असंभवत्प्रमाणान्तरकार्यनिष्ठे ऽपि चेद्वाक्ये पुरुषसंबन्धात्सापेक्षत्वम्, पुरुषबुद्धिपूर्वतैव तर्हि प्रमाणान्तरव्यपेक्षाकारणमन्वयव्यतिरेकाभ्याम् । तद्भावे लोके सापेक्षत्वात्, तदभावे वेदे निरपेक्षत्वात् । न विषये प्रमाणान्तरसंभवः, तदभावे ऽपि लोकनियोगे सापेक्षत्वदर्शनात् । अथ मतम् -- वेदे नियोगनिष्ठत्वं विनियोगप्रधानता । लोके वेदे न व्यपेक्षा तल्लोके च व्यपेक्षणम्
asaṃbhavatpramāṇāntarakāryaniṣṭhe 'pi cedvākye puruṣasaṃbandhātsāpekṣatvam, puruṣabuddhipūrvataiva tarhi pramāṇāntaravyapekṣākāraṇamanvayavyatirekābhyām / tadbhāve loke sāpekṣatvāt, tadabhāve vede nirapekṣatvāt / na viṣaye pramāṇāntarasaṃbhavaḥ, tadabhāve 'pi lokaniyoge sāpekṣatvadarśanāt / atha matam -- vede niyoganiṣṭhatvaṃ viniyogapradhānatā / loke vede na vyapekṣā talloke ca vyapekṣaṇam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.