क्अ इइइ।२१४।९-२५ रो इव्।७५९-७६० चिणः लुकि तग्रहणम् कर्तव्यम् । किम् प्रयोजनम् । इह मा भूत् : अकारितराम् , अहारितराम् इति । चिणः लुकि तग्रहणानर्थक्यम् सङ्घातस्य अप्रत्ययत्वात् । चिणः लुकि तग्रहणम् अनर्थकम् । किम् कारणम् । सङ्घातस्य अप्रत्ययत्वात् । सङ्घातस्य लुक् कस्मात् न भवति । अप्रत्ययत्वात् । प्रत्ययस्य लुक्श्लुलुपः भवन्ति इति उच्यते न च सङ्घातः प्रत्ययः । तलोपे तर्हि कृते परस्य प्राप्नोति । तलोपस्य च असिद्धत्वात् । असिद्धः तलोपः । तस्य असिद्धत्वात् न भविष्यति । कार्यकृतत्वात् वा । अथ वा कृतः चिणः लुक् इति कृत्वा पुनः न भविष्यति लुक् । तत् यथा वसन्ते ब्राह्मणः अग्नीन् आदधीत इति सकृत् आधाय कृतः शास्त्रार्थः इति कृत्वा पुनः प्रवृत्तिः न भवति । विषमः उपन्यासः । युक्तम् यत् तस्य एव पुनः प्रवृत्तिः न स्यात् । यत् तु तदाश्रयम् प्राप्नोति न तत् शक्यम् बाधितुम् । तत् यथा वसन्ते ब्राह्मणः अग्निष्टोमादिभिः क्रतुभिः यजेत इति अग्न्याधाननिमित्तम् वसन्ते वसन्ते इज्यते । तस्मात् पूर्वोक्तौ एव परिहारौ । अथ वा क्ङिति इति वर्तते । क्व प्रकृतम् । गमहनजनखनघसाम् लोपः क्ङिति अनङि इति । तत् वै सप्तमीनिर्दिष्टम् षष्ठीनिर्दिष्टेन च इह अर्थः । चिणः लुक् इति एषा पञ्चमी क्ङिति इति सप्तम्याः षष्ठीम् प्रकल्पयिष्यति तस्मात् इति उत्तरस्य इति ।
KA III.214.9-25 Ro IV.759-760 ciṇaḥ luki tagrahaṇam kartavyam . kim prayojanam . iha mā bhūt : akāritarām , ahāritarām iti . ciṇaḥ luki tagrahaṇānarthakyam saṅghātasya apratyayatvāt . ciṇaḥ luki tagrahaṇam anarthakam . kim kāraṇam . saṅghātasya apratyayatvāt . saṅghātasya luk kasmāt na bhavati . apratyayatvāt . pratyayasya lukślulupaḥ bhavanti iti ucyate na ca saṅghātaḥ pratyayaḥ . talope tarhi kṛte parasya prāpnoti . talopasya ca asiddhatvāt . asiddhaḥ talopaḥ . tasya asiddhatvāt na bhaviṣyati . kāryakṛtatvāt vā . atha vā kṛtaḥ ciṇaḥ luk iti kṛtvā punaḥ na bhaviṣyati luk . tat yathā vasante brāhmaṇaḥ agnīn ādadhīta iti sakṛt ādhāya kṛtaḥ śāstrārthaḥ iti kṛtvā punaḥ pravṛttiḥ na bhavati . viṣamaḥ upanyāsaḥ . yuktam yat tasya eva punaḥ pravṛttiḥ na syāt . yat tu tadāśrayam prāpnoti na tat śakyam bādhitum . tat yathā vasante brāhmaṇaḥ agniṣṭomādibhiḥ kratubhiḥ yajeta iti agnyādhānanimittam vasante vasante ijyate . tasmāt pūrvoktau eva parihārau . atha vā kṅiti iti vartate . kva prakṛtam . gamahanajanakhanaghasām lopaḥ kṅiti anaṅi iti . tat vai saptamīnirdiṣṭam ṣaṣṭhīnirdiṣṭena ca iha arthaḥ . ciṇaḥ luk iti eṣā pañcamī kṅiti iti saptamyāḥ ṣaṣṭhīm prakalpayiṣyati tasmāt iti uttarasya iti .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.