JV 4.2.94
शेषे इति लक्षणं च अधिकारश् च । चक्षुषा गृह्यते चाक्षुषं रूपम् । श्रावणः शब्दः । दृषदि पिष्टाः दार्षदाः सक्तवः । उलूखले क्षुण्णः औलूखलो यावकः । अश्वैर् उह्यते आश्वो रथः । चतुर्भिर् उह्यते चातुरं शकटम् । चतुर्दश्यां दृश्यते चातुर्दशं रक्षः इति ॥ राष्ट्र-अवारपाराद् घ-खौ
śeṣe iti lakṣaṇaṃ ca adhikāraś ca / cakṣuṣā gṛhyate cākṣuṣaṃ rūpam / śrāvaṇaḥ śabdaḥ / dṛṣadi piṣṭāḥ dārṣadāḥ saktavaḥ / ulūkhale kṣuṇṇaḥ aulūkhalo yāvakaḥ / aśvair uhyate āśvo rathaḥ / caturbhir uhyate cāturaṃ śakaṭam / caturdaśyāṃ dṛśyate cāturdaśaṃ rakṣaḥ iti // rāṣṭra-avārapārād gha-khau
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.