साध्वसाधुप्रयोगे च सप्तमी वक्तव्या । साधुर्देवदत्तो मातरि । असाधुः पितरि । कारकार्हाणां च कारकत्वे सप्तमी वक्तव्या । ऋद्धेषु भुञ्जानेषु दरिद्रा आसते । ब्राह्मणेषु तरत्सु वृषला आसते । अकारकार्हाणां चाकरकत्वे सप्तमी वक्तव्या । दरिद्रेष्वासीनेषु ऋद्धा भुञ्जते । वृषलेष्वासीनेषु ब्राह्मणास् तरन्ति । तद्धिपर्यासे च सप्तमी वक्तव्या । ऋद्धेष्वासीनेषु दरिद्रा भुञ्जते । ब्राह्मणेष्व् आसीनेषु वृषलास् तरान्ति । निमित्तात् कर्मसंयोगे सप्तमी वक्तव्या । चर्मणि द्वीपिनं हन्ति दन्तयोर् हन्ति कुञ्जरम् । केशेषु चमरीं हन्ति सीम्नि पुष्कलको हतः ॥ यस्य च भावेन भाव-लक्षणम्
sādhvasādhuprayoge ca saptamī vaktavyā / sādhurdevadatto mātari / asādhuḥ pitari / kārakārhāṇāṃ ca kārakatve saptamī vaktavyā / ṛddheṣu bhuñjāneṣu daridrā āsate / brāhmaṇeṣu taratsu vṛṣalā āsate / akārakārhāṇāṃ cākarakatve saptamī vaktavyā / daridreṣvāsīneṣu ṛddhā bhuñjate / vṛṣaleṣvāsīneṣu brāhmaṇās taranti / taddhiparyāse ca saptamī vaktavyā / ṛddheṣvāsīneṣu daridrā bhuñjate / brāhmaṇeṣv āsīneṣu vṛṣalās tarānti / nimittāt karmasaṃyoge saptamī vaktavyā / carmaṇi dvīpinaṃ hanti dantayor hanti kuñjaram / keśeṣu camarīṃ hanti sīmni puṣkalako hataḥ // yasya ca bhāvena bhāva-lakṣaṇam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.