क्अ इइइ।२०७।९-२१ रो इव्।७४१-७४३ अथ इड्ग्रहणम् किमर्थम् । इड्ग्रहणम् अक्ङिदर्थम् । इड्ग्रहणम् क्रियते अक्ङिति लोपः यथा स्यात् : पपिथ तस्थिथ इति । सार्वधातुके च आदि इति आर्धधातुकाधिकारात् उपसङ्ख्यानम् । सार्वधातुके च आदि इति आर्धधातुकाधिकारात् उपसङ्ख्यानम् कर्तव्यम् । इषम् ऊर्जम् अहम् इतः आदि । ननु च क्ङिति इति वर्तमाने यथा एव इड्ग्रहणम् अक्ङिदर्थम् एवम् आर्धधातुके इति अपि वर्तमाने इड्ग्रहणम् सार्वधातुकार्थम् भविष्यति । न सिध्यति । किम् कारणम् । न हि क्ङिता अच् विशेष्यते : अचि भवति । कतरस्मिन् । क्ङिति इति । किम् तर्हि अचा क्ङित् विशेष्यते : क्ङिति भवति । कतरस्मिन् । अचि इति । किम् पुनः कारणम् अचा क्ङित् विशेष्यते । यथा इट् अपि अज्ग्रहणेन विशेष्यते । अस्ति च इदानीम् क्व चित् इट् अनजादिः यदर्थः विधिः स्यात् । अस्ति इति आह : दासीय धासीय । तत् तर्हि उपसङ्ख्यानम् कर्तव्यम् । न कर्तव्यम् । आर्धधातुकग्रहणात् सिद्धम् । कथम् । आर्धधातुकत्वम् । उभयथा छन्दसि इति वचनात् । अन्ये अपि धातुप्रत्ययाः उभयथा छन्दसि दृश्यन्ते ।
KA III.207.9-21 Ro IV.741-743 atha iḍgrahaṇam kimartham . iḍgrahaṇam akṅidartham . iḍgrahaṇam kriyate akṅiti lopaḥ yathā syāt : papitha tasthitha iti . sārvadhātuke ca ādi iti ārdhadhātukādhikārāt upasaṅkhyānam . sārvadhātuke ca ādi iti ārdhadhātukādhikārāt upasaṅkhyānam kartavyam . iṣam ūrjam aham itaḥ ādi . nanu ca kṅiti iti vartamāne yathā eva iḍgrahaṇam akṅidartham evam ārdhadhātuke iti api vartamāne iḍgrahaṇam sārvadhātukārtham bhaviṣyati . na sidhyati . kim kāraṇam . na hi kṅitā ac viśeṣyate : aci bhavati . katarasmin . kṅiti iti . kim tarhi acā kṅit viśeṣyate : kṅiti bhavati . katarasmin . aci iti . kim punaḥ kāraṇam acā kṅit viśeṣyate . yathā iṭ api ajgrahaṇena viśeṣyate . asti ca idānīm kva cit iṭ anajādiḥ yadarthaḥ vidhiḥ syāt . asti iti āha : dāsīya dhāsīya . tat tarhi upasaṅkhyānam kartavyam . na kartavyam . ārdhadhātukagrahaṇāt siddham . katham . ārdhadhātukatvam . ubhayathā chandasi iti vacanāt . anye api dhātupratyayāḥ ubhayathā chandasi dṛśyante .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.