देवं बर्हिः सरस्वती ।सुदेवमिन्द्रे अश्विना । तेजो न चक्षुरक्ष्योः । बर्हिषा दधुरिन्द्रियम् । वसुवने वसुधेयस्य वियन्तु यज । देवीर्द्वारो अश्विना । भिषजेन्द्रे सरस्वती । प्राणं न वीर्यं नसि । द्वारो दधुरिन्द्रियम् । वसुवने वसुधेयस्य वियन्तु यज १ देवी उषासावश्विना । भिषजेन्द्रे सरस्वती । बलं न वाचमास्ये । उषाभ्यां दधुरिन्द्रियम् । वसुवने वसुधेयस्य वियन्तु यज । देवी जोष्ट्री अश्विना सुत्रामेन्द्रे सरस्वती । श्रोत्रं न कर्णयोर्यशः । जोष्ट्रीभ्यां दधुरिन्द्रियम् । वसुवने वसुधेयस्य वियन्तु यज २ देवी ऊर्जाहुती दुघे सुदुघे । पयसेन्द्रꣳ सरस्वत्यश्विना भिषजावत । शुक्रं न ज्योतिः स्तनयोराहुती धत्त इन्द्रियम् । वसुवने वसुधेयस्य वियन्तु यज । देवा देवानां भिषजा । होताराविन्द्रमश्विना । वषट्कारैः सरस्वती । त्विषिं न हृदये मतिम् । होतृभ्यां दधुरिन्द्रि यम् । वसुवने वसुधेयस्य वियन्तु यज ३ देवीस्तिस्रस्तिस्रो देवीः । सरस्वत्यश्विना भारतीडा । शूषं न मध्ये नाभ्याम् । इन्द्राय दधुरिन्द्रियम् । वसुवने वसुधेयस्य वियन्तु यज । देव इन्द्रो नराशँसः । त्रिवरूथः सरस्वत्याश्विभ्यामीयते रथः । रेतो न रूपममृतं जनित्रम् । इन्द्राय त्वष्टा दधदिन्द्रियाणि वसुवने वसुधेयस्य वियन्तु यज ४ देव इन्द्रो वनस्पतिः । हिरण्यपर्णो अश्विभ्याम् । सरस्वत्याः सुपिप्पलः । इन्द्राय पच्यते मधु । ओजो न जूतिमृषभो न भामम् । वनस्पतिर्नो दधदिन्द्रियाणि । वसुवने वसुधेयस्य वियन्तु यज । देवं बर्हिर्वारितीनाम् । अध्वरे स्तीर्णमश्विभ्याम् । ऊर्णम्रदाः सरस्वत्याः ५ स्योनमिन्द्र ते सदः । ईशायै मन्युꣳ राजानं बर्हिषा दधुरिन्द्रियम् । वसुवने वसुधेयस्य वियन्तु यज । देवो अग्निः स्विष्टकृत् । देवान्यक्षद्यथायथम् । होताराविन्द्र मश्विना । वाचा वाचꣳ सरस्वतीम् । अग्निꣳ सोमꣳ स्विष्टकृत् । स्विष्ट इन्द्रः सुत्रामा सविता वरुणो भिषक् । इष्टो देवो वनसपतिः । स्विष्टा देवा आज्यपाः । इष्टो अग्निरग्निना । होता होत्रे स्विष्टकृत् । यशो न दधदिन्द्रियम् । ऊर्जमपचितिꣳ स्वधाम् । वसुवने वसुधेयस्य वियन्तु यज ६
devaṃ barhiḥ sarasvatī |sudevamindre aśvinā | tejo na cakṣurakṣyoḥ | barhiṣā dadhurindriyam | vasuvane vasudheyasya viyantu yaja | devīrdvāro aśvinā | bhiṣajendre sarasvatī | prāṇaṃ na vīryaṃ nasi | dvāro dadhurindriyam | vasuvane vasudheyasya viyantu yaja 1 devī uṣāsāvaśvinā | bhiṣajendre sarasvatī | balaṃ na vācamāsye | uṣābhyāṃ dadhurindriyam | vasuvane vasudheyasya viyantu yaja | devī joṣṭrī aśvinā sutrāmendre sarasvatī | śrotraṃ na karṇayoryaśaḥ | joṣṭrībhyāṃ dadhurindriyam | vasuvane vasudheyasya viyantu yaja 2 devī ūrjāhutī dughe sudughe | payasendram̐ sarasvatyaśvinā bhiṣajāvata | śukraṃ na jyotiḥ stanayorāhutī dhatta indriyam | vasuvane vasudheyasya viyantu yaja | devā devānāṃ bhiṣajā | hotārāvindramaśvinā | vaṣaṭkāraiḥ sarasvatī | tviṣiṃ na hṛdaye matim | hotṛbhyāṃ dadhurindri yam | vasuvane vasudheyasya viyantu yaja 3 devīstisrastisro devīḥ | sarasvatyaśvinā bhāratīḍā | śūṣaṃ na madhye nābhyām | indrāya dadhurindriyam | vasuvane vasudheyasya viyantu yaja | deva indro narāśa~saḥ | trivarūthaḥ sarasvatyāśvibhyāmīyate rathaḥ | reto na rūpamamṛtaṃ janitram | indrāya tvaṣṭā dadhadindriyāṇi vasuvane vasudheyasya viyantu yaja 4 deva indro vanaspatiḥ | hiraṇyaparṇo aśvibhyām | sarasvatyāḥ supippalaḥ | indrāya pacyate madhu | ojo na jūtimṛṣabho na bhāmam | vanaspatirno dadhadindriyāṇi | vasuvane vasudheyasya viyantu yaja | devaṃ barhirvāritīnām | adhvare stīrṇamaśvibhyām | ūrṇamradāḥ sarasvatyāḥ 5 syonamindra te sadaḥ | īśāyai manyum̐ rājānaṃ barhiṣā dadhurindriyam | vasuvane vasudheyasya viyantu yaja | devo agniḥ sviṣṭakṛt | devānyakṣadyathāyatham | hotārāvindra maśvinā | vācā vācam̐ sarasvatīm | agnim̐ somam̐ sviṣṭakṛt | sviṣṭa indraḥ sutrāmā savitā varuṇo bhiṣak | iṣṭo devo vanasapatiḥ | sviṣṭā devā ājyapāḥ | iṣṭo agniragninā | hotā hotre sviṣṭakṛt | yaśo na dadhadindriyam | ūrjamapacitim̐ svadhām | vasuvane vasudheyasya viyantu yaja 6
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.