Library·Ṛgveda Saṃhitā·1·1.165
कया शुभा सवयसः सनीळाः समान्या मरुतः सम् मिमिक्षुः । कया मती कुत एतास एते ऽर्चन्ति शुष्मं वृषणो वसूया ॥
kayā śubhā savayasaḥ sanīḷāḥ samānyā marutaḥ sam mimikṣuḥ | kayā matī kuta etāsa ete 'rcanti śuṣmaṃ vṛṣaṇo vasūyā ||
With what bright beauty are the Maruts jointly invested, peers in age, who dwell together? From what place have they come? With what intention? Sing they their strength through love of wealth, these Heroes?
Translated by Ralph T. H. Griffith (1896)
कस्य ब्रह्माणि जुजुषुर् युवानः को अध्वरे मरुत आ ववर्त । श्येनां इव ध्रजतो अन्तरिक्षे केन महा मनसा रीरमाम ॥
kasya brahmāṇi jujuṣur yuvānaḥ ko adhvare maruta ā vavarta | śyenāṃ iva dhrajato antarikṣe kena mahā manasā rīramāma ||
Whose prayers have they, the Youthful Ones, accepted? Who to his sacrifice hath turned the Maruts? We will delay them on their journey sweeping--with what high spirit!--through the air like eagles.
Translated by Ralph T. H. Griffith (1896)
कुतस् त्वम् इन्द्र माहिनः सन्न् एको यासि सत्पते किं त इत्था । सम् पृच्छसे समराणः शुभानैर् वोचेस् तन् नो हरिवो यत् ते अस्मे ॥
kutas tvam indra māhinaḥ sann eko yāsi satpate kiṃ ta itthā | sam pṛcchase samarāṇaḥ śubhānair voces tan no harivo yat te asme ||
Whence comest thou alone, thou who art mighty, Indra, Lord of the Brave? What is thy purpose? Thou greetest us when meeting us the Bright Ones. Lord of Bay Steeds, say what thou hast against us.
Translated by Ralph T. H. Griffith (1896)
ब्रह्माणि मे मतयः शं सुतासः शुष्म इयर्ति प्रभृतो मे अद्रिः । आ शासते प्रति हर्यन्त्य् उक्थेमा हरी वहतस् ता नो अच्छ ॥
brahmāṇi me matayaḥ śaṃ sutāsaḥ śuṣma iyarti prabhṛto me adriḥ | ā śāsate prati haryanty ukthemā harī vahatas tā no accha ||
Mine are devotions, hymns; sweet are libations. Strength stirs, and hurled forth is my bolt of thunder. They call for me, their lauds are longing for me. These my Bay Steeds bear me to these oblations.
Translated by Ralph T. H. Griffith (1896)
अतो वयम् अन्तमेभिर् युजानाः स्वक्षत्रेभिस् तन्वः शुम्भमानाः । महोभिर् एतां उप युज्महे न्व् इन्द्र स्वधाम् अनु हि नो बभूथ ॥
ato vayam antamebhir yujānāḥ svakṣatrebhis tanvaḥ śumbhamānāḥ | mahobhir etāṃ upa yujmahe nv indra svadhām anu hi no babhūtha ||
Therefore together with our strong companions, having adorned our bodies, now we harness, Our spotted deer with might, for thou, O Indra, hast learnt and understood our Godlike nature.
Translated by Ralph T. H. Griffith (1896)
क्व स्या वो मरुतः स्वधासीद् यन् माम् एकं समधत्ताहिहत्ये । अहं ह्य् उग्रस् तविषस् तुविष्मान् विश्वस्य शत्रोर् अनमं वधस्नैः ॥
kva syā vo marutaḥ svadhāsīd yan mām ekaṃ samadhattāhihatye | ahaṃ hy ugras taviṣas tuviṣmān viśvasya śatror anamaṃ vadhasnaiḥ ||
Where was that nature then of yours, O Maruts, that ye charged me alone to slay the Dragon? For I in truth am fierce and strong and mighty. I bent away from every foeman's weapons.
Translated by Ralph T. H. Griffith (1896)
भूरि चकर्थ युज्येभिर् अस्मे समानेभिर् वृषभ पौंस्येभिः । भूरीणि हि कृणवामा शविष्ठेन्द्र क्रत्वा मरुतो यद् वशाम ॥
bhūri cakartha yujyebhir asme samānebhir vṛṣabha pauṃsyebhiḥ | bhūrīṇi hi kṛṇavāmā śaviṣṭhendra kratvā maruto yad vaśāma ||
Yea, much hast thou achieved with us for comrades, with manly valour like thine own, thou Hero. Much may we too achieve, O mightiest Indra, with our great power, we Maruts, when we will it.
Translated by Ralph T. H. Griffith (1896)
वधीं वृत्रम् मरुत इन्द्रियेण स्वेन भामेन तविषो बभूवान् । अहम् एता मनवे विश्वश्चन्द्राः सुगा अपश् चकर वज्रबाहुः ॥
vadhīṃ vṛtram maruta indriyeṇa svena bhāmena taviṣo babhūvān | aham etā manave viśvaścandrāḥ sugā apaś cakara vajrabāhuḥ ||
Vrtra I slew by mine own strength, O Maruts, having waxed mighty in mine indignation. I with the thunder in my hand created for man these lucid softly flowing waters.
Translated by Ralph T. H. Griffith (1896)
अनुत्तम् आ ते मघवन् नकिर् नु न त्वावां अस्ति देवता विदानः । न जायमानो नशते न जातो यानि करिष्या कृणुहि प्रवृद्ध ॥
anuttam ā te maghavan nakir nu na tvāvāṃ asti devatā vidānaḥ | na jāyamāno naśate na jāto yāni kariṣyā kṛṇuhi pravṛddha ||
Nothing, O Maghavan, stands firm before thee; among the Gods not one is found thine equal. None born or springing into life comes nigh thee. Do what thou hast to do, exceeding mighty?
Translated by Ralph T. H. Griffith (1896)
एकस्य चिन् मे विभ्व् अस्त्व् ओजो या नु दधृष्वान् कृणवै मनीषा । अहं ह्य् उग्रो मरुतो विदानो यानि च्यवम् इन्द्र इद् ईश एषाम् ॥
ekasya cin me vibhv astv ojo yā nu dadhṛṣvān kṛṇavai manīṣā | ahaṃ hy ugro maruto vidāno yāni cyavam indra id īśa eṣām ||
Mine only be transcendent power, whatever I, daring in my spirit, may accomplish. For I am known as terrible, O Maruts I, Indra, am the Lord of what I ruined.
Translated by Ralph T. H. Griffith (1896)
अमन्दन् मा मरुत स्तोमो अत्र यन् मे नरः श्रुत्यम् ब्रह्म चक्र । इन्द्राय वृष्णे सुमखाय मह्यं सख्ये सखायस् तन्वे तनूभिः ॥
amandan mā maruta stomo atra yan me naraḥ śrutyam brahma cakra | indrāya vṛṣṇe sumakhāya mahyaṃ sakhye sakhāyas tanve tanūbhiḥ ||
Now, O ye Maruts, hath your praise rejoiced me, the glorious hymn which ye have made me, Heroes! For me, for Indra, champion strong in battle, for me, yourselves, as lovers for a lover.
Translated by Ralph T. H. Griffith (1896)
एवेद् एते प्रति मा रोचमाना अनेद्यः श्रव एषो दधानाः । संचक्ष्या मरुतश् चन्द्रवर्णा अच्छान्त मे छदयाथा च नूनम् ॥
eved ete prati mā rocamānā anedyaḥ śrava eṣo dadhānāḥ | saṃcakṣyā marutaś candravarṇā acchānta me chadayāthā ca nūnam ||
Here, truly, they send forth their sheen to meet me, wearing their blameless glory and their vigour. When I have seen you, Maruts, in gay splendour, ye have delighted me, so now delight me.
Translated by Ralph T. H. Griffith (1896)
को न्व् अत्र मरुतो मामहे वः प्र यातन सखींर् अच्छा सखायः । मन्मानि चित्रा अपिवातयन्त एषाम् भूत नवेदा म ऋतानाम् ॥
ko nv atra maruto māmahe vaḥ pra yātana sakhīṃr acchā sakhāyaḥ | manmāni citrā apivātayanta eṣām bhūta navedā ma ṛtānām ||
Who here hath magnified you, O ye Maruts? speed forward, O ye lovers, to your lovers. Ye Radiant Ones, assisting their devotions, of these my holy rites he ye regardful.
Translated by Ralph T. H. Griffith (1896)
आ यद् दुवस्याद् दुवसे न कारुर् अस्माञ् चक्रे मान्यस्य मेधा । ओ षु वर्त्त मरुतो विप्रम् अच्छेमा ब्रह्माणि जरिता वो अर्चत् ॥
ā yad duvasyād duvase na kārur asmāñ cakre mānyasya medhā | o ṣu vartta maruto vipram acchemā brahmāṇi jaritā vo arcat ||
To this hath Manya's wisdom brought us, so as to aid, as aids the poet him who worships. Bring hither quick! On to the sage, ye Maruts! These prayers for you the singer hath recited.
Translated by Ralph T. H. Griffith (1896)
एष व स्तोमो मरुत इयं गीर् मान्दार्यस्य मान्यस्य कारोः । एषा यासीष्ट तन्वे वयां विद्यामेषं वृजनं जीरदानुम् ॥
eṣa va stomo maruta iyaṃ gīr māndāryasya mānyasya kāroḥ | eṣā yāsīṣṭa tanve vayāṃ vidyāmeṣaṃ vṛjanaṃ jīradānum ||
May this your praise, may this your song, O Maruts, sung by the poet, Mana's son, Mandarya, Bring offspring for ourselves with food to feed us. May we find strengthening food in full abundance!
Translated by Ralph T. H. Griffith (1896)