क्अ इइ।३४४।११-३४५।७ रो इव्।२५-२७ किम् पुनः इमे ठगादयः प्राक् अर्हात् भवन्ति आहोस्वित् सह अर्हेण । कः च अत्र विशेषः । ठगादयः प्राक् अर्हात् चेत् अर्हे तद्विधिः । ठगादयः प्राक् अर्हात् चेत् अर्हे तद्विधिः । अर्हे ठगादयः विधेयाः । शतम् अर्हति शत्यः शतिकः । साहरः इति । वस्ने वसनात् सिद्धम् । इह यः शतम् अर्हति शतम् तस्य वस्नः भवति । तत्र सः अस्य अंशवस्नभृतयः इति एव सिद्धम् । वस्ने वचनात् सिद्धम् इति चेत् मांसौदनिकादिषु अप्राप्तिः । वस्ने वचनात् सिद्धम् इति चेत् मांसौदनिकादिषु अप्राप्तिः । मांसौदनिकः अतिथिः श्वैतच्छत्रिकः कालायसूपिकः । तथा गुणानाम् परिप्रश्नः भवति । किम् अयम् ब्राह्मणः अर्हति । शतम् अर्हति शत्यः शतिकः साहस्रः नैष्किकः इति न सिध्यति । सन्तु तर्हि सहार्हेण । आ अर्हात् चेत् भोजनादिषु अत्र्प्रसङ्गः । आ अर्हात् चेत् भोजनादिषु अत्र्प्रसङ्गः भवति । भोजनम् अर्हति । पानम् अर्हति इति । किम् उच्यते भोजनादिषु अत्र्प्रसङ्गः इति यदा छेदादिभ्यः इति उच्यते । अवश्यम् मांसौदनिकाद्यर्थम् योगविभागः कर्तव्यः । तत् अर्हति । ततः छेदादिभ्यः नित्यम् इति । तस्मिन् क्रियमाणे भोजनादिषु अत्र्प्रसङ्गः भवति । उक्तम् वा । किम् उक्तम् । अनभिधानात् इति । अनभिधानात् भोजनादिषु अतिप्रसङ्गः न भवति [र्: भविष्यति] । अथ वा योगविभागः न करिष्यते । कथम् मांसौदनिकः अतिथिः श्वैतच्छत्रिकः कालायसूपिकः । अस्मिन् दीयते अस्मै इति च एवम् एतत् सिद्धम् । अथ वा पुनः अस्तु प्राक् अर्हात् । ननु च उक्तम् ठगादयः प्राक् अर्हात् चेत् अर्हे तद्विधिः इति । परिहृतम् एतत् वस्ने वचनात् सिद्धम् इति । ननु च उक्तम् वस्ने वचनात् सिद्धम् इति चेत् मांसौदनिकादिषु अप्राप्तिः । मांसौदनिकः अतिथिः श्वैतच्छत्रिकः कालायसूपिकः । तथा गुणानाम् परिप्रश्नः भवति । किम् अयम् ब्राह्मणः अर्हति । शतम् अर्हति शत्यः शतिकः साहस्रः नैष्किकः इति न सिध्यति । न एषः दोषः । अस्मिन् दीयते अस्मै इति च एवम् एतत् सिद्धम् ।
KA II.344.11-345.7 Ro IV.25-27 kim punaḥ ime ṭhagādayaḥ prāk arhāt bhavanti āhosvit saha arheṇa . kaḥ ca atra viśeṣaḥ . ṭhagādayaḥ prāk arhāt cet arhe tadvidhiḥ . ṭhagādayaḥ prāk arhāt cet arhe tadvidhiḥ . arhe ṭhagādayaḥ vidheyāḥ . śatam arhati śatyaḥ śatikaḥ . sāharaḥ iti . vasne vasanāt siddham . iha yaḥ śatam arhati śatam tasya vasnaḥ bhavati . tatra saḥ asya aṃśavasnabhṛtayaḥ iti eva siddham . vasne vacanāt siddham iti cet māṃsaudanikādiṣu aprāptiḥ . vasne vacanāt siddham iti cet māṃsaudanikādiṣu aprāptiḥ . māṃsaudanikaḥ atithiḥ śvaitacchatrikaḥ kālāyasūpikaḥ . tathā guṇānām paripraśnaḥ bhavati . kim ayam brāhmaṇaḥ arhati . śatam arhati śatyaḥ śatikaḥ sāhasraḥ naiṣkikaḥ iti na sidhyati . santu tarhi sahārheṇa . ā arhāt cet bhojanādiṣu atrprasaṅgaḥ . ā arhāt cet bhojanādiṣu atrprasaṅgaḥ bhavati . bhojanam arhati . pānam arhati iti . kim ucyate bhojanādiṣu atrprasaṅgaḥ iti yadā chedādibhyaḥ iti ucyate . avaśyam māṃsaudanikādyartham yogavibhāgaḥ kartavyaḥ . tat arhati . tataḥ chedādibhyaḥ nityam iti . tasmin kriyamāṇe bhojanādiṣu atrprasaṅgaḥ bhavati . uktam vā . kim uktam . anabhidhānāt iti . anabhidhānāt bhojanādiṣu atiprasaṅgaḥ na bhavati [R: bhaviṣyati] . atha vā yogavibhāgaḥ na kariṣyate . katham māṃsaudanikaḥ atithiḥ śvaitacchatrikaḥ kālāyasūpikaḥ . asmin dīyate asmai iti ca evam etat siddham . atha vā punaḥ astu prāk arhāt . nanu ca uktam ṭhagādayaḥ prāk arhāt cet arhe tadvidhiḥ iti . parihṛtam etat vasne vacanāt siddham iti . nanu ca uktam vasne vacanāt siddham iti cet māṃsaudanikādiṣu aprāptiḥ . māṃsaudanikaḥ atithiḥ śvaitacchatrikaḥ kālāyasūpikaḥ . tathā guṇānām paripraśnaḥ bhavati . kim ayam brāhmaṇaḥ arhati . śatam arhati śatyaḥ śatikaḥ sāhasraḥ naiṣkikaḥ iti na sidhyati . na eṣaḥ doṣaḥ . asmin dīyate asmai iti ca evam etat siddham .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.