क्अ इइ,१०५।२२-१०६।११ रो इइइ,२४०-२४१ किमर्थम् खिष्णुच् इकारादिः क्रियते न क्स्नुः इति एव उच्येत । तत्र अयम् अपि अर्थः । स्वरार्थः चकारः न कर्तव्यः भवति । केन इदानीम् इकारादित्वम् क्रियते । इष्णुचः इकारादित्वम् उदात्तत्वात् कृतम् भुवः । भवतेः उदात्तत्वात् इकारादित्वम् भविष्यति । इदम् तर्हि प्रयोजनम् । खित् अयम् क्रियते । तत्र चर्त्वे कृते स्यात् । कित् वा खित् वा इति । सन्देहमात्रम् एतत् भवति । सर्वसन्देहेषु च इदम् उपतिष्ठते । व्याख्यानतः विशेषप्रतिपत्तिः । न हि सन्देहात् अलक्षणम् इति । खित् इति व्याख्यास्यामः । नञः तु स्वरसिद्ध्यर्थम् इकारादित्वम् इष्णुचः । इदम् तर्हि प्रयोजनम् । कृत्योकेष्णुच्चार्वादयः च इति एषः स्वरः यथा स्यात् । एतत् अपि न अस्ति प्रयोजनम् । अयम् अपि इटि कृते षत्वे च इष्णुच् भविष्यति । न सिध्यति । लक्षणप्रतिपदोक्तयोः प्रतिपदोक्तस्य एव इति । अथ वा असिद्धम् खलु अपि षत्वम् । षत्वस्य असिद्धत्वात् इस्नुच् एव भवति । इष्णुचः इकारादित्वम् उदात्तत्वात् कृतम् भुवः । नञः तु स्वरसिद्ध्यर्थम् इकारादित्वम् इष्णुचः ।
KA II,105.22-106.11 Ro III,240-241 kimartham khiṣṇuc ikārādiḥ kriyate na ksnuḥ iti eva ucyeta . tatra ayam api arthaḥ . svarārthaḥ cakāraḥ na kartavyaḥ bhavati . kena idānīm ikārāditvam kriyate . iṣṇucaḥ ikārāditvam udāttatvāt kṛtam bhuvaḥ . bhavateḥ udāttatvāt ikārāditvam bhaviṣyati . idam tarhi prayojanam . khit ayam kriyate . tatra cartve kṛte syāt . kit vā khit vā iti . sandehamātram etat bhavati . sarvasandeheṣu ca idam upatiṣṭhate . vyākhyānataḥ viśeṣapratipattiḥ . na hi sandehāt alakṣaṇam iti . khit iti vyākhyāsyāmaḥ . nañaḥ tu svarasiddhyartham ikārāditvam iṣṇucaḥ . idam tarhi prayojanam . kṛtyokeṣṇuccārvādayaḥ ca iti eṣaḥ svaraḥ yathā syāt . etat api na asti prayojanam . ayam api iṭi kṛte ṣatve ca iṣṇuc bhaviṣyati . na sidhyati . lakṣaṇapratipadoktayoḥ pratipadoktasya eva iti . atha vā asiddham khalu api ṣatvam . ṣatvasya asiddhatvāt isnuc eva bhavati . iṣṇucaḥ ikārāditvam udāttatvāt kṛtam bhuvaḥ . nañaḥ tu svarasiddhyartham ikārāditvam iṣṇucaḥ .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.