देवतावाचिनां यो द्वन्द्वस् तत्र युगपदुभे पूर्वोत्तरपदे प्रकृतिस्वरे भवतः । इन्द्रासोमौ । इन्द्रावरुणौ । इन्द्राबृहस्पती । ऋज्रेन्द्राग्र इति इन्द्रशब्दः आद्युदात्तो निपातितः । सोम इति मन्प्रत्ययान्तः । वरुण उनन्प्रत्ययान्तः, तेन आद्युदात्तः बृहस्पतिशब्दे वनस्पत्यादित्वात् द्वाव् उदात्तौ, तेन इन्द्राबृहस्पती इत्य् अत्र त्रय उदात्ता भवन्ति । देवताग्रहणं किम् ? प्लक्षन्यग्रोधौ । द्वन्द्वग्रहणं किम् ? अग्निष्टोमः ॥ न+उत्तरपदे ऽनुदात्तादाव् अपृथिवी-रुद्र-पूष-मन्थिषु
devatāvācināṃ yo dvandvas tatra yugapadubhe pūrvottarapade prakṛtisvare bhavataḥ / indrāsomau / indrāvaruṇau / indrābṛhaspatī / ṛjrendrāgra iti indraśabdaḥ ādyudātto nipātitaḥ / soma iti manpratyayāntaḥ / varuṇa unanpratyayāntaḥ, tena ādyudāttaḥ bṛhaspatiśabde vanaspatyāditvāt dvāv udāttau, tena indrābṛhaspatī ity atra traya udāttā bhavanti / devatāgrahaṇaṃ kim ? plakṣanyagrodhau / dvandvagrahaṇaṃ kim ? agniṣṭomaḥ // na+uttarapade 'nudāttādāv apṛthivī-rudra-pūṣa-manthiṣu
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.