होता यक्षत्समिधाग्निमिडस्पदे । अश्विनेन्द्रꣳ सरस्वतीम् । अजो धूम्रो न गोधूमैः क्वलैर्भेषजम् । मधु शष्पैर्न तेज इन्द्रियम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षत्तनूनपात्सरस्वती ।अविर्मेषो न भेषजम् । पथा मधुमताऽऽभरन् । अश्विनेन्द्राय वीर्यम् १ बदरैरुपवाकाभिर्भेषजं तोक्मभिः । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षन्नराशँसं न नग्नहुम् । पतिꣳ सुरायै भेषजम् । मेषः सरस्वती भिषक् । रथो न चन्द्र्यश्विनोर्वपा इन्द्रस्य वीर्यम् । बदरैरुपवाकाभिर्भेषजं तोक्मभिः । पयः सोमः परिस्रुता घृतं मधु । वियन्त्वाज्यस्य होतर्यज २ होता यक्षदिडेडित आजुह्वानः सरस्वतीम् । इन्द्रं बलेन वर्धयन् । ऋषभेण गवेन्द्रियम् । अश्विनेन्द्राय वीर्यम् । यवैः कर्कन्धुभिः । मधु लाजैर्न मासरम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षद्बर्हिः । सुष्टरीमोर्णम्रदाः । भिषङ् नासत्या ३ भिषजाश्विनाश्वा शिशुमती भिषग् । धेनुः सरस्वती भिषग् । दुह इन्द्राय भेषजम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षद्दुरो दिशः । कवष्यो न व्यचस्वतीः । अश्विभ्यां न दुरो दिशः । इन्द्रो न रोदसी दुघे । दुहे कामान्त्सरस्वती ४ अश्विनेन्द्राय भेषजम् । शुक्रं न ज्योतिरिन्द्रियम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षत्सुपेशसोषे नक्तं दिवा । अश्विना संजानाने । समञ्जाते सरस्वत्या । त्विषिमिन्द्रे न भेषजम् । श्येनो न रजसा हृदा । पयः सोमः परिस्रुता घृतं मधु ५ वियन्त्वाज्यस्य होतर्यज । होता यक्षद्दैव्या होतारा भिषजाश्विना । इन्द्रं न जागृवी दिवा नक्तं न भेषजैः । शूषꣳ सरस्वती भिषक् । सीसेन दुह इन्द्रियम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षत्तिस्रो देवीर्न भेषजम् । त्रयस्त्रिधातवोऽपसः । रूपमिन्द्रे हिरण्ययम् ६ अश्विनेडा न भारती । वाचा सरस्वती मह । इन्द्राय दधुरिन्द्रियम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षत्त्वष्टारमिन्द्रमश्विना । भिषजं न सरस्वतीम् । ओजो न जूतिरिन्द्रियम् । वृको न रभसो भिषक् । यशः सुरया भेषजम् ७ श्रिया न मासरम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षद्वनस्पतिम् । शमितारꣳ शतक्रतुम् । भीमं न मन्युꣳ राजानं व्याघ्रं नमसाश्विना । भामम् सरस्वती भिषक् । इन्द्राय दुह इन्द्रियम् । पयः सोमः परिस्रुता घृतं मधु वियन्त्वाज्यस्य होतर्यज ८ होता यक्षदग्निꣳ स्वाहाज्यस्य स्तोकानाम् । स्वाहा मेदसां पृथक् । स्वाहा छागमश्विभ्याम् । स्वाहा मेषꣳ सरस्वत्यै । स्वाहर्षभमिन्द्राय सिँहाय सहसेन्द्रियम् । स्वाहाग्निं न भेषजम् । स्वाहा सोममिन्द्रियम् । स्वाहेन्द्रꣳ सुत्रामाणꣳ सवितारं वरुणं भिषजां पतिम् । स्वाहा वनस्पतिं प्रियं पाथो न भेषजम् । स्वहा देवाꣳ आज्यपान् ९ स्वाहाग्निꣳ होत्राज्जुषाणो अग्निर्भेषजम् । पयः सोमः परिस्रुता घृतं मधु । वियन्त्वाज्यस्य होतर्यज । होता यक्षदश्विना सरस्वतीमिन्द्रꣳ सुत्रामाणम् । इमे सोमाः सुरामाणः । छागैर्न मेषैर्ऋषभैः सुताः । शष्पैर्न तोक्मभिः । लाजैर्महस्वन्तः । मदा मासरेण परिष्कृताः । शुक्राः पयस्वन्तोऽमृताः । प्रस्थिता वो मधुश्चुतः तानश्विना सरस्वतीन्द्रः सुत्रामा वृत्रहा । जुषन्ताꣳ सौम्यं मधु । पिबन्तु मदन्तु वियन्तु सोमम् । होतर्यज १०
hotā yakṣatsamidhāgnimiḍaspade | aśvinendram̐ sarasvatīm | ajo dhūmro na godhūmaiḥ kvalairbheṣajam | madhu śaṣpairna teja indriyam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣattanūnapātsarasvatī |avirmeṣo na bheṣajam | pathā madhumatā''bharan | aśvinendrāya vīryam 1 badarairupavākābhirbheṣajaṃ tokmabhiḥ | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣannarāśa~saṃ na nagnahum | patim̐ surāyai bheṣajam | meṣaḥ sarasvatī bhiṣak | ratho na candryaśvinorvapā indrasya vīryam | badarairupavākābhirbheṣajaṃ tokmabhiḥ | payaḥ somaḥ parisrutā ghṛtaṃ madhu | viyantvājyasya hotaryaja 2 hotā yakṣadiḍeḍita ājuhvānaḥ sarasvatīm | indraṃ balena vardhayan | ṛṣabheṇa gavendriyam | aśvinendrāya vīryam | yavaiḥ karkandhubhiḥ | madhu lājairna māsaram | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣadbarhiḥ | suṣṭarīmorṇamradāḥ | bhiṣaṅ nāsatyā 3 bhiṣajāśvināśvā śiśumatī bhiṣag | dhenuḥ sarasvatī bhiṣag | duha indrāya bheṣajam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣadduro diśaḥ | kavaṣyo na vyacasvatīḥ | aśvibhyāṃ na duro diśaḥ | indro na rodasī dughe | duhe kāmāntsarasvatī 4 aśvinendrāya bheṣajam | śukraṃ na jyotirindriyam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣatsupeśasoṣe naktaṃ divā | aśvinā saṃjānāne | samañjāte sarasvatyā | tviṣimindre na bheṣajam | śyeno na rajasā hṛdā | payaḥ somaḥ parisrutā ghṛtaṃ madhu 5 viyantvājyasya hotaryaja | hotā yakṣaddaivyā hotārā bhiṣajāśvinā | indraṃ na jāgṛvī divā naktaṃ na bheṣajaiḥ | śūṣam̐ sarasvatī bhiṣak | sīsena duha indriyam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣattisro devīrna bheṣajam | trayastridhātavo'pasaḥ | rūpamindre hiraṇyayam 6 aśvineḍā na bhāratī | vācā sarasvatī maha | indrāya dadhurindriyam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣattvaṣṭāramindramaśvinā | bhiṣajaṃ na sarasvatīm | ojo na jūtirindriyam | vṛko na rabhaso bhiṣak | yaśaḥ surayā bheṣajam 7 śriyā na māsaram | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣadvanaspatim | śamitāram̐ śatakratum | bhīmaṃ na manyum̐ rājānaṃ vyāghraṃ namasāśvinā | bhāmam sarasvatī bhiṣak | indrāya duha indriyam | payaḥ somaḥ parisrutā ghṛtaṃ madhu viyantvājyasya hotaryaja 8 hotā yakṣadagnim̐ svāhājyasya stokānām | svāhā medasāṃ pṛthak | svāhā chāgamaśvibhyām | svāhā meṣam̐ sarasvatyai | svāharṣabhamindrāya si~hāya sahasendriyam | svāhāgniṃ na bheṣajam | svāhā somamindriyam | svāhendram̐ sutrāmāṇam̐ savitāraṃ varuṇaṃ bhiṣajāṃ patim | svāhā vanaspatiṃ priyaṃ pātho na bheṣajam | svahā devām̐ ājyapān 9 svāhāgnim̐ hotrājjuṣāṇo agnirbheṣajam | payaḥ somaḥ parisrutā ghṛtaṃ madhu | viyantvājyasya hotaryaja | hotā yakṣadaśvinā sarasvatīmindram̐ sutrāmāṇam | ime somāḥ surāmāṇaḥ | chāgairna meṣairṛṣabhaiḥ sutāḥ | śaṣpairna tokmabhiḥ | lājairmahasvantaḥ | madā māsareṇa pariṣkṛtāḥ | śukrāḥ payasvanto'mṛtāḥ | prasthitā vo madhuścutaḥ tānaśvinā sarasvatīndraḥ sutrāmā vṛtrahā | juṣantām̐ saumyaṃ madhu | pibantu madantu viyantu somam | hotaryaja 10
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.