धारयन्तः ॥ तिस्रो भूमीर् धारयंस् त्रीन्र् उत द्यूंस् त्रीणि व्रता विदथे अन्तर् एषाम् । ऋतेनादित्या महि वो महित्वं तद् अर्यमन् वरुण मित्र चारु ॥ यज्ञो देवानां प्रत्येतु सुम्नम् ॥ शुचिर् अपः सूयवसा अदब्धा उपक्षयन्ति वृद्धवयाः सुवीरः । नकिष् टं घ्नन्त्य् अन्तितो न दूराद् य आदित्यानां भवति प्रणीतौ ॥ आदित्यो देव उदगात् पुरस्ताद् विश्वा भूतानि प्रति मोदमानः । तस्य देवाः प्रसवं यन्ति सर्वे यत्रास्य नाम परमं गुहा विदुः ॥ यस्य भान्ति केतवो यस्य रश्मयो यस्येमा विश्वा भुवनानि सर्वा । तस्यादित्यस्य प्रसवं मनामहे यस् तेजसा प्रथमजा विभाति ॥ विभाति केतुर् अरुणः पुरस्ताद् आदित्यो विश्वा भुवनानि सर्वा । सुगं नु पन्थाम् अन्वेति प्रजानन् पिता देवानाम् असुरो विपश्चित् ॥ व्रतेन यं व्रतिनो वर्धयन्ति देवा मनुष्याः पितरश् च सर्वे । तस्यादित्यस्य प्रसवं मनामहे यस् तेजसा प्रथमजा विभाति ॥ आदित्यः शुक्र उदगात् पुरस्ताज् ज्योतिः कृण्वन् वि तमो बाधमानः । आभासमानः प्रदिशो नु सर्वा भद्रस्य कर्ता रोचमाना आगात् ॥ यदेद् एनम् अदधुर् यज्ञियासो दिवि देवाः सूर्यम् आदितेयम् । यदा चरिष्णू मिथुना अभूताम् आद् इत् प्रापश्यन् भुवनानि विश्वा
dhārayantaḥ // tisro bhūmīr dhārayaṃs trīnr uta dyūṃs trīṇi vratā vidathe antar eṣām / ṛtenādityā mahi vo mahitvaṃ tad aryaman varuṇa mitra cāru // yajño devānāṃ pratyetu sumnam // śucir apaḥ sūyavasā adabdhā upakṣayanti vṛddhavayāḥ suvīraḥ / nakiṣ ṭaṃ ghnanty antito na dūrād ya ādityānāṃ bhavati praṇītau // ādityo deva udagāt purastād viśvā bhūtāni prati modamānaḥ / tasya devāḥ prasavaṃ yanti sarve yatrāsya nāma paramaṃ guhā viduḥ // yasya bhānti ketavo yasya raśmayo yasyemā viśvā bhuvanāni sarvā / tasyādityasya prasavaṃ manāmahe yas tejasā prathamajā vibhāti // vibhāti ketur aruṇaḥ purastād ādityo viśvā bhuvanāni sarvā / sugaṃ nu panthām anveti prajānan pitā devānām asuro vipaścit // vratena yaṃ vratino vardhayanti devā manuṣyāḥ pitaraś ca sarve / tasyādityasya prasavaṃ manāmahe yas tejasā prathamajā vibhāti // ādityaḥ śukra udagāt purastāj jyotiḥ kṛṇvan vi tamo bādhamānaḥ / ābhāsamānaḥ pradiśo nu sarvā bhadrasya kartā rocamānā āgāt // yaded enam adadhur yajñiyāso divi devāḥ sūryam āditeyam / yadā cariṣṇū mithunā abhūtām ād it prāpaśyan bhuvanāni viśvā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.