क्अ इ,१९४।१८-१९५।२ रो इइ,१४ किमर्थम् इदम् उच्यते । इन्धेः सम्योगार्थम् वचनम् भवतेः पिदर्थम् । अयम् योगः शक्यः अवक्तुम् । कथम् । इन्धेः छन्दोविषयत्वात् भुवः वुकः नित्यत्वात् ताभ्याम् किद्वचनानर्थक्यम् । इन्धेः छन्दोविषयः लिट् । न हि अन्तरेण छन्दः इन्धेः अनन्तरः लिट् लभ्यः । आमा भाषायाम् भवितव्यम् । भुवः वुकः नित्यत्वात् । भवतेः अपि नित्यः वुक् । कृते अपि प्राप्नोति अकृते अपि । ताभ्याम् किद्वचनानर्थक्यम् । ताभ्याम् इन्धिभवितिभ्याम् किद्वचनम् अनर्थकम् ।
KA I,194.18-195.2 Ro II,14 kimartham idam ucyate . indheḥ samyogārtham vacanam bhavateḥ pidartham . ayam yogaḥ śakyaḥ avaktum . katham . indheḥ chandoviṣayatvāt bhuvaḥ vukaḥ nityatvāt tābhyām kidvacanānarthakyam . indheḥ chandoviṣayaḥ liṭ . na hi antareṇa chandaḥ indheḥ anantaraḥ liṭ labhyaḥ . āmā bhāṣāyām bhavitavyam . bhuvaḥ vukaḥ nityatvāt . bhavateḥ api nityaḥ vuk . kṛte api prāpnoti akṛte api . tābhyām kidvacanānarthakyam . tābhyām indhibhavitibhyām kidvacanam anarthakam .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.