyamānānāṃ narāṇāṃ pāpa-karmaṇām | muktiḥ sañjāyate tasmān nāma-saṅkīrtanād dhareḥ

Sanskrit only: no published translation is held for this verse.

प्रारब्ध-विनाशित्वम् षष्ठ-स्कन्धे (६।२।४६)- नातः परं कर्म-निबन्ध-कृन्तनं मुमुक्षतां तीर्थ-पदानुकीर्तनात् । न यत् पुनः कर्मसु सज्जते मनो रजस्-तमोभ्यां कलिलं ततो ऽन्यथा

prārabdha-vināśitvam ṣaṣṭha-skandhe (6.2.46)- nātaḥ paraṃ karma-nibandha-kṛntanaṃ mumukṣatāṃ tīrtha-padānukīrtanāt | na yat punaḥ karmasu sajjate mano rajas-tamobhyāṃ kalilaṃ tato 'nyathā

Sanskrit only: no published translation is held for this verse.

द्वादशे (१२।३।४४) च- यन्-नाम-धेयं म्रियमाण आतुरः पतन् स्खलन् वा विवशो गृणन् पुमान् । विमुक्त-कर्मार्गल उत्तमां गतिं प्राप्नोति यक्ष्यन्ति न तं कलौ जनाः

dvādaśe (12.3.44) ca- yan-nāma-dheyaṃ mriyamāṇa āturaḥ patan skhalan vā vivaśo gṛṇan pumān | vimukta-karmārgala uttamāṃ gatiṃ prāpnoti yakṣyanti na taṃ kalau janāḥ

Sanskrit only: no published translation is held for this verse.

उक्त्य कर्म-निबन्धेति तथा कर्मार्गलेति च । अवश्य-भोग्यतापत्तेः प्रारब्धे पर्यवस्यति

uktya karma-nibandheti tathā karmārgaleti ca | avaśya-bhogyatāpatteḥ prārabdhe paryavasyati

Sanskrit only: no published translation is held for this verse.

अत एव बृहन्-नारदीये- गोविन्देति जपन् जन्तुः प्रत्य्-अहं नियतेन्द्रियः । सर्व-पाप-विनिर्मुक्तः सुरवद् भासते नरः

ata eva bṛhan-nāradīye- govindeti japan jantuḥ praty-ahaṃ niyatendriyaḥ | sarva-pāpa-vinirmuktaḥ suravad bhāsate naraḥ

Sanskrit only: no published translation is held for this verse.

सर्वपाराध-भजनत्वम् विष्णु-यामले श्री-भगवद्-उक्तौ- मम नामानि लोकेऽस्मिन् श्रद्धया यस् तु कीर्तयेत् । तस्यापराध-कोटिस् तु क्षमाम्य् एव न संशयः

sarvapārādha-bhajanatvam viṣṇu-yāmale śrī-bhagavad-uktau- mama nāmāni loke'smin śraddhayā yas tu kīrtayet | tasyāparādha-koṭis tu kṣamāmy eva na saṃśayaḥ

Sanskrit only: no published translation is held for this verse.

सर्व-सम्पूर्ति-कारित्वम् अष्टम-स्कन्धे (८।२३।१६) श्री-भगवन्तं प्रति श्री-शुक्रोक्तौ- मन्त्रतस् तन्त्रतश् छिद्रं देश-कालार्ह-वस्तुतः । सर्वं करोति निश्छिद्रम् अनुसङ्कीर्तनं तव

sarva-sampūrti-kāritvam aṣṭama-skandhe (8.23.16) śrī-bhagavantaṃ prati śrī-śukroktau- mantratas tantrataś chidraṃ deśa-kālārha-vastutaḥ | sarvaṃ karoti niśchidram anusaṅkīrtanaṃ tava

Sanskrit only: no published translation is held for this verse.

स्कान्दे च- यस्य स्मृत्या च नामोक्त्या तपो-यज्ञ-क्रियादिषु । न्यूनं सम्पूर्णताम् एति सद्यो वन्दे तम् अच्युतम्

skānde ca- yasya smṛtyā ca nāmoktyā tapo-yajña-kriyādiṣu | nyūnaṃ sampūrṇatām eti sadyo vande tam acyutam

Sanskrit only: no published translation is held for this verse.

सर्व-वेदाधिकत्वम् विष्णु-धर्मोत्तरे श्री-प्रह्लादोक्तौ- र्ग्-वेदो हि यजुर्-वेदः साम-वेदो ऽप्य् अथर्वणः । अधीतस् तेन येनोक्तं हरिर् इत्य् अक्षर-द्वयम्

sarva-vedādhikatvam viṣṇu-dharmottare śrī-prahlādoktau- rg-vedo hi yajur-vedaḥ sāma-vedo 'py atharvaṇaḥ | adhītas tena yenoktaṃ harir ity akṣara-dvayam

Sanskrit only: no published translation is held for this verse.

स्कान्दे श्री-पर्वत्य्-उक्तौ- मा ऋचो मा यजुस् तात मा साम पठ किंचन । गोविन्देति हरेर् नाम गेयं गायस्व नित्यशः

skānde śrī-parvaty-uktau- mā ṛco mā yajus tāta mā sāma paṭha kiṃcana | govindeti harer nāma geyaṃ gāyasva nityaśaḥ

Sanskrit only: no published translation is held for this verse.

पाद्मे च श्री-रामाष्टोत्तर-शत-नाम-स्तोत्रे- विष्णोर् एकैक-नामापि सर्व-वेदाधिकं मतम् । तदृङ्-नाम-सहस्रेण राम-नाम समं स्मृतम्

pādme ca śrī-rāmāṣṭottara-śata-nāma-stotre- viṣṇor ekaika-nāmāpi sarva-vedādhikaṃ matam | tadṛṅ-nāma-sahasreṇa rāma-nāma samaṃ smṛtam

Sanskrit only: no published translation is held for this verse.

सर्व-तीर्थाधिकत्वम् स्कान्दे- कुरुक्षेत्रेण किं तस्य किं कस्य पुस्करेण वा । जिह्वाग्रे वसते यस्य हरिर् इत्य् अक्षर-द्वयम्

sarva-tīrthādhikatvam skānde- kurukṣetreṇa kiṃ tasya kiṃ kasya puskareṇa vā | jihvāgre vasate yasya harir ity akṣara-dvayam

Sanskrit only: no published translation is held for this verse.

वामने- तीर्थ-कोटि-सहस्राणि तीर्थ-कोटि-शतानि च । तनि सर्वाण्य् अवाप्नोति विष्णोर् नामानुकीर्तनात्

vāmane- tīrtha-koṭi-sahasrāṇi tīrtha-koṭi-śatāni ca | tani sarvāṇy avāpnoti viṣṇor nāmānukīrtanāt

Sanskrit only: no published translation is held for this verse.

विश्वामित्र-संहितायाम्- विश्रुताणि बहून्य् एव तीर्थानि बहुधानि च । कोत्य्-अंशेनापि तुल्यानि नाम-कीर्तनतो हरेः

viśvāmitra-saṃhitāyām- viśrutāṇi bahūny eva tīrthāni bahudhāni ca | koty-aṃśenāpi tulyāni nāma-kīrtanato hareḥ

Sanskrit only: no published translation is held for this verse.

लघु-भागवते- किं तत वेदागम-शास्त्र-विस्तरैस् तीर्थैर् अनेकैर् अपि किं प्रयोजनम् । यद्य् आत्मनो वाञ्छसि मुक्ति-कारणं गोविन्द गोविन्द इति स्फुतं रट

laghu-bhāgavate- kiṃ tata vedāgama-śāstra-vistarais tīrthair anekair api kiṃ prayojanam | yady ātmano vāñchasi mukti-kāraṇaṃ govinda govinda iti sphutaṃ raṭa

Sanskrit only: no published translation is held for this verse.

सर्व-सत्-कर्माधिकत्वम् गो-कोटि-दानं ग्रहणे खगस्य प्रयाग-गङ्गोदक-कल्प-वासः । यज्ञायुतं मेरु-सुवर्ण-दानं गोविन्द-कीर्तेर् न समं शतांशैः

sarva-sat-karmādhikatvam go-koṭi-dānaṃ grahaṇe khagasya prayāga-gaṅgodaka-kalpa-vāsaḥ | yajñāyutaṃ meru-suvarṇa-dānaṃ govinda-kīrter na samaṃ śatāṃśaiḥ

Sanskrit only: no published translation is held for this verse.

बौधयन-संहितायाम्- इष्ट-पूर्तानि कर्माणि सु-बहूनि कृतान्य् अपि । भव-हेतूनि तान्य् एव हरेर् नाम तु मुक्तिदम्

baudhayana-saṃhitāyām- iṣṭa-pūrtāni karmāṇi su-bahūni kṛtāny api | bhava-hetūni tāny eva harer nāma tu muktidam

Sanskrit only: no published translation is held for this verse.

गारुडे श्री-शौनकाम्बरीष-संवादे- वाजपेय-सहस्राणां नित्यं फलम् अभीप्ससि । प्रातर् उत्थाय भूपाल कुरु गोविन्द-कीर्तनम्

gāruḍe śrī-śaunakāmbarīṣa-saṃvāde- vājapeya-sahasrāṇāṃ nityaṃ phalam abhīpsasi | prātar utthāya bhūpāla kuru govinda-kīrtanam

Sanskrit only: no published translation is held for this verse.

किं करिष्यति साङ्ख्येन किं योगैर् नर-नायक । मुक्तिम् इच्छसि राजेन्द्र कुरु गोविन्द-कीर्तनम्

kiṃ kariṣyati sāṅkhyena kiṃ yogair nara-nāyaka | muktim icchasi rājendra kuru govinda-kīrtanam

Sanskrit only: no published translation is held for this verse.

तृतीय-स्कन्धे (३।३३।७) श्री-कपिल-देवं प्रति देवहूत्य्-उक्तौ- अहो बत श्वपचो ऽतो गरीयान् यज्-जिह्वाग्रे वर्तते नाम तुभ्यम् । तेपुस् तपस् ते जुहुवुर् सस्नुर् अर्या ब्रह्मानूचुर् नाम गृह्णन्ति ये ते

tṛtīya-skandhe (3.33.7) śrī-kapila-devaṃ prati devahūty-uktau- aho bata śvapaco 'to garīyān yaj-jihvāgre vartate nāma tubhyam | tepus tapas te juhuvur sasnur aryā brahmānūcur nāma gṛhṇanti ye te

Sanskrit only: no published translation is held for this verse.

सर्व-तीर्थ-प्रदत्वं स्कान्दे ब्रह्म-नारद-संवादे चतुर्मास्य-माहात्म्ये- एतत् सद्-वर्ग-हरणं रिपु-निग्रहणं परम् । अध्यात्म-मूलम् एतद् धि विष्णोर् नामानुकीर्तनम्

sarva-tīrtha-pradatvaṃ skānde brahma-nārada-saṃvāde caturmāsya-māhātmye- etat sad-varga-haraṇaṃ ripu-nigrahaṇaṃ param | adhyātma-mūlam etad dhi viṣṇor nāmānukīrtanam

Sanskrit only: no published translation is held for this verse.

विष्णु-धर्मोत्तरे -- हृदि कृत्वा तथा कामम् अभीष्टं द्विज-पुङ्गवः । एकं नाम जपेद् यस् तु शतं कामान् अवाप्नुयात्

viṣṇu-dharmottare -- hṛdi kṛtvā tathā kāmam abhīṣṭaṃ dvija-puṅgavaḥ | ekaṃ nāma japed yas tu śataṃ kāmān avāpnuyāt

Sanskrit only: no published translation is held for this verse.

तत्रैव श्री-कृष्णामृत-स्तोत्रे- सर्व-मङ्गल-मङ्गल्यम् आयुष्यं व्याधि-नाशनम् । भुक्ति-मुक्ति-प्रदं दिव्यं वासुदेवस्य कीर्तनम्

tatraiva śrī-kṛṣṇāmṛta-stotre- sarva-maṅgala-maṅgalyam āyuṣyaṃ vyādhi-nāśanam | bhukti-mukti-pradaṃ divyaṃ vāsudevasya kīrtanam

Sanskrit only: no published translation is held for this verse.

श्री-नारायण-व्यूह-स्तवे- परिहासोपहासाद्यैर् विष्णोर् गृह्णन्ति नाम ते । कृतार्थास् तेऽपि मनुजास् तेभ्यो ऽपीह नमो नमः

śrī-nārāyaṇa-vyūha-stave- parihāsopahāsādyair viṣṇor gṛhṇanti nāma te | kṛtārthās te'pi manujās tebhyo 'pīha namo namaḥ

Sanskrit only: no published translation is held for this verse.

वाराहे च- ते धन्यास् ते कृतार्थाश् च तैर् एव सुकृतं कृतम् । तैर् आप्तं जन्मनः प्राप्यं ये काले कीर्तयन्ति माम्

vārāhe ca- te dhanyās te kṛtārthāś ca tair eva sukṛtaṃ kṛtam | tair āptaṃ janmanaḥ prāpyaṃ ye kāle kīrtayanti mām

Sanskrit only: no published translation is held for this verse.

विशेषतः कलौ- सकृद् उच्चारयन्त्य् एतद् दुर्लभं चाकृतात्मनाम् । कलौ युगे हरेर् नाम ते कृतार्था न संशयः

viśeṣataḥ kalau- sakṛd uccārayanty etad durlabhaṃ cākṛtātmanām | kalau yuge harer nāma te kṛtārthā na saṃśayaḥ

Sanskrit only: no published translation is held for this verse.

एकादश-स्कन्धे (११।५।३६) च- कलिं सभाजयन्त्य् आर्या गुण-जाः सार-भागिनः । यत्र सङ्कीर्तनेनैव सर्वः स्वर्थो ऽभिलभ्यते

ekādaśa-skandhe (11.5.36) ca- kaliṃ sabhājayanty āryā guṇa-jāḥ sāra-bhāginaḥ | yatra saṅkīrtanenaiva sarvaḥ svartho 'bhilabhyate

Sanskrit only: no published translation is held for this verse.

स्कान्दे तत्रैव- तथा चैवोत्तमं लोके तपः श्री-हरि-कीर्तनम् । कलौ युगे विशेषेण विष्णु-प्रीत्यै समाचरेत्

skānde tatraiva- tathā caivottamaṃ loke tapaḥ śrī-hari-kīrtanam | kalau yuge viśeṣeṇa viṣṇu-prītyai samācaret

Sanskrit only: no published translation is held for this verse.

सर्व-शक्तिमत्त्वम् यथा स्कान्दे- दान-व्रत-तपस्-तीर्थ-यात्रादीनां च याः स्थिताः । शक्तयो देव-महतां सर्व-पाप-हराः शुभाः

sarva-śaktimattvam yathā skānde- dāna-vrata-tapas-tīrtha-yātrādīnāṃ ca yāḥ sthitāḥ | śaktayo deva-mahatāṃ sarva-pāpa-harāḥ śubhāḥ

Sanskrit only: no published translation is held for this verse.

राज-सूयाश्वमेधानां ज्ञानस्याध्यात्म-वस्तुनः । आकृष्य हरिणा सर्वाः स्थापिताः स्वेषु नामसु

rāja-sūyāśvamedhānāṃ jñānasyādhyātma-vastunaḥ | ākṛṣya hariṇā sarvāḥ sthāpitāḥ sveṣu nāmasu

Sanskrit only: no published translation is held for this verse.

वातो ऽप्य् अतो हरेर् नाम्न उग्राणाम् अपि दुःसहः । सर्वेषां पाप-राशीनां यथैव तमसां रविः

vāto 'py ato harer nāmna ugrāṇām api duḥsahaḥ | sarveṣāṃ pāpa-rāśīnāṃ yathaiva tamasāṃ raviḥ

Sanskrit only: no published translation is held for this verse.

अतैव ब्रह्माण्डे- सर्वार्थ-शक्ति-युक्तस्य देवदेवस्य चक्रिणः । यच् चाभिरुचितं नाम तत् सर्वार्थेषु योजयेत्

ataiva brahmāṇḍe- sarvārtha-śakti-yuktasya devadevasya cakriṇaḥ | yac cābhirucitaṃ nāma tat sarvārtheṣu yojayet

Sanskrit only: no published translation is held for this verse.

जगद्-आनन्दकत्वम् श्रीमद्-भगवद्-गीतासु [११।३६]- स्थाने हृषीकेश तव प्रकीर्त्या जगत् प्रहृष्यत्य् अनुरज्यते च । रक्षांसि भीतानि दिशो द्रवन्ति सर्वे नमस्यन्ति च सिद्धसंघाः

jagad-ānandakatvam śrīmad-bhagavad-gītāsu [11.36]- sthāne hṛṣīkeśa tava prakīrtyā jagat prahṛṣyaty anurajyate ca | rakṣāṃsi bhītāni diśo dravanti sarve namasyanti ca siddhasaṃghāḥ

Sanskrit only: no published translation is held for this verse.

जगद्-वन्द्यतापादकत्वम् बृहन्-नारदीये- नारायण जगन्नाथ वासुदेव जनार्दन । इतीरयन्ति ये नित्यं ते वै सर्वत्र वन्दिताः

jagad-vandyatāpādakatvam bṛhan-nāradīye- nārāyaṇa jagannātha vāsudeva janārdana | itīrayanti ye nityaṃ te vai sarvatra vanditāḥ

Sanskrit only: no published translation is held for this verse.

श्री-सूतेनोक्तं तत्रैव यज्ञध्वजोपाख्यानान्ते- स्वपन् भुञ्जन् व्रजंस् तिष्ठंश् च वदंस् तथा । ये वदन्ति हरेर् नाम तेभ्यो नित्यं नमो नमः

śrī-sūtenoktaṃ tatraiva yajñadhvajopākhyānānte- svapan bhuñjan vrajaṃs tiṣṭhaṃś ca vadaṃs tathā | ye vadanti harer nāma tebhyo nityaṃ namo namaḥ

Sanskrit only: no published translation is held for this verse.

श्री-नारायण-व्यूह-स्तवे- स्त्री शूद्रः पुक्कशो वापि ये चान्ये पाप-योनयः । कीर्तयन्ति हरिं भक्त्या तेभ्यो ऽपीह नमो नमः

śrī-nārāyaṇa-vyūha-stave- strī śūdraḥ pukkaśo vāpi ye cānye pāpa-yonayaḥ | kīrtayanti hariṃ bhaktyā tebhyo 'pīha namo namaḥ

Sanskrit only: no published translation is held for this verse.

अगत्य्-एक-गतित्वम् पाद्मे बृहत्-सहस्र-नाम-कथनारम्भे- अनन्य-गतयो मर्त्या भोगिनो ऽपि परन्तपाः । ज्ञान-वैराग्य-रहिता ब्रह्मचर्यादि-वर्जिताः

agaty-eka-gatitvam pādme bṛhat-sahasra-nāma-kathanārambhe- ananya-gatayo martyā bhogino 'pi parantapāḥ | jñāna-vairāgya-rahitā brahmacaryādi-varjitāḥ

Sanskrit only: no published translation is held for this verse.

सर्व-धर्मोज्झिता विष्णोर् नाम-मात्रैक-जल्पकाः । सुखेन यां गतिं यान्ति न तां सर्वेऽपि धार्मिकाः

sarva-dharmojjhitā viṣṇor nāma-mātraika-jalpakāḥ | sukhena yāṃ gatiṃ yānti na tāṃ sarve'pi dhārmikāḥ

Sanskrit only: no published translation is held for this verse.

सदा सर्वत्र सेव्यत्वम् विष्णु-धर्मे क्षत्र-बन्धूपाख्याने- न देश-नियमस् तस्मिन् न काल-नियमस् तथा । नोच्छिष्ठादौ निषेधो ऽस्ति श्री-हरेर् नाम्नि लुब्धक

sadā sarvatra sevyatvam viṣṇu-dharme kṣatra-bandhūpākhyāne- na deśa-niyamas tasmin na kāla-niyamas tathā | nocchiṣṭhādau niṣedho 'sti śrī-harer nāmni lubdhaka

Sanskrit only: no published translation is held for this verse.

स्कान्दे, पाद्मे वैशाख-माहात्म्ये, विष्णु-धर्मोत्तरे च- चक्रायुधस्य नामानि सदा सर्वत्र कीर्तयेत् । नाशौचं कीर्तने तस्य स पवित्र-करो यतः

skānde, pādme vaiśākha-māhātmye, viṣṇu-dharmottare ca- cakrāyudhasya nāmāni sadā sarvatra kīrtayet | nāśaucaṃ kīrtane tasya sa pavitra-karo yataḥ

Sanskrit only: no published translation is held for this verse.

पुनः स्कन्धे- न देश-कालावस्थासु शुद्ध्य्-आदिकम् अपेक्षते । किन्तु स्वतन्त्रम् एवैतन् नाम कामित-कामदम्

punaḥ skandhe- na deśa-kālāvasthāsu śuddhy-ādikam apekṣate | kintu svatantram evaitan nāma kāmita-kāmadam

Sanskrit only: no published translation is held for this verse.

वैश्वानर-संहितायाम्- न देश-काल-नियमो न शौचाशौच-निर्णयः । परं सङ्कीर्तनाद् एव राम रामेति मुच्यते

vaiśvānara-saṃhitāyām- na deśa-kāla-niyamo na śaucāśauca-nirṇayaḥ | paraṃ saṅkīrtanād eva rāma rāmeti mucyate

Sanskrit only: no published translation is held for this verse.

वैष्णव-चिन्तामणौ श्री-युधिष्ठिरं प्रति श्री-नारद-वाक्यं- न देश-नियमो राजन् न काल-नियमस् तथा । विद्यते नात्र सन्देहो विष्णोर् नामानुकीर्तने

vaiṣṇava-cintāmaṇau śrī-yudhiṣṭhiraṃ prati śrī-nārada-vākyaṃ- na deśa-niyamo rājan na kāla-niyamas tathā | vidyate nātra sandeho viṣṇor nāmānukīrtane

Sanskrit only: no published translation is held for this verse.

कालो ऽस्ति दाने यज्ञे च स्थाने कालो ऽस्ति सज्-जपे । विष्णु-सङ्कीर्तने कालो नास्त्य् अत्र पृथिवी-तले

kālo 'sti dāne yajñe ca sthāne kālo 'sti saj-jape | viṣṇu-saṅkīrtane kālo nāsty atra pṛthivī-tale

Sanskrit only: no published translation is held for this verse.

द्वितीय-स्कन्धे [भ्प् २।१।११]- एतन् निर्विद्यमानानाम् इच्छताम् अकुतो-भयम् । योगिनां नृप निर्णीतं हरेर् नामानुकीर्तनम्

dvitīya-skandhe [BhP 2.1.11]- etan nirvidyamānānām icchatām akuto-bhayam | yogināṃ nṛpa nirṇītaṃ harer nāmānukīrtanam

Sanskrit only: no published translation is held for this verse.

मुक्ति-प्रदत्वम् वाराहे- नारायणाच्युतानन्त वासुदेवेति यो नरः । सततं कीर्तयेद् भूमि याति मल्लयतां स हि

mukti-pradatvam vārāhe- nārāyaṇācyutānanta vāsudeveti yo naraḥ | satataṃ kīrtayed bhūmi yāti mallayatāṃ sa hi

Sanskrit only: no published translation is held for this verse.

गारुडे- किं करिष्यति साङ्ख्येन किं योगैर् नर-नायक । मुक्तिम् इच्छसि राजेन्द्र कुरु गोविन्द-कीर्तनम्

gāruḍe- kiṃ kariṣyati sāṅkhyena kiṃ yogair nara-nāyaka | muktim icchasi rājendra kuru govinda-kīrtanam

Sanskrit only: no published translation is held for this verse.

यथा, पद्म-पुराणे उत्तर-खण्डे-- सकृद् उच्चारितं येन हरिर् इत्य् अक्षर-द्वयम् । बद्धः परिकरस् तेन मोक्षाय गमनं प्रति

yathā, padma-purāṇe uttara-khaṇḍe-- sakṛd uccāritaṃ yena harir ity akṣara-dvayam | baddhaḥ parikaras tena mokṣāya gamanaṃ prati

Sanskrit only: no published translation is held for this verse.

ब्रह्म-पुराणे- अप्य् अन्य-चित्तो ऽशुद्धो वा यः सदा कीर्तयेद् धरिम् । सो ऽपि दोष-क्षयान् मुक्तिं लभेच् चेदि-पतिर् यथा

brahma-purāṇe- apy anya-citto 'śuddho vā yaḥ sadā kīrtayed dharim | so 'pi doṣa-kṣayān muktiṃ labhec cedi-patir yathā

Sanskrit only: no published translation is held for this verse.

पाद्मे देवहूति-स्तुतौ- सकृद् उच्चारयेद् यस् तु नारायणम् अतन्द्रितः । शुद्धान्तःकरणो भूत्वा विर्वाणम् अधिगच्छति

pādme devahūti-stutau- sakṛd uccārayed yas tu nārāyaṇam atandritaḥ | śuddhāntaḥkaraṇo bhūtvā virvāṇam adhigacchati

Sanskrit only: no published translation is held for this verse.

मात्स्ये- पर-दार-रतो वापि परापकृति-कारकः । स शुद्धो मुक्तिम् आप्नोति हरेर् नामानुकीर्तनात्

mātsye- para-dāra-rato vāpi parāpakṛti-kārakaḥ | sa śuddho muktim āpnoti harer nāmānukīrtanāt

Sanskrit only: no published translation is held for this verse.

वैशम्पायन-संहितायाम्- सर्व-धर्म-बहिर्-भूतः सर्व-पाप-रतस् तथा । मुच्यते नात्र सन्देहो विष्णोर् नामानुकीर्तनात्

vaiśampāyana-saṃhitāyām- sarva-dharma-bahir-bhūtaḥ sarva-pāpa-ratas tathā | mucyate nātra sandeho viṣṇor nāmānukīrtanāt

Sanskrit only: no published translation is held for this verse.

बृहन्-नारदीये [१।२।४९]- यथा कथञ्चित् यन् नास्ति कीर्तिते वा श्रुतेऽपि वा । पापिनो ऽपि विशुद्धाः स्युः शुद्धा मोक्षम् अवाप्नुयुः

bṛhan-nāradīye [1.2.49]- yathā kathañcit yan nāsti kīrtite vā śrute'pi vā | pāpino 'pi viśuddhāḥ syuḥ śuddhā mokṣam avāpnuyuḥ

Sanskrit only: no published translation is held for this verse.

भारत-विभागे- प्राण-प्रयाण-पाथेयं संसार-व्याधि-भेषजम् । दुःख-शोक-परित्राणं हरिर् इत्य् अक्षर-द्वयम्

bhārata-vibhāge- prāṇa-prayāṇa-pātheyaṃ saṃsāra-vyādhi-bheṣajam | duḥkha-śoka-paritrāṇaṃ harir ity akṣara-dvayam

Sanskrit only: no published translation is held for this verse.

नारदीये- नव्यं नव्यं नाम-धेयं मुरारेर् यद् यच् चैतद् गेय-पीयूष-पुष्टम् । ये गायन्ति त्यक्त-लज्जाः स-हर्षं जीवन्-मुक्ताः संशयो नास्ति तत्र

nāradīye- navyaṃ navyaṃ nāma-dheyaṃ murārer yad yac caitad geya-pīyūṣa-puṣṭam | ye gāyanti tyakta-lajjāḥ sa-harṣaṃ jīvan-muktāḥ saṃśayo nāsti tatra

Sanskrit only: no published translation is held for this verse.

प्रथम-स्कन्धे [भ्प् १।१।१४]- आपन्नः संसृतिं घोरां यन्-नाम विवशो गृणन् । ततः सद्यो विमुच्येत यद् बिभेति स्वयं भयम्

prathama-skandhe [BhP 1.1.14]- āpannaḥ saṃsṛtiṃ ghorāṃ yan-nāma vivaśo gṛṇan | tataḥ sadyo vimucyeta yad bibheti svayaṃ bhayam

Sanskrit only: no published translation is held for this verse.

तृतीये [भ्प् ३।९।१५] ब्रह्म-स्तुतौ- यस्यावतार-गुण-कर्म-विडम्बनानि नामानि येऽसु-विगमे विवशा गृणन्ति । तेऽनैक-जन्म-शमलं सहसैव हित्वा संयान्त्य् अपावृतामृतं तम् अजं प्रपद्ये

tṛtīye [BhP 3.9.15] brahma-stutau- yasyāvatāra-guṇa-karma-viḍambanāni nāmāni ye'su-vigame vivaśā gṛṇanti | te'naika-janma-śamalaṃ sahasaiva hitvā saṃyānty apāvṛtāmṛtaṃ tam ajaṃ prapadye

Sanskrit only: no published translation is held for this verse.

षष्ठे [भ्प् ६।३।२४]- एतावतालम् अघ-निर्हरणाय पुंसां सङ्कीर्तनं भगवतो गुण-कर्म-नाम्नाम् । विक्रुश्य पुत्रम् अघवान् यद् अजामिलो ऽपि नारायणेति म्रियमाण इयाय मुक्तिम्

ṣaṣṭhe [BhP 6.3.24]- etāvatālam agha-nirharaṇāya puṃsāṃ saṅkīrtanaṃ bhagavato guṇa-karma-nāmnām | vikruśya putram aghavān yad ajāmilo 'pi nārāyaṇeti mriyamāṇa iyāya muktim

Sanskrit only: no published translation is held for this verse.

श्री-वैकुण्ठ-लोक-प्रापकत्वम् उक्तं च लैङ्गे श्री-नारदं प्रति श्री-शिवेन- व्रजंस् तिष्ठन् स्वपन्न् अश्नन् श्वसन् वाक्य-प्रपूरणे । नाम-सङ्कीर्तनं विष्णोर् हेलया कलि-मर्दनम् । कृत्वा स्वरूपतां याति भक्ति-युक्तं परं व्रजेत्

śrī-vaikuṇṭha-loka-prāpakatvam uktaṃ ca laiṅge śrī-nāradaṃ prati śrī-śivena- vrajaṃs tiṣṭhan svapann aśnan śvasan vākya-prapūraṇe | nāma-saṅkīrtanaṃ viṣṇor helayā kali-mardanam | kṛtvā svarūpatāṃ yāti bhakti-yuktaṃ paraṃ vrajet

Sanskrit only: no published translation is held for this verse.

नारदीये श्री-ब्रह्मणा- ब्राह्मणः श्वपचीं भुञ्जन् विशेषेण रजस्वलाम् । अश्नाति सुरया पक्वं मरणे हरिम् उच्चरन्

nāradīye śrī-brahmaṇā- brāhmaṇaḥ śvapacīṃ bhuñjan viśeṣeṇa rajasvalām | aśnāti surayā pakvaṃ maraṇe harim uccaran

Sanskrit only: no published translation is held for this verse.

अभक्ष्यागम्ययोर् जातं विहायाघौघ-सञ्चयम् । प्रयाति विष्णु-सालोक्यं विमुक्तो भव-बन्धनैः

abhakṣyāgamyayor jātaṃ vihāyāghaugha-sañcayam | prayāti viṣṇu-sālokyaṃ vimukto bhava-bandhanaiḥ

Sanskrit only: no published translation is held for this verse.

बृहन्-नारदीये [१।११।१०१] शुक्रं प्रति श्री-बलिना- जिह्वाग्रे वर्तते यस्य हरिर् इत्य् अक्षर-द्वयम् । विष्णोर् लोकम् अवाप्नोति पुनर् आवृत्ति-दुर्लभम्

bṛhan-nāradīye [1.11.101] śukraṃ prati śrī-balinā- jihvāgre vartate yasya harir ity akṣara-dvayam | viṣṇor lokam avāpnoti punar āvṛtti-durlabham

Sanskrit only: no published translation is held for this verse.

पाद्मे- यत्र तत्र स्थितो वापि कृष्ण कृष्णेति कीर्तयेत् । सर्व-पाप-विशुद्धात्मा स गच्छेत् परमां गतिम्

pādme- yatra tatra sthito vāpi kṛṣṇa kṛṣṇeti kīrtayet | sarva-pāpa-viśuddhātmā sa gacchet paramāṃ gatim

Sanskrit only: no published translation is held for this verse.

तत्रैव वैशाख-माहात्म्ये अम्बरीषं प्रति नारदेन- तद् एव पुण्यं परमं पवित्रं गोविन्द-गेहे गमनाय पत्रम् । तद् एव लोके सुकृतैक-सत्रं यद् उच्यते केशव-नाम-मात्रम्

tatraiva vaiśākha-māhātmye ambarīṣaṃ prati nāradena- tad eva puṇyaṃ paramaṃ pavitraṃ govinda-gehe gamanāya patram | tad eva loke sukṛtaika-satraṃ yad ucyate keśava-nāma-mātram

Sanskrit only: no published translation is held for this verse.

ब्रह्म-वैवर्ते- एवं सङ्ग्रहणी-पुत्राभिधान-व्याजतो हरिम् । समुच्चार्यान्त-कालेऽगाद् धाम तत् परमं हरेः

brahma-vaivarte- evaṃ saṅgrahaṇī-putrābhidhāna-vyājato harim | samuccāryānta-kāle'gād dhāma tat paramaṃ hareḥ

Sanskrit only: no published translation is held for this verse.

नारायणम् इति व्याजाद् उच्चार्य कलुषाश्रयः । अजामिलो ऽप्य् अगाद् धाम किम् उत श्रद्धया गृणन्

nārāyaṇam iti vyājād uccārya kaluṣāśrayaḥ | ajāmilo 'py agād dhāma kim uta śraddhayā gṛṇan

Sanskrit only: no published translation is held for this verse.

षष्ठ-स्कन्धे [भ्प् ६।२।४९]- म्रियमाणो हरेर् नाम गृणन् पुत्रोपचारितम् । अजामिलो ऽप्य् अगाद् धाम किम् उत श्रद्धया गृणन्

ṣaṣṭha-skandhe [BhP 6.2.49]- mriyamāṇo harer nāma gṛṇan putropacāritam | ajāmilo 'py agād dhāma kim uta śraddhayā gṛṇan

Sanskrit only: no published translation is held for this verse.

वामने - ये कीर्तयन्ति वरदं वर-पद्मनाभं शङ्खाब्ज-चक्र-शर-चाप-गदासि-हस्तम् । पद्मालया-वदन-पङ्कज-षट्-पदाक्षं नूनं प्रयान्ति सदनं मधु-घातिनस् ते

vāmane - ye kīrtayanti varadaṃ vara-padmanābhaṃ śaṅkhābja-cakra-śara-cāpa-gadāsi-hastam | padmālayā-vadana-paṅkaja-ṣaṭ-padākṣaṃ nūnaṃ prayānti sadanaṃ madhu-ghātinas te

Sanskrit only: no published translation is held for this verse.

आङ्गिरस-पुराणे- वासुदेवेति मनुज उच्चार्य भव-भीतितः । तन्-मुक्तः पदम् आप्नोति विष्णोर् एव न संशयः

āṅgirasa-purāṇe- vāsudeveti manuja uccārya bhava-bhītitaḥ | tan-muktaḥ padam āpnoti viṣṇor eva na saṃśayaḥ

Sanskrit only: no published translation is held for this verse.

नन्दि-पुराणे- सर्वदा सर्व-कालेषु येऽपि कुर्वन्ति पातकम् । नाम-सङ्कीर्तनं कृत्वा यान्ति विष्णोः परं पदम्

nandi-purāṇe- sarvadā sarva-kāleṣu ye'pi kurvanti pātakam | nāma-saṅkīrtanaṃ kṛtvā yānti viṣṇoḥ paraṃ padam

Sanskrit only: no published translation is held for this verse.

विशेषतः कलौ, द्वादश-स्कन्धे [भ्प् १२।३।५१]- कलेर् दोष-निधे राजन्न् अस्ति ह्य् एको महान् गुणः । कीर्तनाद् एव कृष्णस्य मुक्त-सङ्गः परं व्रजेत्

viśeṣataḥ kalau, dvādaśa-skandhe [BhP 12.3.51]- kaler doṣa-nidhe rājann asti hy eko mahān guṇaḥ | kīrtanād eva kṛṣṇasya mukta-saṅgaḥ paraṃ vrajet

Sanskrit only: no published translation is held for this verse.

यथा गारुडे- यद् इच्छसि परं ज्ञानं ज्ञानाद् यत् परमं पदम् । तद्-आदरेण राजेन्द्र कुरु गोविन्द-कीर्तनम्

yathā gāruḍe- yad icchasi paraṃ jñānaṃ jñānād yat paramaṃ padam | tad-ādareṇa rājendra kuru govinda-kīrtanam

Sanskrit only: no published translation is held for this verse.

श्री-भगवत्-प्रीणनत्वम् वाराहे- वासुदेवस्य सङ्कीर्त्या सुरापो व्याधितो ऽपि वा । मुक्तो जायेत नियतं महा-विष्णुः प्रसीदति

śrī-bhagavat-prīṇanatvam vārāhe- vāsudevasya saṅkīrtyā surāpo vyādhito 'pi vā | mukto jāyeta niyataṃ mahā-viṣṇuḥ prasīdati

Sanskrit only: no published translation is held for this verse.

बृहन्-नारदीये [१।३४।२३]- नाम-सङ्कीर्तनं विष्णोः क्षुत्-तृट्-प्रस्खलितादिषु । करोति सततं विप्रास् तस्य प्रीतो ह्य् अधोक्षजः

bṛhan-nāradīye [1.34.23]- nāma-saṅkīrtanaṃ viṣṇoḥ kṣut-tṛṭ-praskhalitādiṣu | karoti satataṃ viprās tasya prīto hy adhokṣajaḥ

Sanskrit only: no published translation is held for this verse.

विष्णु-धर्मोत्तरे- नाम-सङ्कीर्तनं विष्णोः क्षुत्-तृट्-प्रस्खलितादिषु । यः करोति महाभाग तस्य तुष्यति केशवः

viṣṇu-dharmottare- nāma-saṅkīrtanaṃ viṣṇoḥ kṣut-tṛṭ-praskhalitādiṣu | yaḥ karoti mahābhāga tasya tuṣyati keśavaḥ

Sanskrit only: no published translation is held for this verse.

अथ श्री-भगवद्-वशीकारित्वम् विष्णु-रहस्ये - यद् अभ्यर्च्य हरिं भक्त्या कृते क्रतु-शतैर् अपि । फलं प्राप्नोत्य् अविकलं कलौ गोविन्द-कीर्तनात्

atha śrī-bhagavad-vaśīkāritvam viṣṇu-rahasye - yad abhyarcya hariṃ bhaktyā kṛte kratu-śatair api | phalaṃ prāpnoty avikalaṃ kalau govinda-kīrtanāt

Sanskrit only: no published translation is held for this verse.

आदि-पुराणे- गीत्वा च मम नामानि विचरेन् मम सन्निधौ । इदं ब्रवीमि ते सत्यं क्रीतो ऽहं तस्य चार्जुन

ādi-purāṇe- gītvā ca mama nāmāni vicaren mama sannidhau | idaṃ bravīmi te satyaṃ krīto 'haṃ tasya cārjuna

Sanskrit only: no published translation is held for this verse.

गीत्वा च मम नामानि विचरेन् मम सन्निधौ । इति ब्रवीमि ते सत्यं क्रीतो ऽहं तस्य चार्जुन

gītvā ca mama nāmāni vicaren mama sannidhau | iti bravīmi te satyaṃ krīto 'haṃ tasya cārjuna

Sanskrit only: no published translation is held for this verse.

इति । एवं च श्रुत्वा च मम नामानि इत्य् आदि

iti | evaṃ ca śrutvā ca mama nāmāni ity ādi

Sanskrit only: no published translation is held for this verse.

विष्णु-धर्मे प्रह्लादेन- जितं तेन जितं तेन जितं तेनेति निश्चितम् । जिह्वाग्रे वर्तते यस्य हरिर् इत्य् अक्षर-द्वयम्

viṣṇu-dharme prahlādena- jitaṃ tena jitaṃ tena jitaṃ teneti niścitam | jihvāgre vartate yasya harir ity akṣara-dvayam

Sanskrit only: no published translation is held for this verse.

स्वतः परम-पुरुषार्थत्वम् स्कान्दे काशी-खण्डे, पाद्मे च वैशाख-माहात्म्ये- इदम् एव हि माङ्गल्यम् एतद् एव धनार्जनम् । जीवितस्य फलं चैतद् यद् दामोदर-कीर्तनम्

svataḥ parama-puruṣārthatvam skānde kāśī-khaṇḍe, pādme ca vaiśākha-māhātmye- idam eva hi māṅgalyam etad eva dhanārjanam | jīvitasya phalaṃ caitad yad dāmodara-kīrtanam

Sanskrit only: no published translation is held for this verse.

प्रभास-खण्डे- मधुर-मधुरम् एतन् मङ्गलं मङ्गलानां सकल-निगम-वल्ली-सत्-फलं चित्-स्वरूपम् । सकृद् अपि परिगीतं श्रद्धया हेलया वा भृगु-वर नर-मात्रं तारयेत् कृष्ण-नाम

prabhāsa-khaṇḍe- madhura-madhuram etan maṅgalaṃ maṅgalānāṃ sakala-nigama-vallī-sat-phalaṃ cit-svarūpam | sakṛd api parigītaṃ śraddhayā helayā vā bhṛgu-vara nara-mātraṃ tārayet kṛṣṇa-nāma

Sanskrit only: no published translation is held for this verse.

विष्णु-रहस्ये- एतद् एव परं ज्ञानम् एतद् एव परं तपः । एतद् एव परं तत्त्वं वासुदेवस्य कीर्तनम्

viṣṇu-rahasye- etad eva paraṃ jñānam etad eva paraṃ tapaḥ | etad eva paraṃ tattvaṃ vāsudevasya kīrtanam

Sanskrit only: no published translation is held for this verse.

वैष्णव-चिन्तामणौ श्री-शिवोमा-संवादे- अघच्छित्-स्मरणं विष्णोर् बह्व्-आयासेन साध्यते । ओष्ठ-स्पन्दन-मात्रेण कीर्तनं तु ततो वरम्

vaiṣṇava-cintāmaṇau śrī-śivomā-saṃvāde- aghacchit-smaraṇaṃ viṣṇor bahv-āyāsena sādhyate | oṣṭha-spandana-mātreṇa kīrtanaṃ tu tato varam

Sanskrit only: no published translation is held for this verse.

अन्यत्र च- येन जन्म-शतैः पूर्वं वासुदेवः समर्चितः । तन्-मुखे हरि-नामानि सदा तिष्ठन्ति भारत

anyatra ca- yena janma-śataiḥ pūrvaṃ vāsudevaḥ samarcitaḥ | tan-mukhe hari-nāmāni sadā tiṣṭhanti bhārata

Sanskrit only: no published translation is held for this verse.

विशेषतः कलौ, रहस्ये- यद् अभ्यर्च्य हरिं भक्त्या कृते क्रतु-शतैर् अपि । फलं प्राप्नोत्य् अविकलं कलौ गोविन्द-कीर्तनात्

viśeṣataḥ kalau, rahasye- yad abhyarcya hariṃ bhaktyā kṛte kratu-śatair api | phalaṃ prāpnoty avikalaṃ kalau govinda-kīrtanāt

Sanskrit only: no published translation is held for this verse.

विष्णु-पुराणे [विप् ६।२।१७]- ध्यायन् कृते यजन् यज्ञैस् त्रेतायां द्वापरेऽर्चयन् । यद् आप्नोति तद् आप्नोति कलौ सङ्कीर्त्य केशवम्

viṣṇu-purāṇe [ViP 6.2.17]- dhyāyan kṛte yajan yajñais tretāyāṃ dvāpare'rcayan | yad āpnoti tad āpnoti kalau saṅkīrtya keśavam

Sanskrit only: no published translation is held for this verse.

द्वादश-स्कन्धे [भ्प् १२।३।५२] कृते यद् ध्यायतो विष्णुं त्रेतायां यजतो मखैः । द्वापरे परिचर्यायां कलौ तद् धरि-कीर्तनात्

dvādaśa-skandhe [BhP 12.3.52] kṛte yad dhyāyato viṣṇuṃ tretāyāṃ yajato makhaiḥ | dvāpare paricaryāyāṃ kalau tad dhari-kīrtanāt

Sanskrit only: no published translation is held for this verse.

एकादशे [भ्प् ११।५।३२]- कृष्ण-वर्णं त्विषाकृष्णं साङ्गोपाङ्गास्त्र-पार्षदम् । यज्ञैः सङ्कीर्तन-प्रायैर् यजन्ति हि सु-मेधसः

ekādaśe [BhP 11.5.32]- kṛṣṇa-varṇaṃ tviṣākṛṣṇaṃ sāṅgopāṅgāstra-pārṣadam | yajñaiḥ saṅkīrtana-prāyair yajanti hi su-medhasaḥ

Sanskrit only: no published translation is held for this verse.

स्कान्दे च- महा-भागवता नित्यं कलौ कुर्वन्ति कीर्तनम्

skānde ca- mahā-bhāgavatā nityaṃ kalau kurvanti kīrtanam

Sanskrit only: no published translation is held for this verse.

बृहन्-नारदीये [१।४०।११५] नारदोक्तं - हरेर् नामैव नामैव नामैव मम जीवनम् । कलौ नास्त्य् एव नास्त्य् एव नास्त्य् एव गतिर् अन्यथा

bṛhan-nāradīye [1.40.115] nāradoktaṃ - harer nāmaiva nāmaiva nāmaiva mama jīvanam | kalau nāsty eva nāsty eva nāsty eva gatir anyathā

Sanskrit only: no published translation is held for this verse.

अतैवोक्तम्- सकृद् उच्चारयन्त्य् एव हरेर् नाम चिद्-आत्मकम् । फलं नास्य क्षमो वक्तुं सहस्र-वदनो विधिः

ataivoktam- sakṛd uccārayanty eva harer nāma cid-ātmakam | phalaṃ nāsya kṣamo vaktuṃ sahasra-vadano vidhiḥ

Sanskrit only: no published translation is held for this verse.

पाद्मोत्तर-खण्डे श्री-रामाष्टोत्तर-शत-नाम-स्तोत्रे श्री-शिवेन- र-कारादीनि नामानि शृण्वतो देवि जायते । प्रीतिर् मे मनसो नित्यं राम-नाम-विशङ्कया

pādmottara-khaṇḍe śrī-rāmāṣṭottara-śata-nāma-stotre śrī-śivena- ra-kārādīni nāmāni śṛṇvato devi jāyate | prītir me manaso nityaṃ rāma-nāma-viśaṅkayā

Sanskrit only: no published translation is held for this verse.

वैष्णव-चिन्तामणौ- ईशो ऽहं सर्व-जगतां नाम्नां विष्णोर् हि जापकः । सत्यं सत्यं वदाम्य् एष हरेर् नाम गतिर् नॄणाम्

vaiṣṇava-cintāmaṇau- īśo 'haṃ sarva-jagatāṃ nāmnāṃ viṣṇor hi jāpakaḥ | satyaṃ satyaṃ vadāmy eṣa harer nāma gatir nṝṇām

Sanskrit only: no published translation is held for this verse.

आदि-पुराणे च श्री-कृष्णार्जुन-संवादे- श्रद्धया हेलया नाम रटन्ति मम जन्तवः । तेषां नाम सदा पार्थ वर्तते हृदये मम

ādi-purāṇe ca śrī-kṛṣṇārjuna-saṃvāde- śraddhayā helayā nāma raṭanti mama jantavaḥ | teṣāṃ nāma sadā pārtha vartate hṛdaye mama

Sanskrit only: no published translation is held for this verse.

न नाम सदृशं ज्ञानं न नाम सदृशं व्रतम् । न नाम सदृशं ध्यानं न नाम सदृशं फलम्

na nāma sadṛśaṃ jñānaṃ na nāma sadṛśaṃ vratam | na nāma sadṛśaṃ dhyānaṃ na nāma sadṛśaṃ phalam

Sanskrit only: no published translation is held for this verse.

न नाम सदृशस् त्यागो न नाम सदृशः शमः । न नाम सदृशं पुण्यं न नाम सदृशी गतिः

na nāma sadṛśas tyāgo na nāma sadṛśaḥ śamaḥ | na nāma sadṛśaṃ puṇyaṃ na nāma sadṛśī gatiḥ

Sanskrit only: no published translation is held for this verse.

किं च- नामैव परमा मुक्तिर् नामैव परमा गतिः । नामैव परमा शान्तिर् नामैव परमा स्थितिः

kiṃ ca- nāmaiva paramā muktir nāmaiva paramā gatiḥ | nāmaiva paramā śāntir nāmaiva paramā sthitiḥ

Sanskrit only: no published translation is held for this verse.

नामैव परमा भक्तिर् नामैव परमा मतिः । नामैव परमा प्रीतिर् नामैव परमा स्मृतिः

nāmaiva paramā bhaktir nāmaiva paramā matiḥ | nāmaiva paramā prītir nāmaiva paramā smṛtiḥ

Sanskrit only: no published translation is held for this verse.

नामैव कारणं जन्तोर् नामैव प्रभुर् एव च । नामैव परमाराध्यो नामैव परमो गुरुः

nāmaiva kāraṇaṃ jantor nāmaiva prabhur eva ca | nāmaiva paramārādhyo nāmaiva paramo guruḥ

Sanskrit only: no published translation is held for this verse.

किं च- नाम-युक्तान् जनान् दृष्ट्वा स्निग्धो भवति यो नरः । स याति परमं स्थानं विष्णुना सह मोदते

kiṃ ca- nāma-yuktān janān dṛṣṭvā snigdho bhavati yo naraḥ | sa yāti paramaṃ sthānaṃ viṣṇunā saha modate

Sanskrit only: no published translation is held for this verse.

तस्मान् नामानि कौन्तेय भजस्व दृढ-मानसः । नाम-युक्तः प्रियो ऽस्माकं नाम-युक्तो भवार्जुन

tasmān nāmāni kaunteya bhajasva dṛḍha-mānasaḥ | nāma-yuktaḥ priyo 'smākaṃ nāma-yukto bhavārjuna

Sanskrit only: no published translation is held for this verse.

अथ श्री-भगवन्-नाम-जपस्य स्मरणस्य च । श्रवणस्यापि माहात्म्यम् ईषद् भेदाद् विलिख्यते

atha śrī-bhagavan-nāma-japasya smaraṇasya ca | śravaṇasyāpi māhātmyam īṣad bhedād vilikhyate

Sanskrit only: no published translation is held for this verse.

अथ श्रीमन्-नाम-जप-माहात्म्यम् विष्णु-रहस्ये श्री-भगवद्-उक्तौ- सत्यं ब्रवीमि मनुजाः स्वयम् ऊर्द्व-बाहुर् यो मां मुकुन्द नरसिंह जनार्दनेति । जीवन् जपत्य् अनुदिनं मरणे ऋणीव पाषाण-काष्ठ-सदृशाय ददाम्य् अभीष्टम्

atha śrīman-nāma-japa-māhātmyam viṣṇu-rahasye śrī-bhagavad-uktau- satyaṃ bravīmi manujāḥ svayam ūrdva-bāhur yo māṃ mukunda narasiṃha janārdaneti | jīvan japaty anudinaṃ maraṇe ṛṇīva pāṣāṇa-kāṣṭha-sadṛśāya dadāmy abhīṣṭam

Sanskrit only: no published translation is held for this verse.

काशी-काण्डे अग्नि-बिन्दु-स्तुतौ- नारायणेति नरकार्णवतारणेति दामोदरेति मधुहेति चतुर्भुजेति । विश्वम्भरेति विरजेति जनार्दनेति क्वास्तीह जन्म जपतां क्व कृतान्त-भीतिः

kāśī-kāṇḍe agni-bindu-stutau- nārāyaṇeti narakārṇavatāraṇeti dāmodareti madhuheti caturbhujeti | viśvambhareti virajeti janārdaneti kvāstīha janma japatāṃ kva kṛtānta-bhītiḥ

Sanskrit only: no published translation is held for this verse.

पाद्मे वैशाख-माहात्म्ये [५।९६।८३] यम-ब्राह्मण-संवादे- वासुदेव-जपासक्तान् अपि पाप-कृतो जनान् । नोपसर्पन्ति तान् विप्र यमदूताश् च दारुणाः

pādme vaiśākha-māhātmye [5.96.83] yama-brāhmaṇa-saṃvāde- vāsudeva-japāsaktān api pāpa-kṛto janān | nopasarpanti tān vipra yamadūtāś ca dāruṇāḥ

Sanskrit only: no published translation is held for this verse.

बृहद्-विष्णु-पुराणे- क्व नाक-पृष्ठ-गमनं पुनर्-आवृत्ति-लक्षणम् । क्व जपो वासुदेवेति मुक्ति-बीजम् अनुत्तमम्

bṛhad-viṣṇu-purāṇe- kva nāka-pṛṣṭha-gamanaṃ punar-āvṛtti-lakṣaṇam | kva japo vāsudeveti mukti-bījam anuttamam

Sanskrit only: no published translation is held for this verse.

श्रीमन्-नाम-स्मरण-माहात्म्यम् इतिहासोत्तमे- स्वप्नेऽपि नाम-स्मृतिर् आदि-पुंसः क्षयं करोत्य् आहित-पाप-राशेः । प्रयत्नतः किं पुनर् आदि-पुंसः प्रकीर्तिते नाग्निर् जनार्दनस्य

śrīman-nāma-smaraṇa-māhātmyam itihāsottame- svapne'pi nāma-smṛtir ādi-puṃsaḥ kṣayaṃ karoty āhita-pāpa-rāśeḥ | prayatnataḥ kiṃ punar ādi-puṃsaḥ prakīrtite nāgnir janārdanasya

Sanskrit only: no published translation is held for this verse.

लघु-भागवते- ते स-भाग्या मनुष्येषु कृतार्था नृप निश्चितम् । स्मरन्ति ये स्मारयन्ति हरेर् नाम कलौ युगे

laghu-bhāgavate- te sa-bhāgyā manuṣyeṣu kṛtārthā nṛpa niścitam | smaranti ye smārayanti harer nāma kalau yuge

Sanskrit only: no published translation is held for this verse.

पाद्मे देवहूति-स्तुतौ- प्रयाणे चाप्रयाणे च यन्-नाम-स्मरणान् नॄणाम् । सद्यो नश्यति पापौघो नमस् तस्मै चिद्-आत्मने

pādme devahūti-stutau- prayāṇe cāprayāṇe ca yan-nāma-smaraṇān nṝṇām | sadyo naśyati pāpaugho namas tasmai cid-ātmane

Sanskrit only: no published translation is held for this verse.

तत्रैवोत्तर-खण्डे- यन्-नाम-स्मरणाद् एव पापिनाम् अपि सत्वरम् । मुक्तिर् भवति जातूनां ब्रह्मादीनां सुदुर्लभा

tatraivottara-khaṇḍe- yan-nāma-smaraṇād eva pāpinām api satvaram | muktir bhavati jātūnāṃ brahmādīnāṃ sudurlabhā

Sanskrit only: no published translation is held for this verse.

ब्रह्म-वैवर्ते- यद्-अनुध्यानदावाग्नि-दग्ध-कर्म-तृणः पुमान् । विशुद्धः पश्यति व्यक्तम् अव्यक्तम् अपि केशवम्

brahma-vaivarte- yad-anudhyānadāvāgni-dagdha-karma-tṛṇaḥ pumān | viśuddhaḥ paśyati vyaktam avyaktam api keśavam

Sanskrit only: no published translation is held for this verse.

तद् अस्य नाम जीवस्य पतितस्य भवाम्बुधौ । हस्तावलम्ब-दानाय प्रवीणो नापरो हरेः

tad asya nāma jīvasya patitasya bhavāmbudhau | hastāvalamba-dānāya pravīṇo nāparo hareḥ

Sanskrit only: no published translation is held for this verse.

जावालि-संहितायाम्- हरेर् नाम परं जप्यं ध्येयं गेयं निरन्तरम् । कीर्तनीयं च बहुधा निर्वृतीर् बहुधेच्छता

jāvāli-saṃhitāyām- harer nāma paraṃ japyaṃ dhyeyaṃ geyaṃ nirantaram | kīrtanīyaṃ ca bahudhā nirvṛtīr bahudhecchatā

Sanskrit only: no published translation is held for this verse.