क्अ इइ,९५।१६-९६।११ रो इइइ,२२३-२२५ शीलिकामिभक्ष्याचरिभ्यः णः पूर्वपदप्रकृतिस्वरत्वम् च । शीलिकामिभक्ष्याचरिभ्यः णः वक्तव्यः पूर्वपदप्रकृतिस्वरत्वम् च वक्तव्यम् । शीलि । मांसशीलः मांसशीला । शीलि । कामि । मांसकामः मांसकामा । कामि । भक्षि । मांसभक्षः मांसभक्षा । भक्षि आचरि । कल्याणाचारः कल्याणाचारा । ईक्षिक्षमिभ्याम् च । ईक्षिक्षमिभ्याम् च इति वक्तव्यम् । सुखप्रतीक्षः सुखप्रतीक्षा । कल्याणक्षमः कल्याणक्षमा । किमर्थम् इदम् उच्यते । पूर्वपदप्रकृत्स्वरत्वम् च वक्ष्यामि ईकारः च मा भूत् इति । न एतत् अस्ति प्रयोजनम् । इह यः मांसम् भक्षयति मांसम् तस्य भक्षः भवति । यः असौ भक्षयतेः अच् तदन्तेन बहुव्रीहिः । एवम् तर्हि सिद्धे सति यत् कर्मोपपदम् णम् शास्ति तत् ज्ञापयति आचार्यः समाने अर्थे केवलम् विग्रहभेदात् यत्र कर्मोपपदः च प्राप्नोति बहुव्रीहिः च कर्मोपपदः तत्र भवति इति । किम् एतस्य ज्ञापने प्रयोजनम् । काण्डलावः । काण्डानि लावः अस्य इति बहुव्रीहिः न भवति । भवति तु बहुर्वीहिः अपि । मांसे कामः अस्य मांसकामः मांसकामकः इति वा । न तु अम्भोभिगमा । न तु इदम् भवति अम्भः अभिगमः अस्याः इति । किम् तर्हि । अम्भोभिगामी इति एव भवति । काण्डलावे अपि च विग्रहाभावात् न ज्ञापकस्य प्रयोजनम् भवति इति । न एषः अस्ति विग्रहः काण्डानि लावः अस्य इति । आन्नादाय इति च कृताम् व्यत्ययः छन्दसि । आन्नादाय इति च कृताम् व्यत्ययः छन्दसि द्रष्टव्यः । अन्नादाय अन्नपतये । ये आहुतिम् अन्नादीम् कृत्वा ।
KA II,95.16-96.11 Ro III,223-225 śīlikāmibhakṣyācaribhyaḥ ṇaḥ pūrvapadaprakṛtisvaratvam ca . śīlikāmibhakṣyācaribhyaḥ ṇaḥ vaktavyaḥ pūrvapadaprakṛtisvaratvam ca vaktavyam . śīli . māṃsaśīlaḥ māṃsaśīlā . śīli . kāmi . māṃsakāmaḥ māṃsakāmā . kāmi . bhakṣi . māṃsabhakṣaḥ māṃsabhakṣā . bhakṣi ācari . kalyāṇācāraḥ kalyāṇācārā . īkṣikṣamibhyām ca . īkṣikṣamibhyām ca iti vaktavyam . sukhapratīkṣaḥ sukhapratīkṣā . kalyāṇakṣamaḥ kalyāṇakṣamā . kimartham idam ucyate . pūrvapadaprakṛtsvaratvam ca vakṣyāmi īkāraḥ ca mā bhūt iti . na etat asti prayojanam . iha yaḥ māṃsam bhakṣayati māṃsam tasya bhakṣaḥ bhavati . yaḥ asau bhakṣayateḥ ac tadantena bahuvrīhiḥ . evam tarhi siddhe sati yat karmopapadam ṇam śāsti tat jñāpayati ācāryaḥ samāne arthe kevalam vigrahabhedāt yatra karmopapadaḥ ca prāpnoti bahuvrīhiḥ ca karmopapadaḥ tatra bhavati iti . kim etasya jñāpane prayojanam . kāṇḍalāvaḥ . kāṇḍāni lāvaḥ asya iti bahuvrīhiḥ na bhavati . bhavati tu bahurvīhiḥ api . māṃse kāmaḥ asya māṃsakāmaḥ māṃsakāmakaḥ iti vā . na tu ambhobhigamā . na tu idam bhavati ambhaḥ abhigamaḥ asyāḥ iti . kim tarhi . ambhobhigāmī iti eva bhavati . kāṇḍalāve api ca vigrahābhāvāt na jñāpakasya prayojanam bhavati iti . na eṣaḥ asti vigrahaḥ kāṇḍāni lāvaḥ asya iti . ānnādāya iti ca kṛtām vyatyayaḥ chandasi . ānnādāya iti ca kṛtām vyatyayaḥ chandasi draṣṭavyaḥ . annādāya annapataye . ye āhutim annādīm kṛtvā .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.