Library·Ṛgveda Saṃhitā·8·8.12
य इन्द्र सोमपातमो मदः शविष्ठ चेतति । येना हंसि न्य् अत्रिणं तम् ईमहे ॥
ya indra somapātamo madaḥ śaviṣṭha cetati | yenā haṃsi ny atriṇaṃ tam īmahe ||
Joy, Mightiest Indra, known and marked, sprung most from Soma-draughts, wherewith Thou smitest down the greedy fiend, for that we long.
Translated by Ralph T. H. Griffith (1896)
येना दशग्वम् अध्रिगुं वेपयन्तं स्वर्णरम् । येना समुद्रम् आविथा तम् ईमहे ॥
yenā daśagvam adhriguṃ vepayantaṃ svarṇaram | yenā samudram āvithā tam īmahe ||
Wherewith thou bolpest Adhrigu, the great Dasagva, and the God Who stirs the sunlight, and the sea, for that we long.
Translated by Ralph T. H. Griffith (1896)
येन सिन्धुम् महीर् अपो रथां इव प्रचोदयः । पन्थाम् ऋतस्य यातवे तम् ईमहे ॥
yena sindhum mahīr apo rathāṃ iva pracodayaḥ | panthām ṛtasya yātave tam īmahe ||
Wherewith thou dravest forth like cars Sindhu and all the mighty floods To go the way ordained by Law, for that we long.
Translated by Ralph T. H. Griffith (1896)
इमं स्तोमम् अभिष्टये घृतं न पूतम् अद्रिवः । येना नु सद्य ओजसा ववक्षिथ ॥
imaṃ stomam abhiṣṭaye ghṛtaṃ na pūtam adrivaḥ | yenā nu sadya ojasā vavakṣitha ||
Accept this laud for aid, made pure like oil, thou Caster of the Stone, Whereby even in a moment thou hast waxen great.
Translated by Ralph T. H. Griffith (1896)
इमं जुषस्व गिर्वणः समुद्र इव पिन्वते । इन्द्र विश्वाभिर् ऊतिभिर् ववक्षिथ ॥
imaṃ juṣasva girvaṇaḥ samudra iva pinvate | indra viśvābhir ūtibhir vavakṣitha ||
Be pleased, Song-lover, with this song it flows abundant like the sea. Indra, with all thy succours thou hast waxen great.
Translated by Ralph T. H. Griffith (1896)
यो नो देवः परावतः सखित्वनाय मामहे । दिवो न वृष्टिम् प्रथयन् ववक्षिथ ॥
yo no devaḥ parāvataḥ sakhitvanāya māmahe | divo na vṛṣṭim prathayan vavakṣitha ||
The God who from afar hath sent gifts to maintain our friendship's bond, Thou. spreading them like rain from heaven, hast waxen great.
Translated by Ralph T. H. Griffith (1896)
ववक्षुर् अस्य केतवो उत वज्रो गभस्त्योः । यत् सूर्यो न रोदसी अवर्धयत् ॥
vavakṣur asya ketavo uta vajro gabhastyoḥ | yat sūryo na rodasī avardhayat ||
The beams that mark him have grown strong, the thunder rests between his arms, When, like the Sun, he hath increased both Heaven and Earth.
Translated by Ralph T. H. Griffith (1896)
यदि प्रवृद्ध सत्पते सहस्रम् महिषां अघः । आद् इत् त इन्द्रियम् महि प्र वावृधे ॥
yadi pravṛddha satpate sahasram mahiṣāṃ aghaḥ | ād it ta indriyam mahi pra vāvṛdhe ||
When, Mighty Lord of Heroes, thou didst cat a thousand buffaloes, Then grew and waxed exceeding great thine Indra-power.
Translated by Ralph T. H. Griffith (1896)
इन्द्रः सूर्यस्य रश्मिभिर् न्य् अर्शसानम् ओषति । अग्निर् वनेव सासहिः प्र वावृधे ॥
indraḥ sūryasya raśmibhir ny arśasānam oṣati | agnir vaneva sāsahiḥ pra vāvṛdhe ||
Indra consumeth with the rays of Surya the malicious man: Like Agni conquering the woods, he hath grown strong.
Translated by Ralph T. H. Griffith (1896)
इयं त ऋत्वियावती धीतिर् एति नवीयसी । सपर्यन्ती पुरुप्रिया मिमीत इत् ॥
iyaṃ ta ṛtviyāvatī dhītir eti navīyasī | saparyantī purupriyā mimīta it ||
This newest thought of ours that suits the time approaches unto thee: Serving, beloved in many a place it metes and marks.
Translated by Ralph T. H. Griffith (1896)
गर्भो यज्ञस्य देवयुः क्रतुम् पुनीत आनुषक् । स्तोमैर् इन्द्रस्य वावृधे मिमीत इत् ॥
garbho yajñasya devayuḥ kratum punīta ānuṣak | stomair indrasya vāvṛdhe mimīta it ||
The pious germ of sacrifice directly purifies the soul. By Indra's lauds it waxes great, it metes and marks.
Translated by Ralph T. H. Griffith (1896)
सनिर् मित्रस्य पप्रथ इन्द्रः सोमस्य पीतये । प्राची वाशीव सुन्वते मिमीत इत् ॥
sanir mitrasya papratha indraḥ somasya pītaye | prācī vāśīva sunvate mimīta it ||
Indra who wins the friend hath spread himself to drink the Soma-draught: Like worshipper's dilating praise; it metes and marks.
Translated by Ralph T. H. Griffith (1896)
यं विप्रा उक्थवाहसो ऽभिप्रमन्दुर् आयवः । घृतं न पिप्य आसन्य् ऋतस्य यत् ॥
yaṃ viprā ukthavāhaso 'bhipramandur āyavaḥ | ghṛtaṃ na pipya āsany ṛtasya yat ||
He whom the sages, living men, have gladdened, offering up their hymns, Hath swelled like oil of sacrifice in Agni's mouth.
Translated by Ralph T. H. Griffith (1896)
उत स्वराजे अदिति स्तोमम् इन्द्राय जीजनत् । पुरुप्रशस्तम् ऊतय ऋतस्य यत् ॥
uta svarāje aditi stomam indrāya jījanat | purupraśastam ūtaya ṛtasya yat ||
Aditi also hath brought forth a hymn for Indra, Sovran Lord: The work of sacrifice for help is glorified.
Translated by Ralph T. H. Griffith (1896)
अभि वह्नय ऊतये ऽनूषत प्रशस्तये । न देव विव्रता हरी ऋतस्य यत् ॥
abhi vahnaya ūtaye 'nūṣata praśastaye | na deva vivratā harī ṛtasya yat ||
The ministering priests have sung their songs for aid and eulogy: God, thy Bays turn not from the rite which Law ordains.
Translated by Ralph T. H. Griffith (1896)
यत् सोमम् इन्द्र विष्णवि यद् वा घ त्रित आप्त्ये । यद् वा मरुत्सु मन्दसे सम् इन्दुभिः ॥
yat somam indra viṣṇavi yad vā gha trita āptye | yad vā marutsu mandase sam indubhiḥ ||
If, Indra, thou drink Soma by Visnu's or Trta Aptya's side, Or with the Maruts take delight in flowing drops;
Translated by Ralph T. H. Griffith (1896)
यद् वा शक्र परावति समुद्रे अधि मन्दसे । अस्माकम् इत् सुते रणा सम् इन्दुभिः ॥
yad vā śakra parāvati samudre adhi mandase | asmākam it sute raṇā sam indubhiḥ ||
Or, Sakra, if thou gladden thee afar or in the sea of air, Rejoice thee in this juice of ours, in flowing drops.
Translated by Ralph T. H. Griffith (1896)
यद् वासि सुन्वतो वृधो यजमानस्य सत्पते । उक्थे वा यस्य रण्यसि सम् इन्दुभिः ॥
yad vāsi sunvato vṛdho yajamānasya satpate | ukthe vā yasya raṇyasi sam indubhiḥ ||
Or, Lord of Heroes if thou aid the worshipper who shed; the, juice, Or him whose laud delights thee, and his flowing drops.
Translated by Ralph T. H. Griffith (1896)
देवं-देवं वो ऽवस इन्द्रम्-इन्द्रं गृणीषणि । अधा यज्ञाय तुर्वणे व्य् आनशुः ॥
devaṃ-devaṃ vo 'vasa indram-indraṃ gṛṇīṣaṇi | adhā yajñāya turvaṇe vy ānaśuḥ ||
To magnify the God, the God, Indra, yea, Indra for your help, And promptly end the sacrifice-this have they gained.
Translated by Ralph T. H. Griffith (1896)
यज्ञेभिर् यज्ञवाहसं सोमेभिः सोमपातमम् । होत्राभिर् इन्द्रं वावृधुर् व्य् आनशुः ॥
yajñebhir yajñavāhasaṃ somebhiḥ somapātamam | hotrābhir indraṃ vāvṛdhur vy ānaśuḥ ||
With worship, him whom men adore, with Soma, him who drinks it most, Indra with lauds have they increased this have they gained.
Translated by Ralph T. H. Griffith (1896)
महीर् अस्य प्रणीतयः पूर्वीर् उत प्रशस्तयः । विश्वा वसूनि दाशुषे व्य् आनशुः ॥
mahīr asya praṇītayaḥ pūrvīr uta praśastayaḥ | viśvā vasūni dāśuṣe vy ānaśuḥ ||
His leadings are with power and might and his instructions manifold: He gives the worshipper all wealth: this have they gained.
Translated by Ralph T. H. Griffith (1896)
इन्द्रं वृत्राय हन्तवे देवासो दधिरे पुरः । इन्द्रं वाणीर् अनूषता सम् ओजसे ॥
indraṃ vṛtrāya hantave devāso dadhire puraḥ | indraṃ vāṇīr anūṣatā sam ojase ||
For slaying Vrtra have the Gods set Indra in the foremost place. Indra the choral bands have sung, for vigorous strength.
Translated by Ralph T. H. Griffith (1896)
महान्तम् महिना वयं स्तोमेभिर् हवनश्रुतम् । अर्कैर् अभि प्र णोनुमः सम् ओजसे ॥
mahāntam mahinā vayaṃ stomebhir havanaśrutam | arkair abhi pra ṇonumaḥ sam ojase ||
We to the Mighty with our might, with lauds to him who hears our call, With holy hymns have sung aloud, for vigorous strength.
Translated by Ralph T. H. Griffith (1896)
न यं विविक्तो रोदसी नान्तरिक्षाणि वज्रिणम् । अमाद् इद् अस्य तित्विषे सम् ओजसः ॥
na yaṃ vivikto rodasī nāntarikṣāṇi vajriṇam | amād id asya titviṣe sam ojasaḥ ||
Not earth, nor heaven, nor firmaments contain the Thunder-wielding God: They shake before his violent rush and vigorous strength.
Translated by Ralph T. H. Griffith (1896)
यद् इन्द्र पृतनाज्ये देवास् त्वा दधिरे पुरः । आद् इत् ते हर्यता हरी ववक्षतुः ॥
yad indra pṛtanājye devās tvā dadhire puraḥ | ād it te haryatā harī vavakṣatuḥ ||
What time the Gods, O Indra, get thee foremost in the furious fight, Then thy two beautiful Bay Steeds carried thee on.
Translated by Ralph T. H. Griffith (1896)
यदा वृत्रं नदीवृतं शवसा वज्रिन्न् अवधीः । आद् इत् ते हर्यता हरी ववक्षतुः ॥
yadā vṛtraṃ nadīvṛtaṃ śavasā vajrinn avadhīḥ | ād it te haryatā harī vavakṣatuḥ ||
When Vrtra, stayer of the floods, thou seest, Thunderor with might, Then thy two beautiful Bay Steeds carried thee on.
Translated by Ralph T. H. Griffith (1896)
यदा ते विष्णुर् ओजसा त्रीणि पदा विचक्रमे । आद् इत् ते हर्यता हरी ववक्षतुः ॥
yadā te viṣṇur ojasā trīṇi padā vicakrame | ād it te haryatā harī vavakṣatuḥ ||
When Visnu, through thine energy, strode wide those three great steps of his, Then thy two beautiful Bay Steeds carried thee on.
Translated by Ralph T. H. Griffith (1896)
यदा ते हर्यता हरी वावृधाते दिवे-दिवे । आद् इत् ते विश्वा भुवनानि येमिरे ॥
yadā te haryatā harī vāvṛdhāte dive-dive | ād it te viśvā bhuvanāni yemire ||
When thy two beautiful Bay Steeds grew great and greater day by day, Even then all creatures that had life bowed down to thee.
Translated by Ralph T. H. Griffith (1896)
यदा ते मारुतीर् विशस् तुभ्यम् इन्द्र नियेमिरे । आद् इत् ते विश्वा भुवनानि येमिरे ॥
yadā te mārutīr viśas tubhyam indra niyemire | ād it te viśvā bhuvanāni yemire ||
When, Indra, all the Marut folk humbly submitted them to thee, Even then all creatures that had life bowed down to thee.
Translated by Ralph T. H. Griffith (1896)
यदा सूर्यम् अमुं दिवि शुक्रं ज्योतिर् अधारयः । आद् इत् ते विश्वा भुवनानि येमिरे ॥
yadā sūryam amuṃ divi śukraṃ jyotir adhārayaḥ | ād it te viśvā bhuvanāni yemire ||
When yonder Sun, that brilliant light, thou settest in the heaven above, Even then all creatures that had life bowed down to thee.
Translated by Ralph T. H. Griffith (1896)
इमां त इन्द्र सुष्टुतिं विप्र इयर्ति धीतिभिः । जामिम् पदेव पिप्रतीम् प्राध्वरे ॥
imāṃ ta indra suṣṭutiṃ vipra iyarti dhītibhiḥ | jāmim padeva pipratīm prādhvare ||
To thee, O Indra, with this thought the sage lifts up this eulogy, Akin and leading as on foot to sacrifice.
Translated by Ralph T. H. Griffith (1896)
यद् अस्य धामनि प्रिये समीचीनासो अस्वरन् । नाभा यज्ञस्य दोहना प्राध्वरे ॥
yad asya dhāmani priye samīcīnāso asvaran | nābhā yajñasya dohanā prādhvare ||
When in thine own dear dwelling all gathered have lifted up the voice Milk-streams at worship's central spot, for sacrifice,
Translated by Ralph T. H. Griffith (1896)
सुवीर्यं स्वश्व्यं सुगव्यम् इन्द्र दद्धि नः । होतेव पूर्वचित्तये प्राध्वरे ॥
suvīryaṃ svaśvyaṃ sugavyam indra daddhi naḥ | hoteva pūrvacittaye prādhvare ||
As Priest, O Indra, give us wealth in brave men and good steeds and kine That we may first remember thee for sacrifice.
Translated by Ralph T. H. Griffith (1896)