देवं बर्हिरिन्द्रꣳ सुदेवं देवैः । वीरवत्स्तीर्णं वेद्यामवर्धयत् । वस्तोर्वृतं प्राक्तोर्भृतम् । राया बर्हिष्मतोऽत्यगात् । वसुवने वसुधेयस्य वेतु यज । देवीर्द्वार इन्द्रꣳ संघाते । विड्वीर्यामन्नवर्धयन् । आ वत्सेन तरुणेन कुमारेण च मीविता अपार्वाणम् । रेणुककाटं नुदन्ताम् । वसुवने वसुधेयस्य वियन्तु यज १ देवी उषासानक्ता । इन्द्रं यज्ञे प्रयत्यह्वेताम् । दैवीर्विशः प्रायासिष्टाम् । सुप्रीते सुधिते अभूताम् । वसुवने वसुधेयस्य वीतां यज । देवी जोष्ट्री वसुधिती ।देवमिन्द्र मवर्धताम् । अयाव्यन्याघा द्वेषाँसि । आन्यावाक्षीद्वसु वार्याणि । यजमानाय शिक्षिते २ वसुवने वसुधेयस्य वीतां यज । देवी ऊर्जाहुती दुघे सुदुघे । पयसेन्द्रमवर्धताम् । इषमूर्जमन्यावाक्षीत् । सग्धिꣳ सपीतिमन्या । नवेन पूर्वं दयमाने । पुराणेन नवम् । अधातामूर्जमूर्जाहुती वसु वार्याणि । यजमानाय शिक्षिते । वसुवने वसुधेयस्य वीतां यज ३ देवा दैव्या होतारा । देवमिन्द्रमवर्धताम् । हताघशँसावाभार्ष्टां वसु वार्याणि । यजमानाय शिक्षितौ । वसुवने वसुधेयस्य वीतां यज । देवीस्तिस्रस्तिस्रो देवीः । पतिमिन्द्र मवर्धयन् । । अस्पृक्षद्भारती दिवम् । रुद्रैर्यज्ञꣳ सरस्वती ।इडा वसुमती गृहान् ४ वसुवने वसुधेयस्य वियन्तु यज । देव इन्द्रो नराशँसः । त्रिवरूथस्त्रिवन्धुरः । देवमिन्द्रमवर्धयत् । शतेन शितिपृष्ठानामाहितः । सहस्रेण प्रवर्तते । मित्रावरुणेदस्य होत्रमर्हतः । बृहस्पतिः स्तोत्रम् । अश्विनाध्वर्यवम् । वसुवने वसुधेयस्य वेतु यज ५ देव इन्द्रो वनस्पतिः । हिरण्यपर्णो मधुशाखः सुपिप्पलः । देवमिन्द्रमवर्धयत् । दिवमग्रेणाप्रात् । आन्तरिक्षं पृथिवीमदृँहीत् । वसुवने वसुधेयस्य वेतु यज । देवं बर्हिर्वारितीनाम् । देवमिन्द्रमवर्धयत् । स्वासस्थमिन्द्रेणासन्नम् । अन्या बर्हीँष्यभ्यभूत् । वसुवने वसुधेयस्य वेतु यज । देवो अग्निः स्विष्टकृत् । देवमिन्द्रमवर्धयत् । स्विष्टं कुर्वन्त्स्विष्टकृत् । स्विष्टमद्य करोतु नः । वसुवने वसुधेयस्य वेतु यज ६
devaṃ barhirindram̐ sudevaṃ devaiḥ | vīravatstīrṇaṃ vedyāmavardhayat | vastorvṛtaṃ prāktorbhṛtam | rāyā barhiṣmato'tyagāt | vasuvane vasudheyasya vetu yaja | devīrdvāra indram̐ saṃghāte | viḍvīryāmannavardhayan | ā vatsena taruṇena kumāreṇa ca mīvitā apārvāṇam | reṇukakāṭaṃ nudantām | vasuvane vasudheyasya viyantu yaja 1 devī uṣāsānaktā | indraṃ yajñe prayatyahvetām | daivīrviśaḥ prāyāsiṣṭām | suprīte sudhite abhūtām | vasuvane vasudheyasya vītāṃ yaja | devī joṣṭrī vasudhitī |devamindra mavardhatām | ayāvyanyāghā dveṣā~si | ānyāvākṣīdvasu vāryāṇi | yajamānāya śikṣite 2 vasuvane vasudheyasya vītāṃ yaja | devī ūrjāhutī dughe sudughe | payasendramavardhatām | iṣamūrjamanyāvākṣīt | sagdhim̐ sapītimanyā | navena pūrvaṃ dayamāne | purāṇena navam | adhātāmūrjamūrjāhutī vasu vāryāṇi | yajamānāya śikṣite | vasuvane vasudheyasya vītāṃ yaja 3 devā daivyā hotārā | devamindramavardhatām | hatāghaśa~sāvābhārṣṭāṃ vasu vāryāṇi | yajamānāya śikṣitau | vasuvane vasudheyasya vītāṃ yaja | devīstisrastisro devīḥ | patimindra mavardhayan | | aspṛkṣadbhāratī divam | rudrairyajñam̐ sarasvatī |iḍā vasumatī gṛhān 4 vasuvane vasudheyasya viyantu yaja | deva indro narāśa~saḥ | trivarūthastrivandhuraḥ | devamindramavardhayat | śatena śitipṛṣṭhānāmāhitaḥ | sahasreṇa pravartate | mitrāvaruṇedasya hotramarhataḥ | bṛhaspatiḥ stotram | aśvinādhvaryavam | vasuvane vasudheyasya vetu yaja 5 deva indro vanaspatiḥ | hiraṇyaparṇo madhuśākhaḥ supippalaḥ | devamindramavardhayat | divamagreṇāprāt | āntarikṣaṃ pṛthivīmadṛ~hīt | vasuvane vasudheyasya vetu yaja | devaṃ barhirvāritīnām | devamindramavardhayat | svāsasthamindreṇāsannam | anyā barhī~ṣyabhyabhūt | vasuvane vasudheyasya vetu yaja | devo agniḥ sviṣṭakṛt | devamindramavardhayat | sviṣṭaṃ kurvantsviṣṭakṛt | sviṣṭamadya karotu naḥ | vasuvane vasudheyasya vetu yaja 6
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.