क्अ इ,१८२।२-१३ रो इ,५४१-५४२ आदिः अन्त्येन सह इति असम्प्रत्ययः सञ्ज्ञिनः अनिर्देशात् । आदिः अन्त्येन सह इति असम्प्रत्ययः । किम् कारणम् । सञ्ज्ञिनः अनिर्देशात् । न हि सञ्ज्ञिनः निर्दिश्यन्ते । सिद्धम् तु आदिः इता सह तन्मध्यस्य इति वचनात् । सिद्धम् एतत् । कथम् । आदिः अन्त्येन सह इता गृह्यमाणः स्वस्य च रूपस्य ग्राहकः तन्मध्यानाम् च इति वक्तव्यम् । सम्बन्धिशब्दैः वा तुल्यम् । सम्बन्धिशब्दैः वा तुल्यम् एतत् । तत् यथा सम्बन्धिशब्दाः : मातरि वर्तितव्यम् , पितरि शुश्रूषितव्यम् इति । न च उच्यते स्वस्याम् मातरि स्वस्मिन् पितरि इति सम्बन्धात् च गम्यते या यस्य माता यः च यस्य पिता इति । एवम् इह अपि आदिः अन्त्यः इति सम्बन्धिशब्दौ एतौ । तत्र सम्बन्धात् एतत् गन्तव्यम् : यम् प्रति आदिः अन्त्यः इति च भवति तस्य ग्रहणम् भवति स्वस्य च रूपस्य इति ।
KA I,182.2-13 Ro I,541-542 ādiḥ antyena saha iti asampratyayaḥ sañjñinaḥ anirdeśāt . ādiḥ antyena saha iti asampratyayaḥ . kim kāraṇam . sañjñinaḥ anirdeśāt . na hi sañjñinaḥ nirdiśyante . siddham tu ādiḥ itā saha tanmadhyasya iti vacanāt . siddham etat . katham . ādiḥ antyena saha itā gṛhyamāṇaḥ svasya ca rūpasya grāhakaḥ tanmadhyānām ca iti vaktavyam . sambandhiśabdaiḥ vā tulyam . sambandhiśabdaiḥ vā tulyam etat . tat yathā sambandhiśabdāḥ : mātari vartitavyam , pitari śuśrūṣitavyam iti . na ca ucyate svasyām mātari svasmin pitari iti sambandhāt ca gamyate yā yasya mātā yaḥ ca yasya pitā iti . evam iha api ādiḥ antyaḥ iti sambandhiśabdau etau . tatra sambandhāt etat gantavyam : yam prati ādiḥ antyaḥ iti ca bhavati tasya grahaṇam bhavati svasya ca rūpasya iti .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.