कृत्तिकास्वग्निमादधीत । एतद्वा अग्नेर्नक्षत्रम् । यत्कृत्तिकाः । स्वायामेवैनं देवतायामाधाय । ब्रह्मवर्चसी भवति । मुखं वा एतन्नक्षत्राणाम् । यत्कृत्तिकाः । यः कृत्तिकास्वग्निमाधत्ते । मुख्य एव भवति । अथो खलु १ अग्निनक्षत्रमित्यपचायन्ति । गृहान्ह दाहुको भवति । प्रजापती रोहिण्या-मग्निमसृजत । तं देवा रोहिण्यामादधत । ततो वै ते सर्वान्रोहानरोहन् । तद्रोहिण्यै रोहिणित्वम् । यो रोहिण्यामग्निमाधत्ते । ऋध्नोत्येव । सर्वान्रोहान्रोहति । देवा वै भद्राः सन्तोऽग्निमाधित्सन्त २ तेषामनाहितोऽग्निरासीत् । अथैभ्यो वामं वस्वपाक्रामत् । ते पुनर्वस्वोरादधत । ततो वै तान्वामं वसूपावर्तत । यः पुरा भद्र ः! सन्पापीयान्त्स्यात् । स पुनर्वस्वोरग्निमादधीत । पुनरेवैनं वामं वसूपावर्तते । भद्रो भवति । यः कामयेत दानकामा मे प्रजाः स्युरिति । स पूर्वयोः फल्गुन्योरग्निमादधीत ३ अर्यम्णो वा एतन्नक्षत्रम् । यत्पूर्वे फल्गुनी ।अर्यमेति तमाहुर्यो ददाति । दानकामा अस्मै प्रजा भवन्ति । यः कामयेत भगी स्यामिति । स उत्तरयोः फल्गुन्योरग्निमादधीत । भगस्य वा एतन्नक्षत्रम् । यदुत्तरे फल्गुनी ।भग्येव भवति । कालकञ्जा वै नामासुरा आसन् ४ ते सुवर्गाय लोकायाग्निमचिन्वन्त । पुरुष इष्टकामुपादधात्पुरुष इष्टकाम् । स इन्द्रो ब्राह्मणो ब्रुवाण इष्टकामुपाधत्त । एषा मे चित्रा नामेति । ते सुवर्गꣳ लोकमाप्रारोहन् । स इन्द्र इष्टकामावृहत् । तेऽवाकीर्यन्त । येऽवाकीर्यन्त । त ऊर्णावभयोऽभवन् । द्वावुदपतताम् ५ तौ दिव्यौ श्वानावभवताम् । यो भ्रातृव्यवान्त्स्यात् । स चित्रायामग्नि-मादधीत । अवकीर्यैव भ्रातृव्यान् । ओजो बलमिन्द्रि यं वीर्यमात्मन्धत्ते । वसन्ता ब्राह्मणोऽग्निमादधीत । वसन्तो वै ब्राह्मणस्यर्तुः । स्व एवैनमृता- वाधाय । ब्रह्मवर्चसी भवति । मुखं वा एतदृतूनाम् ६ यद्वसन्तः । यो वसन्ताग्निमाधत्ते । मुख्य एव भवति । अथो योनिमन्तमेवैनं प्रजातमाधत्ते । ग्रीष्मे राजन्य आदधीत । ग्रीष्मो वै राजन्यस्यर्तुः । स्व एवैनमृतावाधाय । इन्द्रि यावी भवति । शरदि वैश्य आदधीत । शरद्वै वैश्यस्यर्तुः ७ स्व एवैनमृतावाधाय । पशुमान्भवति । न पूर्वयोः फल्गुन्योरग्निमादधीत । एषा वै जघन्या रात्रिः संवत्सरस्य । यत्पूर्वे फल्गुनी ।पृष्टित एव संवत्सर-स्याग्निमाधाय । पापीयान्भवति । उत्तरयोरादधीत । एषा वै प्रथमा रात्रिः संवतसरस्य । यदुत्तरे फल्गुनी । मुखत एव संवत्सरस्याग्निमाधाय । वसीयान्भवति । अथो खलु । यदैवैनं यज्ञ उपनमेत् । अथादधीत । सैवास्यर्द्धिः ८
kṛttikāsvagnimādadhīta | etadvā agnernakṣatram | yatkṛttikāḥ | svāyāmevainaṃ devatāyāmādhāya | brahmavarcasī bhavati | mukhaṃ vā etannakṣatrāṇām | yatkṛttikāḥ | yaḥ kṛttikāsvagnimādhatte | mukhya eva bhavati | atho khalu 1 agninakṣatramityapacāyanti | gṛhānha dāhuko bhavati | prajāpatī rohiṇyā-magnimasṛjata | taṃ devā rohiṇyāmādadhata | tato vai te sarvānrohānarohan | tadrohiṇyai rohiṇitvam | yo rohiṇyāmagnimādhatte | ṛdhnotyeva | sarvānrohānrohati | devā vai bhadrāḥ santo'gnimādhitsanta 2 teṣāmanāhito'gnirāsīt | athaibhyo vāmaṃ vasvapākrāmat | te punarvasvorādadhata | tato vai tānvāmaṃ vasūpāvartata | yaḥ purā bhadra ḥ! sanpāpīyāntsyāt | sa punarvasvoragnimādadhīta | punarevainaṃ vāmaṃ vasūpāvartate | bhadro bhavati | yaḥ kāmayeta dānakāmā me prajāḥ syuriti | sa pūrvayoḥ phalgunyoragnimādadhīta 3 aryamṇo vā etannakṣatram | yatpūrve phalgunī |aryameti tamāhuryo dadāti | dānakāmā asmai prajā bhavanti | yaḥ kāmayeta bhagī syāmiti | sa uttarayoḥ phalgunyoragnimādadhīta | bhagasya vā etannakṣatram | yaduttare phalgunī |bhagyeva bhavati | kālakañjā vai nāmāsurā āsan 4 te suvargāya lokāyāgnimacinvanta | puruṣa iṣṭakāmupādadhātpuruṣa iṣṭakām | sa indro brāhmaṇo bruvāṇa iṣṭakāmupādhatta | eṣā me citrā nāmeti | te suvargam̐ lokamāprārohan | sa indra iṣṭakāmāvṛhat | te'vākīryanta | ye'vākīryanta | ta ūrṇāvabhayo'bhavan | dvāvudapatatām 5 tau divyau śvānāvabhavatām | yo bhrātṛvyavāntsyāt | sa citrāyāmagni-mādadhīta | avakīryaiva bhrātṛvyān | ojo balamindri yaṃ vīryamātmandhatte | vasantā brāhmaṇo'gnimādadhīta | vasanto vai brāhmaṇasyartuḥ | sva evainamṛtā- vādhāya | brahmavarcasī bhavati | mukhaṃ vā etadṛtūnām 6 yadvasantaḥ | yo vasantāgnimādhatte | mukhya eva bhavati | atho yonimantamevainaṃ prajātamādhatte | grīṣme rājanya ādadhīta | grīṣmo vai rājanyasyartuḥ | sva evainamṛtāvādhāya | indri yāvī bhavati | śaradi vaiśya ādadhīta | śaradvai vaiśyasyartuḥ 7 sva evainamṛtāvādhāya | paśumānbhavati | na pūrvayoḥ phalgunyoragnimādadhīta | eṣā vai jaghanyā rātriḥ saṃvatsarasya | yatpūrve phalgunī |pṛṣṭita eva saṃvatsara-syāgnimādhāya | pāpīyānbhavati | uttarayorādadhīta | eṣā vai prathamā rātriḥ saṃvatasarasya | yaduttare phalgunī | mukhata eva saṃvatsarasyāgnimādhāya | vasīyānbhavati | atho khalu | yadaivainaṃ yajña upanamet | athādadhīta | saivāsyarddhiḥ 8
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.