Library·Ṛgveda Saṃhitā·10·10.135
यस्मिन् वृक्षे सुपलाशे देवैः सम्पिबते यमः । अत्रा नो विश्पतिः पिता पुराणां अनु वेनति ॥
yasmin vṛkṣe supalāśe devaiḥ sampibate yamaḥ | atrā no viśpatiḥ pitā purāṇāṃ anu venati ||
In the Tree clothed with goodly leaves where Yama drinketh with the Gods, The Father, Master of the house, tendeth with love our ancient Sires.
Translated by Ralph T. H. Griffith (1896)
पुराणां अनुवेनन्तं चरन्तम् पापयामुया । असूयन्न् अभ्य् अचाकशं तस्मा अस्पृहयम् पुनः ॥
purāṇāṃ anuvenantaṃ carantam pāpayāmuyā | asūyann abhy acākaśaṃ tasmā aspṛhayam punaḥ ||
I looked reluctantly on him who cherishes those men of old, On him who treads that evil path, and then I yearned for this again.
Translated by Ralph T. H. Griffith (1896)
यं कुमार नवं रथम् अचक्रम् मनसाकृणोः । एकेषं विश्वतः प्राञ्चम् अपश्यन्न् अधि तिष्ठसि ॥
yaṃ kumāra navaṃ ratham acakram manasākṛṇoḥ | ekeṣaṃ viśvataḥ prāñcam apaśyann adhi tiṣṭhasi ||
Thou mountest, though thou dost not see, O Child, the new and wheel-less car Which thou hast fashioned mentally, one poled but turning every way.
Translated by Ralph T. H. Griffith (1896)
यं कुमार प्रावर्तयो रथं विप्रेभ्यस् परि । तं सामानु प्रावर्तत सम् इतो नाव्य् आहितम् ॥
yaṃ kumāra prāvartayo rathaṃ viprebhyas pari | taṃ sāmānu prāvartata sam ito nāvy āhitam ||
The car which thou hast made to roll hitherward from the Sages, Child! This hath the Saman followed close, hence, laid together on a ship.
Translated by Ralph T. H. Griffith (1896)
कः कुमारम् अजनयद् रथं को निर् अवर्तयत् । कः स्वित् तद् अद्य नो ब्रूयाद् अनुदेयी यथाभवत् ॥
kaḥ kumāram ajanayad rathaṃ ko nir avartayat | kaḥ svit tad adya no brūyād anudeyī yathābhavat ||
Who was the father of the child? Who made the chariot roll away? Who will this day declare to us how the funeral gift was made?
Translated by Ralph T. H. Griffith (1896)
यथाभवद् अनुदेयी ततो अग्रम् अजायत । पुरस्ताद् बुध्न आततः पश्चान् निरयणं कृतम् ॥
yathābhavad anudeyī tato agram ajāyata | purastād budhna ātataḥ paścān nirayaṇaṃ kṛtam ||
When the funeral gift was placed, straightway the point of flame appeared. A depth extended in the front: a passage out was made behind.
Translated by Ralph T. H. Griffith (1896)
इदं यमस्य सादनं देवमानं यद् उच्यते । इयम् अस्य धम्यते नाळीर् अयं गीर्भिः परिष्कृतः ॥
idaṃ yamasya sādanaṃ devamānaṃ yad ucyate | iyam asya dhamyate nāḷīr ayaṃ gīrbhiḥ pariṣkṛtaḥ ||
Here is the seat where Yama dwells, that which is called the Home of Gods: Here minstrels blow the flute for him here he is glorified with songs.
Translated by Ralph T. H. Griffith (1896)