यो वै सोमेन सूयते । स देवसवः । यः पशुना सूयते । स देवसवः । य इष्ट्या सूयते । स मनुष्यसवः । एतं वै पृथये देवाः प्रायच्छन् । ततो वै सोऽप्यारण्यानां पशूनामसूयत । यावतीः कियतीश्च प्रजा वाचं वदन्ति । तासाꣳ सर्वासाꣳ सूयते १ य एतेन यजते । य उ चैनमेवं वेद । नाराशꣳ स्यर्चाभिषिञ्चति । मनुष्या वै नराशꣳ सः । निह्नुत्य वावैतत् । अथाभिषिञ्चति । यत्किं च राजसूयमनुत्तरवेदीकम् । तत्सर्वं भवति । ये मे पञ्चाशतं ददुः । अश्वानाꣳ सधस्तुतिः । द्युमदग्ने महि श्रवः । बृहत्कृधि मघोनाम् । नृवदमृत नृणाम् २
yo vai somena sūyate | sa devasavaḥ | yaḥ paśunā sūyate | sa devasavaḥ | ya iṣṭyā sūyate | sa manuṣyasavaḥ | etaṃ vai pṛthaye devāḥ prāyacchan | tato vai so'pyāraṇyānāṃ paśūnāmasūyata | yāvatīḥ kiyatīśca prajā vācaṃ vadanti | tāsām̐ sarvāsām̐ sūyate 1 ya etena yajate | ya u cainamevaṃ veda | nārāśam̐ syarcābhiṣiñcati | manuṣyā vai narāśam̐ saḥ | nihnutya vāvaitat | athābhiṣiñcati | yatkiṃ ca rājasūyamanuttaravedīkam | tatsarvaṃ bhavati | ye me pañcāśataṃ daduḥ | aśvānām̐ sadhastutiḥ | dyumadagne mahi śravaḥ | bṛhatkṛdhi maghonām | nṛvadamṛta nṛṇām 2
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.