स इति वर्तते । समानस्य स इत्य् अयम् आदेशो भवति छन्दसि विषये मूर्धन् प्रभृति उदकम् इत्य् एतानि उत्तरपदानि वर्जयित्वा । अनुभ्राता सगर्भ्यः । अनुसखा सयूथ्यः । यो नः सनुत्यः । समानो गर्भः सगर्भः, तत्र भवः सगर्थ्यः । सगर्भसयूथसनुताद् यत् (*४,४।११४) इति यत्प्रत्ययः । अमूर्धप्रभृत्युदर्केषु इति किम् ? समानमूर्धा । समानप्रभृतयः । समानोदर्काः । समानस्य इति योगविभाग इष्टप्रसिद्ध्यर्थः क्रियते । तेन सपक्षः, साधर्म्यम्, सजातीयः इत्य् एवम् आदयः सिद्धाः भवन्ति ॥ ज्योतिर्-जनपद-रात्रि-नाभि-नाम-गोत्र-रूप-स्थान-वर्ण-वर्यो-वचन-बन्धुषु
sa iti vartate / samānasya sa ity ayam ādeśo bhavati chandasi viṣaye mūrdhan prabhṛti udakam ity etāni uttarapadāni varjayitvā / anubhrātā sagarbhyaḥ / anusakhā sayūthyaḥ / yo naḥ sanutyaḥ / samāno garbhaḥ sagarbhaḥ, tatra bhavaḥ sagarthyaḥ / sagarbhasayūthasanutād yat (*4,4.114) iti yatpratyayaḥ / amūrdhaprabhṛtyudarkeṣu iti kim ? samānamūrdhā / samānaprabhṛtayaḥ / samānodarkāḥ / samānasya iti yogavibhāga iṣṭaprasiddhyarthaḥ kriyate / tena sapakṣaḥ, sādharmyam, sajātīyaḥ ity evam ādayaḥ siddhāḥ bhavanti // jyotir-janapada-rātri-nābhi-nāma-gotra-rūpa-sthāna-varṇa-varyo-vacana-bandhuṣu
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.