तित्तिर्यादिभ्यः शब्देभ्यः छण् प्रत्ययो भवति तेन प्रोक्तम् इत्य् एतस्मिन् विषये । अणो ऽपवादः । तित्तिरिणा प्रोक्तम् अधीयते तैत्तिरीयाः । वारतन्तवीयाः । खाण्दिकीयाः । औखीयाः । छन्दसि च अयम् इष्यते । तित्तिरिणा प्रोक्तः श्लोकः इत्य् अत्र न भवति । शौनकादिभ्यश् छन्दसि (*४,३।१०६) इत्य् अत्र अस्य अनुवृत्तेः छन्दो ऽधिकार-विहितानां च तद्विषयता इष्यते ॥ काश्यप-कौशिकाभ्याम् ऋषिभ्यां णिनिः
tittiryādibhyaḥ śabdebhyaḥ chaṇ pratyayo bhavati tena proktam ity etasmin viṣaye / aṇo 'pavādaḥ / tittiriṇā proktam adhīyate taittirīyāḥ / vāratantavīyāḥ / khāṇdikīyāḥ / aukhīyāḥ / chandasi ca ayam iṣyate / tittiriṇā proktaḥ ślokaḥ ity atra na bhavati / śaunakādibhyaś chandasi (*4,3.106) ity atra asya anuvṛtteḥ chando 'dhikāra-vihitānāṃ ca tadviṣayatā iṣyate // kāśyapa-kauśikābhyām ṛṣibhyāṃ ṇiniḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.