दैव्याः शमितार उत मनुष्या आरभध्वम् । उपनयत मेध्या दुरः । आशासाना मेधपतिभ्यां मेधम् । प्रास्मा अग्निं भरत । स्तृणीत बर्हिः । अन्वेनं माता मन्यताम् । अनु पिता । अनु भ्राता सगर्भ्यः । अनु सखा सयूथ्यः । उदीचीनाꣳ अस्य पदो निधत्तात् १ सूर्यं चक्षुर्गमयतात् । वातं प्राणमन्ववसृजतात् । दिशः श्रोत्रम् । अन्तरि-क्षमसुम् । पृथिवीꣳ शरीरम् । एकधास्य त्वचमाच्छ्यतात् । पुरा नाभ्या अपिशसो वपामुत्खिदतात् । अन्तरेवोष्माणं वारयतात् । श्येनमस्य वक्षः कृणुतात् । प्रशसा बाहू २ शला दोषणी ।कश्यपेवाꣳसा अच्छिद्रे श्रोणी ।कवषोरू स्रेकपर्णाष्ठीवन्ता । षड्विꣳशतिरस्य वङ्क्रयः । ता अनुष्ठ्योच्च्यावयतात् । गात्रंगात्रमस्यानूनं कृणुतात् । ऊवध्यगूहं पार्थिवं खनतात् । अस्ना रक्षः सꣳसृजतात् । वनिष्ठुमस्य मा राविष्ट ३ उरूकं मन्यमानाः । नेद्वस्तोके तनये । रविता रवच्छमितारः । अध्रिगो शमीध्वम् । सुशमि शमीध्वम् । शमीध्वमध्रिगो । अध्रिगुश्चापापश्च । उभौ देवानाꣳ शमितारौ । ताविमं पशुꣳ श्रपयतां प्रविद्वाꣳसौ । यथायथास्य श्रपणं तथातथा ४
daivyāḥ śamitāra uta manuṣyā ārabhadhvam | upanayata medhyā duraḥ | āśāsānā medhapatibhyāṃ medham | prāsmā agniṃ bharata | stṛṇīta barhiḥ | anvenaṃ mātā manyatām | anu pitā | anu bhrātā sagarbhyaḥ | anu sakhā sayūthyaḥ | udīcīnām̐ asya pado nidhattāt 1 sūryaṃ cakṣurgamayatāt | vātaṃ prāṇamanvavasṛjatāt | diśaḥ śrotram | antari-kṣamasum | pṛthivīm̐ śarīram | ekadhāsya tvacamācchyatāt | purā nābhyā apiśaso vapāmutkhidatāt | antarevoṣmāṇaṃ vārayatāt | śyenamasya vakṣaḥ kṛṇutāt | praśasā bāhū 2 śalā doṣaṇī |kaśyapevām̐sā acchidre śroṇī |kavaṣorū srekaparṇāṣṭhīvantā | ṣaḍvim̐śatirasya vaṅkrayaḥ | tā anuṣṭhyoccyāvayatāt | gātraṃgātramasyānūnaṃ kṛṇutāt | ūvadhyagūhaṃ pārthivaṃ khanatāt | asnā rakṣaḥ sam̐sṛjatāt | vaniṣṭhumasya mā rāviṣṭa 3 urūkaṃ manyamānāḥ | nedvastoke tanaye | ravitā ravacchamitāraḥ | adhrigo śamīdhvam | suśami śamīdhvam | śamīdhvamadhrigo | adhriguścāpāpaśca | ubhau devānām̐ śamitārau | tāvimaṃ paśum̐ śrapayatāṃ pravidvām̐sau | yathāyathāsya śrapaṇaṃ tathātathā 4
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.