न वै सोमेन सोमस्य सवोऽस्ति । हतो ह्येषः । अभिषुतो ह्येषः । न हि हतः सूयते । सौमीꣳ सूतवशामालभते । सोमो वै रेतोधाः । रेत एव तद्दधाति । सौम्यर्चाभिषिञ्चति । रेतोधा ह्येषा । रेतः सोमः । रेत एवास्मिन्दधाति । यत्किं च राजसूयमृते सोमम् । तत्सर्वं भवति । अषाढं युत्सु पृतनासु पप्रिम् । सुवर्षामप्स्वां वृजनस्य गोपाम् । भरेषुजाꣳ सुक्षितिं सुश्रवसम् । जयन्तं त्वामनु मदेम सोम १
na vai somena somasya savo'sti | hato hyeṣaḥ | abhiṣuto hyeṣaḥ | na hi hataḥ sūyate | saumīm̐ sūtavaśāmālabhate | somo vai retodhāḥ | reta eva taddadhāti | saumyarcābhiṣiñcati | retodhā hyeṣā | retaḥ somaḥ | reta evāsmindadhāti | yatkiṃ ca rājasūyamṛte somam | tatsarvaṃ bhavati | aṣāḍhaṃ yutsu pṛtanāsu paprim | suvarṣāmapsvāṃ vṛjanasya gopām | bhareṣujām̐ sukṣitiṃ suśravasam | jayantaṃ tvāmanu madema soma 1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.