Library·Ṛgveda Saṃhitā·6·6.51
उद् उ त्यच् चक्षुर् महि मित्रयोर् आं एति प्रियं वरुणयोर् अदब्धम् । ऋतस्य शुचि दर्शतम् अनीकं रुक्मो न दिव उदिता व्य् अद्यौत् ॥
ud u tyac cakṣur mahi mitrayor āṃ eti priyaṃ varuṇayor adabdham | ṛtasya śuci darśatam anīkaṃ rukmo na diva uditā vy adyaut ||
That mighty eye of Varuna and Mitra, infallible and dear, is moving upward. The pure and lovely face of holy Order hath shone like gold of heaven in its arising.
Translated by Ralph T. H. Griffith (1896)
वेद यस् त्रीणि विदथान्य् एषां देवानां जन्म सनुतर् आ च विप्रः । ऋजु मर्तेषु वृजिना च पश्यन्न् अभि चष्टे सूरो अर्य एवान् ॥
veda yas trīṇi vidathāny eṣāṃ devānāṃ janma sanutar ā ca vipraḥ | ṛju marteṣu vṛjinā ca paśyann abhi caṣṭe sūro arya evān ||
The Sage who knows these Gods' three ranks and orders, and all their generations near and distant, Beholding good and evil acts of mortals, Sura marks well the doing of the pious.
Translated by Ralph T. H. Griffith (1896)
स्तुष उ वो मह ऋतस्य गोपान् अदितिम् मित्रं वरुणं सुजातान् । अर्यमणम् भगम् अदब्धधीतीन् अच्छा वोचे सधन्यः पावकान् ॥
stuṣa u vo maha ṛtasya gopān aditim mitraṃ varuṇaṃ sujātān | aryamaṇam bhagam adabdhadhītīn acchā voce sadhanyaḥ pāvakān ||
I praise you Guards of mighty Law eternal, Aditi, Mitra, Varuna, the noble, Aryaman, Bhaga, all whose thoughts are faithful: hither I call the Bright who share in common.
Translated by Ralph T. H. Griffith (1896)
रिशादसः सत्पतींर् अदब्धान् महो राज्ञः सुवसनस्य दातॄन् । यूनः सुक्षत्रान् क्षयतो दिवो नॄन् आदित्यान् याम्य् अदितिं दुवोयु ॥
riśādasaḥ satpatīṃr adabdhān maho rājñaḥ suvasanasya dātṝn | yūnaḥ sukṣatrān kṣayato divo nṝn ādityān yāmy aditiṃ duvoyu ||
Lords of the brave, infallible, foe-destroyers, great Kings, bestowers of fair homes to dwell in, Young, Heroes, ruling heaven with strong dominion, Adityas, Aditi I seek with worship.
Translated by Ralph T. H. Griffith (1896)
द्यौष् पितः पृथिवि मातर् अध्रुग् अग्ने भ्रातर् वसवो मृळता नः । विश्व आदित्या अदिते सजोषा अस्मभ्यं शर्म बहुलं वि यन्त ॥
dyauṣ pitaḥ pṛthivi mātar adhrug agne bhrātar vasavo mṛḷatā naḥ | viśva ādityā adite sajoṣā asmabhyaṃ śarma bahulaṃ vi yanta ||
O Heaven our Father, Earth our guileless Mother, O Brother Agni, and ye Vasus, bless us. Grant us, O Aditi and ye Adityas, all of one mind, your manifold protection.
Translated by Ralph T. H. Griffith (1896)
मा नो वृकाय वृक्ये समस्मा अघायते रीरधता यजत्राः । यूयं हि ष्ठा रथ्यो नस् तनूनां यूयं दक्षस्य वचसो बभूव ॥
mā no vṛkāya vṛkye samasmā aghāyate rīradhatā yajatrāḥ | yūyaṃ hi ṣṭhā rathyo nas tanūnāṃ yūyaṃ dakṣasya vacaso babhūva ||
Give us not up to any evil creature, as spoil to wolf or she-wolf, O ye Holy. For ye are they who guide aright our bodies, ye are the rulers of our speech and vigour.
Translated by Ralph T. H. Griffith (1896)
मा व एनो अन्यकृतम् भुजेम मा तत् कर्म वसवो यच् चयध्वे । विश्वस्य हि क्षयथ विश्वदेवाः स्वयं रिपुस् तन्वं रीरिषीष्ट ॥
mā va eno anyakṛtam bhujema mā tat karma vasavo yac cayadhve | viśvasya hi kṣayatha viśvadevāḥ svayaṃ ripus tanvaṃ rīriṣīṣṭa ||
Let us not suffer for the sin of others, nor do the deed which ye, O Vasus, punish. Ye, Universal Gods! are all-controllers: may he do harm unto himself who hates Me.
Translated by Ralph T. H. Griffith (1896)
नम इद् उग्रं नम आ विवासे नमो दाधार पृथिवीम् उत द्याम् । नमो देवेभ्यो नम ईश एषां कृतं चिद् एनो नमसा विवासे ॥
nama id ugraṃ nama ā vivāse namo dādhāra pṛthivīm uta dyām | namo devebhyo nama īśa eṣāṃ kṛtaṃ cid eno namasā vivāse ||
Mighty is homage: I adopt and use it. Homage hath held in place the earth and heaven. Homage to Gods! Homage commands and rules them. I banish even committed sin by homage
Translated by Ralph T. H. Griffith (1896)
ऋतस्य वो रथ्यः पूतदक्षान् ऋतस्य पस्त्यसदो अदब्धान् । तां आ नमोभिर् उरुचक्षसो नॄन् विश्वान् व आ नमे महो यजत्राः ॥
ṛtasya vo rathyaḥ pūtadakṣān ṛtasya pastyasado adabdhān | tāṃ ā namobhir urucakṣaso nṝn viśvān va ā name maho yajatrāḥ ||
You Furtherers of Law, pure in your spirit, infallible, dwellers in the home of Order, To you all Heroes mighty and far-seeing I bow me down, O Holy Ones, with homage.
Translated by Ralph T. H. Griffith (1896)
ते हि श्रेष्ठवर्चसस् त उ नस् तिरो विश्वानि दुरिता नयन्ति । सुक्षत्रासो वरुणो मित्रो अग्निर् ऋतधीतयो वक्मराजसत्याः ॥
te hi śreṣṭhavarcasas ta u nas tiro viśvāni duritā nayanti | sukṣatrāso varuṇo mitro agnir ṛtadhītayo vakmarājasatyāḥ ||
For these are they who shine with noblest splendour; through all our troubles these conduct us safely- Varuna, Mitra, Agni, mighty Rulers, trueminded, faithful to the hymn's controllers.
Translated by Ralph T. H. Griffith (1896)
ते न इन्द्रः पृथिवी क्षाम वर्धन् पूषा भगो अदितिः पञ्च जनाः । सुशर्माणः स्ववसः सुनीथा भवन्तु नः सुत्रात्रासः सुगोपाः ॥
te na indraḥ pṛthivī kṣāma vardhan pūṣā bhago aditiḥ pañca janāḥ | suśarmāṇaḥ svavasaḥ sunīthā bhavantu naḥ sutrātrāsaḥ sugopāḥ ||
May they, Earth, Aditi, Indra, Bhaga, Pusan increase our laud, increase the Fivefold people. Giving good help, good refuge, goodly guidance, be they our good deliverers, good protectors.
Translated by Ralph T. H. Griffith (1896)
नू सद्मानं दिव्यं नंशि देवा भारद्वाजः सुमतिं याति होता । आसानेभिर् यजमानो मियेधैर् देवानां जन्म वसूयुर् ववन्द ॥
nū sadmānaṃ divyaṃ naṃśi devā bhāradvājaḥ sumatiṃ yāti hotā | āsānebhir yajamāno miyedhair devānāṃ janma vasūyur vavanda ||
Come now, O Gods, to your celestial station: the Bharadvajas' priest entreats your favour. He, sacrificing, fain for wealth, hath honoured the Gods vath those who sit and share oblations.
Translated by Ralph T. H. Griffith (1896)
अप त्यं वृजिनं रिपुं स्तेनम् अग्ने दुराध्यम् । दविष्ठम् अस्य सत्पते कृधी सुगम् ॥
apa tyaṃ vṛjinaṃ ripuṃ stenam agne durādhyam | daviṣṭham asya satpate kṛdhī sugam ||
Agni, drive thou the wicked foe, the evil-hearted thief away, Far, far, Lord of the brave I and give us easy paths.
Translated by Ralph T. H. Griffith (1896)
ग्रावाणः सोम नो हि कं सखित्वनाय वावशुः । जही न्य् अत्रिणम् पणिं वृको हि षः ॥
grāvāṇaḥ soma no hi kaṃ sakhitvanāya vāvaśuḥ | jahī ny atriṇam paṇiṃ vṛko hi ṣaḥ ||
Soma, these pressing-stones have called aloud to win thee for our Friend. Destroy the greedy Pani, for a wolf is he.
Translated by Ralph T. H. Griffith (1896)
यूयं हि ष्ठा सुदानव इन्द्रज्येष्ठा अभिद्यवः । कर्ता नो अध्वन्न् आ सुगं गोपा अमा ॥
yūyaṃ hi ṣṭhā sudānava indrajyeṣṭhā abhidyavaḥ | kartā no adhvann ā sugaṃ gopā amā ||
Ye, O most bountiful, are they who, led by Indra, seek the sky. Give us good paths for travel: guard us ivell at home.
Translated by Ralph T. H. Griffith (1896)
अपि पन्थाम् अगन्महि स्वस्तिगाम् अनेहसम् । येन विश्वाः परि द्विषो वृणक्ति विन्दते वसु ॥
api panthām aganmahi svastigām anehasam | yena viśvāḥ pari dviṣo vṛṇakti vindate vasu ||
Now have we entered on the road that leads to bliss, without a foe, The road whereon a man escapes all enemies and gathers wealth.
Translated by Ralph T. H. Griffith (1896)