तावच्छब्दो विप्रतिपत्त्यभावद्योतकः । हि निश्चये । वन्ध्यापुत्रादिकल्पनाभावे वन्ध्यापुत्रेत्यादिकथैव न युक्ता स्याद् इति भावः । ततः किम् इत्य् । अत्राह सा इति । सा वन्ध्यापुत्रादिकल्पना । असत्यत्वे ऽपि नाशजन्माढ्या नाशजन्मयुक्ता । यथा भवति । तथेदं दृश्यम् । असत्यत्वे ऽपि नाशजन्माढ्यं किं न भवेत् । भवत्व् इत्य् अर्थः । तथा च क्व नु गच्छतीति प्रश्नो युक्त एवेति भावः
tāvacchabdo vipratipattyabhāvadyotakaḥ | hi niścaye | vandhyāputrādikalpanābhāve vandhyāputretyādikathaiva na yuktā syād iti bhāvaḥ | tataḥ kim ity | atrāha sā iti | sā vandhyāputrādikalpanā | asatyatve 'pi nāśajanmāḍhyā nāśajanmayuktā | yathā bhavati | tathedaṃ dṛśyam | asatyatve 'pi nāśajanmāḍhyaṃ kiṃ na bhavet | bhavatv ity arthaḥ | tathā ca kva nu gacchatīti praśno yukta eveti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.